Sérkennileg stjórnsýsla.

Borgarstjórinn þáverandi fékk ekki álit þess embættismanns borgarinnar, borgarlögmanns, sem eðli máls samkvæmt átti að gefa álit um umboð borgarstjóra og hæfi.  Hann leitaði til aðila sem átti ríka hagsmuni af því að samningar tækjust og borgarstjórinn þáverandi samþykkti þá.  Bæði borgarstjóri og álitsgjafinn, sem eru lögfræðimenntaðir vissu að álitsgjafinn var ekki til þess bær að gefa álit í þessu efni og álitið var einskis virði.  Spurningarnar sem eftir standa eru: Af hverju leitaði þáverandi borgarstjóri ekki til þess embættismanns sem á að gefa álit í málum eins og þessum? Af hverju gaf Hjörleifur Kvaran álit í máli þar sem honum mátti vera ljóst að hann var vanhæfur? Enfremur má spyrja mátti þeim Vilhjálmi Þ. Vilhjálmssyni og Hjörleifi Kvaran ekki vera ljóst á grundvelli menntunar sinnar og þekkingar að Vilhjálm skorti fullnægjandi umboð?

Er það ekki sérkennileg stjórnsýsla að borgarstjórn Reykjavíkur skuli ákveða að gera úttekt á REI málinu m.a. aðkomu eða skorts á aðkomu borgarstjórnar og skuli telja eðlilegt að úttektin sé unnin af borgarfulltrúum sjálfum eða á þeirra vegum og samið sé um það hvað komi í skýrsluna og hvað ekki. Hefði ekki verið eðlilegra að vísa málinu til skoðunar hjá óháðum aðilum til að fá hlutlæga niðurstöðu?

Sýnir þetta ekki að það er rík þörf á að endurskoða og breyta stjórnkerfi borgarinnar í grundvallaratriðum? Sýnir þetta e.t.v. að þeir sem sitja í borgarstjórn í dag skortir sýn á hvað eru eðlilegir starfshættir?  

Forstjóri OR álitsgjafinn

Athugasemdir

[Jóhanna Magnúsar- og Völudóttir , 9.2.2008 kl. 11:30]

Þetta verður skrautlegra sem á líður ,,Matadorið." Annað hvort eru leikreglurnar í spilinu gallaðar eða þau sem sitja í kringum spilaborðið. 

Mér hefði fundist eðlilegra að leita til hlutlausra aðila til að gera úttektina, þar sem erfitt er að dæma í sjálfs síns sök (eða sakleysi).   

[Baldvin Nielsen (IP-tala skráð) 9.2.2008 kl. 12:10]

Á þetta ekki að vera lögreglumál er það ekki málið?

Baldvin Nielsen, Reykjanesbæ

[Gísli Baldvinsson (IP-tala skráð) 9.2.2008 kl. 13:25]

Sjálfstæðismenn eru komnir á þá skoðun að Vilhjálmi ásamt embættismönnum beri að víkja. Þetta er tímaspursmál. Silfur Egils á morgun gæti verið tími yfirlýsinga.

[Magnús Þór Hafsteinsson, 9.2.2008 kl. 16:26]

Það er margt undarlegt í stjórnsýslunni kringum þetta REI mál. Bendi á færslur á mínu bloggi sem varða hvernig málið horfir við frá okkur á Akranesi sem eigum verulegan hlut í Orkuveitunni.

www.magnusthor.blog.is  

[Þóra Guðmundsdóttir, 9.2.2008 kl. 18:00]

"Ég geri ábyggilega ráð fyrir að hann hafi gert það" Þessi setning er með þeim skemmtilegri sem maður hefur heyrt.

[Gísli Bergsveinn Ívarsson, 9.2.2008 kl. 22:59]

Sæll félagi

Silfur Egils gæti oðið áhugavert

[Guðrún María Óskarsdóttir., 10.2.2008 kl. 00:58]

Sæll Jón.

Takk fyrir samstarfið í " vinnslulinunni " í dag .

Ég held að raunin sé sú að stjórnkerfi borgarinnar hefur verið all nokkuð á skjön við það atriði að þar færu hagsmunir borgarbúa í öndvegi og skýringa á því miðjumoði sem þessi skýrsla endurspeglar sé að leita lengra aftur í tímann þar sem allir flokkar hafa aðkomu að málum.

kv.gmaria.

[Sigurður Sveinsson, 10.2.2008 kl. 09:25]

Það blasir við öllum að Hjörleifur og Vilhjálmur eiga að segja af sér nú þegar.