Ræst í Reykjavík.

Það er öldungis merkilegt að það heiti að gangsetja stórvirkjun eins og Kárahnjúkavirkjun þegar tveir ráðherrar sitja í makindum og tala í síma. Að sjálfsögðu eru það þá aðrir sem annast um gangsetningu. Til stóð raunar að fjármála- og iðnaðarráðherra færu austur og gangsettu Kárahnjúkavirkjun en veður bönnuðu þeim alla för.

Vinstri grænir halda því fram að þar hafi landvættirnir gripið í taummana til að koma í veg fyrir að þessir ráðamenn gætu aðhafst það sem þeir ætluðu að gera.  Þeir geta trúað því en þetta veður sem bannaði ráðherrunum að taka flugið hefur verið á leiðinni og er ekki í neinu sambandi við gangsetningu Kárahnjúkavirkjunar.

En verst að ráðherrarnir skildu ekki ná í kokteilinn. Gangsetningin gengur hvort eð er með sama hætti hvort heldur svona herramenn eru viðstaddir eða ekki.

Ræs! sagði Össur

Athugasemdir

[Sigurður Þórðarson, 30.11.2007 kl. 23:18]

Landvættirnar gegna veigamiklu hlutverki og hafa meðal annars áhrif á aflabrögð. Í Landnámu segir að Hafur-Björn, sonur Moldargúps og Járngerðar og fyrsti þingmaður Grindvíkinga hafi verið afburða fengsæll fiskimaður, enda fylgdu landvættir honum til sjós. 

Því liggur beint við að ætla að landvættirnar sýni óánægju sína með óréttlátt kvótakerfi í fjarveru á miðunum og þar með slökum aflabrögðum. Þú ættir að brýna VG í andstðu við sjávarútvegsstefnuna með þessu. 

Misskilningur VG í þessu máli stafar af því að þeir þekkja ekki nægjanlega til verkaskiptingar landvætta og veðurguða.