Alvarleg staða.

Sú alvarlega staða sem komin er upp í þjóðfélaginu vegna vandamála í efnahagslífinu er enn alvarlegri fyrir þá sök að ríkisstjórnin heldur að sér höndum og ráðherrar tala með ýmsu móti um vandann.  Vandræðagangur ríkisstjórnarinnar leiðir til aukinnar óvissu og erfiðleika atvinnufyrirtækjanna.

Nú þegar lífskjör hafa versnað og skuldabyrði almennings vaxið  vegna verðbólgu og gengisfellingar er brýn þörf á því að ríkisstjórnin láti alla vega vita hvert hún stefnir. Óvissan og hringlandahátturinn kemur öllum í koll.

Full atvinna er fogagnsatriði. Til þess þurfa hjól atvinnulífsins að geta snúist en það geta þau ekki meðan stýrivextir eru skrúfaðir upp úr öllu valdi og ríkissjóður ætlar sér að halda öllu sínu og liðka hvergi til eða lina á skattaokrinu.

Bankastarfsmenn uggandi

Athugasemdir

[Ásthildur Cesil Þórðardóttir, 2.5.2008 kl. 13:11]

Já þetta er með ólíkindum hallærisleg ríkisstjórn.

[Snorri Hansson, 2.5.2008 kl. 13:18]

Er ekki hugsanlegt að það hafi verið kominn ofvöxtur í bankana ??

[Svavar Örn Guðmundsson (IP-tala skráð) 2.5.2008 kl. 14:29]

Það skiptir ekki öllu hvort ofvöxtur hafi verið kominn í bankana. Það sem skiptir málið er að vita hvað ríkisstjórnin er/ætlar sér að gera. En það virðist bara vera að hún ætli að "haarda" þetta en þetta er nýyrði sem þíðir "þetta reddast" eins og Haarde og þessi ríkisstjórn ætlar að gera

[Óskar Aðalgeir Óskarsson, 2.5.2008 kl. 15:07]

Erum við með einhverja ríkisstjórn?Þeir sem telja best að sitja með hendurnar í klofinu,og gera ekki neitt eru ekki að stjórna neinu.

[Stefán (IP-tala skráð) 2.5.2008 kl. 15:55]

Við erum allavega ekki með starfhæfa ríkisstjórn og Árni Matt. fjármálaráðherra ætti að koma sér burt rétt eins og Framsóknar- Árni Magnússon gerði þegar hann var orðinn óþolandi. Nú raðar Árni Magg. hinsvegar Framsóknarhjörð úr Kópavogi í kring um sig inn í Glitni.   

[Magnús Orri Einarsson (IP-tala skráð) 2.5.2008 kl. 16:23]

Þetta er bara ein aðferð til að berjast við verðbólgu. Ef atvinnuástandið er of gott þá verður eftirspurnarverðbólga. Hæfilegt atvinnuleysi er bara notað til að hafa hemil á verðbólgu, það er best að skoða ESB og sjá hvert atvinnuleysið er þar og svo þá staðreynd að þar er td. lánsfé óverðtryggt vegna þess að það er ekki þörf á því.

[Gunnar Rögnvaldsson (IP-tala skráð) 2.5.2008 kl. 18:20]

Atvinnuástand á Íslandi er sennilega best í öllum löndum í hinum þróaða heimi. Miðað við ESB þá er Ísland með algera draumastöðu hvað atvinnu varðar.

Meðal "opinbert" atvinnuleysi í ESB núna um 7,2% og á meðal ungmenna undir 25 ára þá er það í mögrum ESB löndum um það bil 18-28%. Athugið: atvinnuleysi í ESB löndunum er núna í sögulegu lágmarki. Athugið einnig að það er lítið að marka þessar sölur því í mörgum löndum ESB er mikið falið atvinnuleysi. Þó svo að t.d. í Danmörku sé opinbert atvinnuleysi aðeins um 3.5% að þá vita allir að raunverulegt atvinnuleysi er stöðugt um það bil 10-12% og hefur verið svo í 25 ár.

Þetta passar vel við þá staðreynd að ESB er alltaf að verða fátækara og fátækara samanborið við Bandaríkin.

Þjóðarframleiðsla á mann í ESB er núna 22 árum á eftir Bandaríkjunum (var 21 ári á eftir USA árið 2006). Þetta þýðir að BNA náðu þessari þjóðarframleiðlu árið 1984.

Framleiðni í ESB er 18 árum á eftir Bandaríkjunum.

Rannsóknir og þróun (R&D) í ESB er 30 árum á eftir Bandaríkjunum og fer versnandi.

Atvinnuástand í ESB er 28 árum á eftir Bandaríkjunum.

Aðeins 8 % af öllum smærri og meðalstórum fyrirtækjum (SME's) í ESB hafa "cross boarder" viðskipti (millilandaviðskipti)

Þetta er dapurleg lesning frá EuroChambers.

3 ríkustu lönd Evrópu eru utan ESB - Noergur, Sviss og Ísland.

http://www.eurochambres.eu/content/Default.asp?PageID=41

[Gunnar Rögnvaldsson (IP-tala skráð) 2.5.2008 kl. 18:28]

Afsakið, vitlaus URL

Réttur URL á TimeDistanceStudy2008 Series

http://www.eurochambres.eu/Content/Default.asp?PageID=1&DocID=877

[Sigurður Þórðarson, 3.5.2008 kl. 11:03]

Góðan daginn, hún var þörf gagnrýni þín á sóunarráðuneyti útlagastjórnarinnar á forsíðu Fréttablaðsins í dag. Eins og þú bentir  réttilega á hagræðir útlagastjórnin bókhaldi framboðsins til öryggisráðsins, með því að láta  láta sóunarráðuneytið borga úr digrum sjóðum sínum (12 milljarða) fyrir vínarbrauð með glassúr á kosningafundum .

Með þessari undarlegu háttsemi vonast ríkisstjórnin kannski til að geta beint athyglinni  frá því að hún er úrræðalaus í efnahagsmálum.