Íslandsmet í vantrausti.

Fréttablaðið sagði frá því að aldrei hefði nokkuð stjórnvald mælst með jafnlítið traust og borgarstjórn Reykjavíkur. Skoðanakönnun þar sem þetta kom fram birtist um daginn. Aðeins 9% aðspurðra treystu borgarstjórninni.

Hvað veldur svona afgerandi vantrausti á borgarstjórn Reykjavíkur? Það er athyglivert að það er ekki verið að spyrja um borgarstjórann í Reykjavík eða meirihlutann heldur borgarstjórnina. Dagur B. Eggertsson virðist eitthvað misskilja það sem fólk er að tjá sig um. Hann virðist ekki átta sig á því að þessi niðurstaða er vantraust á hann sem og aðra borgarfulltrúa ekki bara núverandi  meirihluta.

Athyglivert að þegar Fréttablaðið leitaði eftir því að fá viðhorf borgarfulltrúa Sjálfstæðisflokksins þá náðist ekki í neinn þeirra. Ekki náðist heldur í Ólaf F. Magnússon borgarstjóra. Það er afar athyglivert að svo stór hópur stjórnmálamanna skuli ekki vera aðgengilegur til að tjá sig við fjölmiðil um atriði sem máli skipta. Ég efa að í nokkru öðru lýðræðisríki kæmust stjórnmálamenn upp með að neita að tjá sig með þeim hætti eins og núverandi meirihluti gerir með því að láta fjölmiðla ekki ná í sig.

Af hverju er þetta Íslandsmet í vantrausti á þetta stjórnvald, borgarstjórn Reykjavíkur? Ef til vill væri réttara að spyrja af hverju ætti fólk að bera traust til þessa stjórnvalds?   Hefur það sýnt sig að vera vert trausts?

Athugasemdir

[Ásthildur Cesil Þórðardóttir, 2.3.2008 kl. 12:27]

Athygliverður punktur, ég fattaði ekki meininguna í þessu, en það er rétt hjá þér, ef spurningin hefur verið um Borgarstjórnina í heild, þá er það auðvitað vantraust á allann hópinn.

[Áslaug Sigurjónsdóttir, 2.3.2008 kl. 13:21]

Lít á þessa skoðanakönnun um traustið, þannig að það sé verið að spyrja um hvort þú treystir núverandi borgarstórn.

[Óskar Arnórsson, 2.3.2008 kl. 13:36]

Það er mikið talað um traust á Íslandi. Traust á Ríkistjórn, Borgarstjórn, bankafólki, aðgerðaleysi Seðlabanka o.s.f. En hvað er traust eiginlega þegar á öllu er á botninn hvolft? Lygi er kölluð stjórnmál hjá Alþingismönnum, Lygi í fjölmiðlum er kölluð prentfrelsi, Lygi hjá viðskiptajöfrum er kallað hagfræði, en ef almúga maður lýgur er hann óheiðarlegur.  Loforð fyrir kosningar sem ekki er efnt EFTIR kosningar eru kallaðar "nauðsynlegar" stefnubreytingar vegna vandamála út í heimi. Það hefur mörg lygi orðið að lögum, og mörg lög eru tóm lygi. En það breytir aldrei staðreyndum. En ég er skráður fylgismaður Frjálslynda Flokksins, því ég trúi að þeir ljúgi minnst af öllum flokkum. En ekki taka það þannig að ég sé á móti lygi. Var einmitt að skrifa pistill í bloggið mitt til að prófa þetta lygafyrirbæri. Ekki eitt einasta orð satt, en furðulegt nokk! Þau skrif urðu miklu jákvæðari en allt sem ég hef skrifað áður sem allt er satt. Ég er búin að spyrja marga bloggista í hvaða flokki Borgarstjórinn er og ég fæ aldrei svar! Er einhver flokkur til sem hefur farið framhjá mér..