Gleðilegt sumar.

Gleðilegt sumar. Pabbi sagði við mig áðan að það væri alltaf meira gaman að fá sumardaginn fyrsta en vetrardaginn fyrsta. Í sjálfu sér finnst mér það ekki skipta öllu máli. Allar árstíðir hafa sinn sjarma. Ég uppgötvaði það þegar ég eignaðist hund fyrir margt löngu og þurfti að fara í góðan göntutúr með honum vetur sumar vor og haust að veðrið er miklu betra á Íslandi heldur en ég hafði áður haldið og það kom mér á óvart þegar ég var með hundinn í bílnum hvað maður þurfti oft að hugsa til þess að leggja honum í forsælu. Sólin skein miklu oftar en maður hafði haldið.

Ég spái góðu sumri. Sólríku og heitu. Svo er að sjá hvort það gengur eftir.

 En ég þakka þeim fjölmörgu sem ég hef haft saman við að sælda á þessum vetri fyrir sinn þátt í því að gera lífið skemmtilegt og eftirminnilegt. 

Athugasemdir

[Bumba, 24.4.2008 kl. 23:17]

Þakka þér sömuleiðis Jón fyrir alla pistlana í vetur. Gleðilegt sumar. Með beztu kveðju.

[Guðrún María Óskarsdóttir., 25.4.2008 kl. 00:20]

Gleðilegt sumar Jón, með þökk fyrir góð samskipti í vetur.

kv.

[Jóhanna Magnúsar- og Völudóttir , 25.4.2008 kl. 00:28]

Gleðilegt sumar!

[Eva Benjamínsdóttir, 25.4.2008 kl. 00:28]

Eigum við kannski að viðra hundana saman Takk fyrir mig og gleðilegt sumar

[Helga Guðrún Eiríksdóttir, 25.4.2008 kl. 01:00]

Gleðilegt sumar, Jón minn Magg!

[Jón Magnússon, 25.4.2008 kl. 14:29]

Takk fyrir kveðjurnar öll sömul. Því miður Eva mín  þá dó minn í júní í fyrra þannig að ég er hundlaus nema þegar fullornað fólkið, börnin  mín þurfa á pössun fyrir sína hunda að halda.

[Eva Benjamínsdóttir, 26.4.2008 kl. 01:05]

Ég var víst hundahaldari hjá Kalífanum í Bagdad í fyrra lífi. Þetta sagði mér vitur maður fyrir margt löngu í óspurðum fréttum. Ég á engan hund núna frekar en þú en er hundfróð kona og samhryggist þér. Það er sárt að missa besta vininn Jón minn en mikið ertu heppinn að fá að viðra blessaða rakkana. Efast ekki um að þú snyrtimennið hirðir upp eftir þá líka...talandi um pú, pú, þá er varla hægt að stinga niður fæti á Stór-Reykjavíkursvæðinu án þess að verða var við ósómann. Það mætti alveg gera herferð í því uppeldinu...ussussuss, skömm að þessu. Já, og minna á að aðalvandamálið í mótmælunum gegn hundum í hundabanninu fyrir þrjátíu árum var einmitt argumentið um skítinn. Menn sögðu að Reykjavík yrði einn daginn einsog NY með allan sinn hundaskít. Ég trúði ekki þeirri vitleysu þá en nú finnst mér mætti herða lögin, svo við í útivistinni ættum líka heilnæmið og fegurðina skilið....Góða helgi kv. eva