Skipulagsmál í ógöngum.

Skipulagsmál Vatnsmýrarinnar eru í ógöngum. Valin var verðlaunatillaga. Sú tillaga er að mínu mati óheppileg. Hrafn Gunnlaugsson sýndi fram á með einföldum hætti hvaða vandamál fylgja tillögunni. Ég er ánægður að sjá að borgarstjóri skuli alla vega hafa alvarlegar efasemdir um gildi tillögunnar.

Skipulag Vatnsmýrarinnar er í ógöngum hvað sem öðru líður. Þegar ákvörðun var tekin um að Háskólinn í Reykjavík skyldi vara í vesturjaðri Öskjuhlíðarinnar var ljóst að það mundi þrengja mjög að flugvellinum og raunar fannst mér það skipulag benda til þess að ákvörðun hefði verið tekin um að láta hann fara.  Ég get ekki séð að borgaryfirvöld hafi leyst mál sem lúta að umferð um svæðið eða að og frá því eftir að Háskólinn í Reykjavík tekur til starfa á svæðinu. Þá verður ekki séð að nýju skipulagstillögurnar um Vatnsmýrina leysi samgöngumálin.  Að mörgu leyti virtist þessi verðlaunatillaga dæmigerð fyrir tillögur sem líta vel út við fyrsta augnakast en duga ekki sem skipulag í borg.

Spurningin er hvað Sjálfstæðismenn segja um yfirlýsingar borgarstjóra. 

En vandamálið er miklu stærra miðborgin er vandamál meðan ekki er tekin ákvörðun um heildarskipulag miðborgarinnar sem heimilar eðlilega nýtingu fasteigna á miðborgarsvæðinu. Það má gera án þess að heildarmyndinni verði raskað. Eða miklu frekar til að fá ákveðna heildarmynd í staðinn fyrir þá hryggðarmynd sem miðborgin er í dag.

Vilja umræðu um Vatnsmýrina

Athugasemdir

[Sturla Snorrason, 5.5.2008 kl. 20:23]

Ólafur  hefur 66,9%  borgarbúa með sér í þessu máli. Fyrir Vatnsmýrarsamkeppni voru 60% með flugvellinum.

Þeir sem tóku þátt í þessari keppni voru aldrei spurðir hvernig væri best að skipuleggja borgina heldur látnir bítast um litin blett og vinna þeirra snérist um að vinna hug dómnefndar, burt séð frá allri skynsemi.

[Júlíus Valsson, 5.5.2008 kl. 22:24]

Sammála þér Jón. Þessar verðlaunatillögur eru algjörlega út í hött og forljótar að auki. Hvar hafði Hrafn annars tjáð sig um tillögurnar?

[Jón Magnússon, 6.5.2008 kl. 09:09]

Hrafn tjáði sig annað hvort í Kastljósi eða í fréttum RÚV að því er mig minnir. Alla vega sá ég mjög góða úttekt hans á málinu sem sýndi með einföldum hætti fram á að þrátt fyrir að verðlaunatillagan sé áferðarfalleg þá er hún meingölluð.

[Kristinn Gunnarsson (IP-tala skráð) 7.5.2008 kl. 13:55]

Í dómnefndinni sátum m.a. fagmenn - er ekki betra að fara að þeirra ráðum en að láta lækna og lögfræðinga ákvarða skipulag? Svo má ekki gleyma að þetta var TILLAGA sem á að nýtast sem grunnur að AÐAL- og DEILISKIPULAGI. Ég legg svo til að 20, 30 eða þaðan af hærri háhýsi verði reist á Laugarnesiu þar sem Hrafn Gunnlaussson býr, það er alveg við norðurströndina og skuggavarpið frá þeim húsum verður út á sjó