Flóttafólk og stefna Frjálslynda flokksins

Frjálslyndi flokkurinn markaði sér þá stefnu á flokksþingi sínu fyrir nokkrum árum í málefnum flóttafólks að „Ísland ætti ekki að skorast undan ábyrgð á málefnum flóttafólks. Einnig beri Íslendingum að taka þátt í mannúðar- og hjálparstarfi áerlendum vettvangi. Stefna flokksins mætti vera ítarlegri en væntanlega verður við því brugðist á næsta flokksþingi flokksins í janúar næstkomandi.  

Ég tel nauðsynlegt að Ísland reki myndarlegt hjálparstarf og hvað flóttamenn varðar þá ber að leggja áherslu á að mesta og besta hjálpin sem hægt er að veita flóttamönnum  er að hjálpin eigi sér stað á þeim menningarsvæðum sem eru næst viðkomandi flóttamönnum hverju sinni. Jafnframt skiptir máli að flóttamenn fái aðstoð og móttöku sem næst þeim landssvæðum sem þeir koma frá svo fremi að þau svæði séu örugg og svipuð að menningu. Spurning er alltaf með hvaða hætti getum við hjálpað sem flestum. Hvernig nýtum við peningana sem við veitum til hjálparstarfs sem best. Ég tel að við eigum að einbeita okkur að því að hjálpa flóttafólki á þeim svæðum sem það býr eða getur dvalist við öryggi. Það er gríðarleg neyð í Suður Afríku, Súdan, Sómalíu, Írak, Jórdaníu, og áfram og áfram gæti ég talið. Það kostar meira að taka flóttafólk inn í landið og með því að nota peningana okkar með þeim hætti þá hjálpum við mun færri en við gætum gert ella með þeim fjármunum sem við verjum til hjálparstarfs. Ég tel afar mikilvægt að við miðum við að hjálpa jafnan sem flestum og peningarnir nýtist sem best og leggjum áherslu á það sem skiptir máli en stöndum ekki í sýndaraðgerðum sem litlu máli skipta.  

Af þessum ástæðum mun ég leggja til og vænti þess að þingflokkur Frjálslynda flokksins standi að tillögugerð með mér um að stórauka framlag þjóðarinnar til aðstoðar við flóttafólk og til mannúðarstarfs.  

Á undanförnum vikum hefur verið deilt um móttöku flóttamanna frá Írak til Akraness. Talað er um að 30 manna hópur flóttafólks úr Al-Waleed flóttamannabúðunum í Írak komi til landsins og fái vist á Akranesi. Þá er einnig talað um að 30 til viðbótar komi síðar þannig að alls komi um 60 manns. Talað hefur verið um að þarna sé um að ræða einstæðar mæður og börn þeirra en í raun liggur ekki alveg ljóst fyrir hvernig hópurinn verði samsettur.  

Magnús Þór Hafsteinsson varaformaður Frjálslynda flokksins gerði athugsemdir sem formaður Félagsmálaráðs Akraness við það hvernig staðið væri að málinu af hálfu ríkisstjórnarinnar og vísaði til þess í vandaðri greinargerð sem hann gekk frá af gefnu þessu tilefni. Strax og greinargerð Magnúsar Þórs kom fram mátti hann þola að á honum dyndu vammir og skammir. Hann var sakaður um rasisma. Hann var sakaður um að vilja ekki bregðst við og hjálpa fólki í neyð. Þá var hann sakaður um að vera á móti Palestínumönnum auk margs annars. Allar þessar ásakanir eru rangar. Magnús Þór Hafsteinsson hefur ítrekað tjáð sig um málefni Palestínumanna og lagði málstað þeirra lið með virkum hætti meðan hann átti sæti á Alþingi. Það er því rangt og rógburður að saka hann um rasisma eða að vera á móti Palestínumönnum eða hagsmunum þeirra. Orð hans og gerðir vitna um annað.  

En taka verður undir þær efasemdir sem koma fram hjá Magnúsi um að rétt sé að málum staðið og við séum að nýta fjármunina sem best með því að taka við 30 flóttamönnum frá Al-Waleed búðunum.  

Þeir sem eru í Al-Waleed búðunum eru í sárri neyð. Fólkið þarf á virkri aðstoð að halda. Þessar flóttamannabúðir eru á einskismannslandi í eyðimörkinni í Írak. Alls munu búa rúmlega 2000 manns í þessum flóttamannabúðum. Ekki hefur verið ákveðið hverjir úr þessum 2000 manna hópi verði valdir til að fá að koma hingað til landins. En svo tölfræðin sé notuð þá er verið að tala um 1.5% þeirra sem eru í búðunum. Hjálpin sem veitt er með þessu er því vægast sagt afar takmörkuð og nánast eingöngu táknræn. Fjármunirnir sem fara til að velja fólki sem á að koma og til móttöku og aðlögunar í íslensku samfélagi eru hins vegar miklir og þá fjármuni hefði mátt nota til að koma öllum í Al-Waleed flóttamannabúðunum til virkrar hjálpar. Fólkið í þessum búðum er misjafnlega statt. Þeir sem valdir verða til að koma hingað til lands eru þeir sem best eru settir í flóttamannabúðunum. Þeir sem velja hverjir koma gera það á grundvelli mats á því hversu líklegir þeir eru til að geta spjarað sig í íslensku samfélagi.  

Örkumla fólk og geðfatlaðir kemur ekki til greina við það val miðað við hvaða venjur hafa skapast í þessu efni. Þeir fulltrúar sem koma í búðirnar og velja flóttafólki velur það ekki út frá þeim sjónarmiðum hverjir séu í brýnustu þörfinni. Nei valið fer fram á öðrum grundvelli.  

Þegar þetta er haft í huga þá finnst mér vandlæting þeirra sem hafa talað niður til Magnúsar Þórs og gagnrýnt hann fyrir að vilja að fram fari ítarleg umræða og undirbúningur í málinu vera hræsni.  Þá er það óréttlætanlegt yfirvarp að við séum að gera eitthvað sem skiptir máli fyrir fólkið í Al-Waleed flóttamannabúðunum með því að taka rúmt eitt prósent sem þar eru þá sem best eru settir til að flytja í gjörólíkt og framandi umhverfi. Með betra skipulagi hefði mátt gera miklu betur og nýta penigana þannig að þeir kæmu fólkinu í þessum flóttamanabúðum öllum til góða.  

Af hverju tökum við ekki frekar skynsamlega ákvörðun sem felur í sér raunverulega mannúðarstarfsemi og tökum að okkur flóttamannabúðirnar í Al-Waleed og sendum hjálparstarfsmenn, lyf og búnað til að veita öllum í þeim búðum virka hjálp. Það er mannúðarstarf sem nýtist þeim sem verst eru settir og skiptir máli í mannúðarstarfi og mun meiru en verið er að gera nú með því að taka þá sem best eru settir í búðunum rúmt eitt prósent íbúana og flytja þá í framandi land í ólíkan menningarheim. 

Eigum við ekki að taka þessa umræðu öfgalaust og með hagsmuni þeirra sem við getum hjálpaðp í huga í stað þess að vera í sýndaraðgerðum eins og utanríkisráðuneytið stendur fyrir í málefnum flóttamannanna í Al-Waleed búðunum. Satt best að segja varð ég undrandi þegar ég kynnti mér málið af hverju utanríkisráðuneytði telur það virkustu hjálpina við fólkið að hjálpa rúmu einu prósenti íbúana en gera ekkert fyrir rúm 98% íbúana sem þó eru verr settir en þeir sem valdir verða.  

Af hverju ræðum við það ekki í alvöru hvernig við eigum að reka alvöru mannúðarstarfsemi.

Athugasemdir

[Baldur baldursson (IP-tala skráð) 27.5.2008 kl. 17:47]

Hversvegna eru að verja Magnús Þór? hann er búin að mála sig út í horn Ekki það að landsmen fari á hausin við að  að hjálpa fólki í flóttamanabúðum hverrar trúar sem það er.

[Valdimar Samúelsson, 27.5.2008 kl. 19:06]

Jón. Ég tek heilshugar undir þín orð og leifði mér að standa með Magnúsi. Ykkar skoðanir endurspegla mína. Hjálp í mínum huga á ekki að vera fyrir nokkra útvalda úr einum hóp. Þú  hefðir mátt koma fyrr með þetta og hefði verið gaman að heyra frá fleirum þ.e. af ráðamönnum og væri ekki vitlaust að reyna koma þessu í þann farveg að skinsemi yrði notuð.

[Sigrún Ríkharðsdóttir (IP-tala skráð) 27.5.2008 kl. 19:24]

Sæll Jón.

Það er hægt að fóðra þetta mál á margan hátt, en Magnús þór hefur sett fram þær efasemdir að við Skagamenn séum ekki nægilega vel stödd til að taka við þessu fólki. það er ekki rétt hjá þér að hann hafi viljað taka á móti þeim. Hann efast um að leik og grunnskólar ráði við þetta og félagsþjónustan sé það þung á Skaga að hún ráði ekki við þetta.  Við Skagamenn viljum, ætlum og getum tekið á móti þessu fólki, þrátt fyrir fullyrðingar Magnúsar þórs.

Hafi þið aðra stefnu þá skil ég ekki af hverju þið verjið svo mikið orð Magnúsar

kveðja

[Hallur Magnússon, 27.5.2008 kl. 19:27]

Ekki ætla ég að hafa skoðun á því hvernig Frjálslyndiflokkurinn túlkar þessa ályktun. Veit að þingmenn flokksins skilja þetta með misjöfnum hætti.

Ég veit líka að þótt blásið hafi í umræðunni um móttöku flóttamanna til Akraness - þá munu flestir taka vel á móti flóttamönnum þangað! Ekki hvað síst margir þeirra sem hafa spurt gagnrýnna spurninga - og ekki hvað síst liðsmenn Frjálslyndaflokksins.

Það er nefnilega eitt að takast á um hvort og hvernig taka skuli á móti flóttamönnum - en annað að takast á við verkefnið þegar það er komið á koppinn!  Þar veit ég að liðsmenn Frjálslyndaflokksins munu ekki liggja á liði sínu - þótt andstæðingar flokksins sumir hafi gefið í skyn að svo verði ekki.

Fyrir mig var afar ánægjulegt að hafa framsögu um góða reynslu Hornfirðinga af móttöku flóttamanna á fjölmennum upplýsingafundi á Akranesi í dag, en ég átti því láni að fagna að taka þátt í móttöku 17 flóttamanna frá Krajina héraði árið 2007 þegar ég var framkvæmdastjóri fræðslu- og fjölskylduskrifstofu Suðausturlands á Höfn þeim tíma. 

Meira um þetta:

Skagamenn staðráðnir í að taka vel á móti flóttamönnum!

http://hallurmagg.blog.is/blog/hallurmagg/entry/551499/

[Magnús Þór Hafsteinsson, 27.5.2008 kl. 19:55]

Áhugavert að sjá að fólk sem er fylgjandi því að Akranes taki við 30 manns frá Írak síðar í sumar eða haust, og væntanlega sama fjölda að ári, forðast eins og heitann eldinn að ræða það sem Jón Magnússon setur efnislega fram í pistli sínum.

Af hverju? Er það vegna þess að ábendingar eiga svo augljóslega rétt á sér að það er ekki hægt að verjast þeim?

Ég held það.

Og varðandi Akranes og getu bæjarins þá tel ég mig vita ýmislegt um það hvernig staðan er í bænum hafandi verið formaður félagsmálaráðs síðustu tvö árin. Sigrún Ríkharðsdóttir á ekki að tala eins og hún mæli fyrir munn allra bæjarbúa því til þess hefur hún ekkert umboð frekar en bæjarstjórnin í ákvörðunum sínum um málið.

Það ætti að fara fram íbúakosning um þetta. Kjósendur hafa ekki fengið nein tækifæri til að tjá sig um þetta því málið var aldrei rætt í síðustu bæjarstjórnarkosningum. Öðruvísi án íbúakosningar, verður trauðla sátt eða friður um málið.

Þannig er það bara.

[Einar Einarsson (IP-tala skráð) 27.5.2008 kl. 20:01]

Ég tek heilshugar undir orð Halls Magnúsonar hér fyrir ofan.

Það er nefnilega eitt að takast á um hvort og hvernig taka skuli á móti flóttamönnum - en annað að takast á við verkefnið þegar það er komið á koppinn!  Þar veit ég að liðsmenn Frjálslyndaflokksins munu ekki liggja á liði sínu - þótt andstæðingar flokksins sumir hafi gefið í skyn að svo verði ekki.

Nú er ég Skagamaður og er í Frjálslynda flokknum og er orðinn sæmilega þreyttur á þessu rasista tali og væli um að Skagamenn (sérstaklega þeir sem í FF eru) séu upp til hópa kynþáttahatarar.

Svoleiðis yfirlýsingar frá fólki gera engum gott og eyðileggja alla umræðu um málið. Það er nefninlega hægt að ræða svona hluti með gagnrýnum hætti og velta fyrir sér kostum og göllum verkefnisins án þess að rasismi spili þar inní. Það eru því miður bara ekki allir sem skilja það. Nefni engin nöfn en þeir geta tekið það til sín sem .......

Það er mín skoðun.

Góður pistill Jón.

Bestu kveðjur 

[Eyjólfur (IP-tala skráð) 27.5.2008 kl. 20:21]

Sæll Magnús,

Ég held því miður að þú getir gleymt því að koma vitinu fyrir fólk sem er haldið þessari "pólitísku rétthugsun". Skynsemi og gagnsemi er því fólki eins framandi og kínversk málvísindi.

Í þessum pistli þínum hittir þú naglan beint á höfuðið. Málið er það að þegar öllu er á botnin hvolft, á málið að snúast um það að hjálpa fólki sem er í neyð og býr við ömurleg kjör. Þetta mál snýst ekki um Akranes eða það að einhverjir eyjaskeggjar hér norður í atlantshafi getið barið sér á brjóst og sýnt þetta flóttafólk eins og dýr í búri og bent á það og sagt: "sko þarna er allt fólkið sem við hjálpuðum, erum við ekki frábær og góð".

Þetta snýst einfaldlega um fé og hvað sé hægt að gera fyrir þá fjármuni sem standa verkefninu til boða.

Með því að nota peningana í nálægum löndum og um leið styrkja það svæði sem flóttafólkið myndi fara til, er jafnvel hægt að koma öllum hópnum til hjálpar í stað einungis 1,5% af honum.

Það þarf ekki mikið séní til þess að reikna það út að á svæði þar sem verðlag er lægra þar dugar upphæðin lengra en þar sem verðlag er hærra.

Ég styð þig og þinn málflutning í þessu máli Jón. Ég vil einnig byðja fólk almennt um að koma sér upp úr skotgröfunum varðandi þennan blessaða "rasista" stimpil. Það er mjög erfitt fyrir marga að viðurkenna að þeir séu sammála mönnum sem þeir hafa áður verið ósammála. sleppum því að þessu sinni og hjálpumst öll að við að hjálpa sem flestum.

Kv,

Eyjólfur.

[Eyjólfur (IP-tala skráð) 27.5.2008 kl. 20:24]

Ávarp mitt átti að vera til Jóns Magnússonar, það leiðréttist hér með.

kv,

Eyjólfur 

[Hjálmtýr V Heiðdal, 27.5.2008 kl. 20:29]

Sæll Jón

Þetta er greinilega orðið nokkuð flókið mál í Frjálslynda flokknum. Þú ert farinn að tala um að þessi hópur sé svo lítið hlutfall þeirra sem hýrast í Al-Waleed búðunum. Það er nýtt sjónarhorn og hjálpar ekki uppá sakirnar að mínu mati. Ef þetta væru 20000 manna búðir þá væri prósentan þín orðin svo lítil að það tæki því ekki að ræða málið eins og þú leggur það upp. En 30 manns eru 30 sálir með tilfinningar eins og þú og ég.

Mér sýnist eins og að það sé orðið höfuðatriðið að Frjálslyndi flokkurinn nái að hanga saman eftir klofninginn á Skaganum. Það er augljóst að Magnús óð af stað af lítilli skynsemi. Hann setti sig á móti komu flóttamannanna til Akraness með það að yfirvarpi að bærinn væri ekki nægilega vel í stakk búinn og að undirbúningurinn væri allur í skötulíki. Við vitum það báðir að það verður aldrei hægt að leysa vandamál heimsins eða Akurnesinga endanlega og undirbúning má bæta. Magnús hefði betur tekið undir boðið til flóttamannanna og farið í málið af jákvæðni og einurð. Og gagnrýna það sem var illa gert. En eitthvað í hans afstöðu, ekki rasismi að mínu mati, gerir það að verkum að hann – og nú þið nema Sleggjan, eruð eins og nátttröll í þessu máli.

Þetta er heimilslaust fólk – svipt öllu fyrir tilstuðlan m.a. okkar þegar Ísland studdi stofnun Ísraelsríkis. Bætum pínulítið fyrir þann glæp – bara pínulítið.

[Eyjólfur (IP-tala skráð) 27.5.2008 kl. 21:14]

Hjálmtýr!

Er það viljandi gert hjá þér að líta fram hjá því sem verið er að ræða hérna eða ertu bara svona tregur?

Það sem Jón var að benda á, var að það væri nær að hjálpa fleirum en bara 30 manns. það að hjálpa 300 manns í þessu máli í stað 30 gæti slagað hátt í að kvitta fyrir glæpinn um stuðninginn við stofnun Ísraelsríkis að þínu mati er það ekki annars?

Kv,

Eyjólfur.

[Sigrún Ríkharðsdóttir (IP-tala skráð) 27.5.2008 kl. 22:02]

Sæll Magnús.

þú sitjandi sem formaður félagsmálaráð  tókst örugglega ákvarðanir um fjárhagsstuðning og barnaverndarmál án þess að hafa samráð um það við bæjarbúa.  Við kjósum okkur bæjarstjórn og að rausa um að ég sem einstaklingur eða bæjarstjórnin geti ekki talað um fyrir hönd bæjarbúa, þá á það við um mig jú en ekki kjörna fulltrúa. Búið er að ákveða þetta og stend ég og styð þá ákvörðun.

Íbúakosning á ekki við frekar en þegar aðrir flytja í hópum til bæjarins og segir sú aukning á íbúafjölda á Akranesi vel þar til um. þau rök þín að velferðarkerfi okkar þoli þetta ekki eru þér til vansa og enn og aftur bendi ég á hvað okkur Skagamönnum hefur fjölgað  á kjörtímabilinu og velferðarkerfið hefur þolað það. 

Við getum ekki hjálpað þessu fólki þar sem það er statt og lífshætta býður þeirra hvern einasta dag. Við sem þjóð erum aðilar að Sameinuðu Þjóðunum og samþykkjum að aðstoða.  Við eigum sem fullvalda þjóð í eigin landi að vera þess megnug að hjálpa þeim sem minna mega sín og búa það sem þetta vesalings fólk býr við.

kveðja

[Magnús Þór Hafsteinsson, 27.5.2008 kl. 22:45]

Sæl Sigrún,

Það er ekki búið að ákveða neitt, að minnsta kosti ef marka má þá tillögu sem bæjarstjórnin á Akranesi hefur samþykkt. Þar er bara talað um að hefja viðræður við stjórnvöld um móttöku 30 manns. Skoðaðu bara fundargerð frá síðasta bæjarstjórnarfundi.

Íbúakosning á að sjálfsögðu við í þessu máli því hér er um að ræða grundvallarmál sem varðar mikla áherslubreytingu í velferðarþjónustu bæjarfélagsins, en sá þjónustuþáttur er sá viðamesti sem sveitarfélög hafa á herðum sínum (þá tek ég skólamálin þar inn í). Það er meiriháttar breyting þegar bæjarfélagið ábyrgist umfangsmikla aðgerð innan alþjóðlegs hjálparstarfs um ókomin ár. Við erum sennilega að tala um 60 manns frá Írak. Ég hef bent á að það jafngildi nokkurn veginn því að 1.100 manns kæmu til Reykjavíkur. Ætli það hefði ekki skapað umræður?

Að líkja þessu saman við "þegar aðrir flytja í hópum til bæjarins" fær mig til að efast um hvort þú gerir þér fulla grein fyrir hvað um er að ræða í þessu tilfelli. 

Ég bendi á að engin fagleg úttekt hefur farið fram innan bæjarins á því hvað svona verkefni hefur í för með sér. Umræðan hefur ekki verið nein innan bæjarstjórnar, nefndir bæjarins hafa ekki rætt málið.

Ég leyfi mér að segja að velferðarkerfið á Akranesi sé við ystu þanmörk nú þegar. Við vitum að fjárhagsaðstoð til fátækra hefur aukist mjög mikið á þessu ári og félagsmálaráð er komið verulega fram úr sínum fjárheimildum og þarf meiri pening. Ástæða þessa er sú að kreppan er farin að bíta. Það segir sitt þegar verðbólgan er að nálgast þriðja tuginn, verðlag rýkur upp úr öllu valdi. Það eru blikur á lofti í atvinnumálum, fjölmargar fjölskyldur bíða eftir félagslegu húsnæði. Barnaverndarmálum hefur fjölgað mikið. Skólarnir eru fullsetnir.

Miklar áskoranir eru framundan í skólamálum, forvarnar- og æskulýðsmálum og öldrunarmálum svo dæmi séu nefnd. Ef þú telur að upptalning þessara staðreynda og það að ég dragi ályktanir af þeim sem stjórnmálamaður sé mér til vansa, þá verður þú að eiga það við þig og þína samvisku.  

Málið er bara að þessa hluti verður að ræða því hér er stórmál á ferðinni þar sem taka verður tillit til staðreynda og raunveruleikans, en ekki bara láta stjórnast af tilfinningum augnabliksins.

Annars væri gaman að sjá hver afstaða þín er til pistils Jóns Magnússonar hér fyrir ofan.

Mbk,

[Johnny Rebel (IP-tala skráð) 27.5.2008 kl. 23:20]

Þetta er nú lélegi pistilinn hjá Jóni. Ég hafði mikið álit á manninum eftir að hann skrifaði "Ísland fyrir Íslendinga?" og það er í þeim dúr sem frjálslyndi flokkurinn ætti að byggja upp málflutning sinn enda var flokkurinn aldrei vinsælli en í kjölfarið á umræðunum sem sköpuðust um þá grein.

Í grein þessari eru engin rök önnur en að við ættum frekar að gefa peninga til flóttamannabúða erlendis en að fá fólkið hingað. Hvaða skylda ber okkur til þess að hjálpa flóttamönnum á annað borð önnur en "mannúðarsjónarmið" ? Væri ekki nær sleppa slíkri aðstoð og byrja að byggja upp okkar eigið land á almennilegann hátt?

Fyrir örfáum árum las ég grein um að ástandið í Afríku hafi versnað þrátt fyrir alla aðstoðina sem þeim hafði borist. Málið er að þú bjargar engum sem getur ekki lifað sjálfur þótt þú viljir það.

Frjálslyndi flokkurinn þarf að hætta þessum leik sínum að spila inn á tilfinningar hörundsárra kellinga. Fólkið sem studdi Magnús í þessu máli t.d. ég studdum hann ekki vegna þess að hann vildi spyrja spurninga eða vega og meta málin. Það studdi hann vegna þess að það vildi ekki sjá þessa flóttamenn á íslandi en hvað gerið þið? Þið bakkið og flokkurinn áréttar stefnu sína sem meirihluti þjóðarinnar studdi eftir harðar árásir gegn ykkur.

Það sem er fyndnast við þetta er að Frjálslyndir gefa sig út sem eitthvað "alternative" við stefnu stjórnvalda en bakka svo undan þrýstingi þeirra.

Farið að herða ykkur upp! 

[Sigrún Ríkharðsdóttir (IP-tala skráð) 27.5.2008 kl. 23:30]

Sæll Magnús.

Mér finnst þetta þér til vansa og skal með glöðu geði eiga það við mína samvisku. Enn og aftur ertu að tala um að velferðarkerfið þoli þetta ekki og enn segi ég að það er ekkert sem segir okkur að þetta fólk þurfi á fjárhagslegri aðstoð að halda frá sveitarfélaginu og önnur sveitarfélög sem tekið hafa við flóttamönnum hafa sagt að þeir sem til þeirra hafa komið hafi ekki sótt um fjárhagsaðstoð til bæjarins.  Þér er einnig enn tíðrætt um félagslegt húsnæði og við vitum bæði að þessar fjölskyldur fara ekki í félagslegt húsnæði. Áður en vitað var um tilkomu þessarra fjölskyldna var búið að ákveða að byggja grunnskóla. Leikskóli er í byggingu, fjölbrautaskólinn á góðu rólu, þannig að sú röksemd þín dettur um sjálfa sig.

 Þú hæðir mig og telur að ég geri mér ekki grein fyrir hvað um er að ræða í þessu tilfelli.  Ég tel mig hafa það  Ég skal taka afstöðu til pistils Jóns hér að ofan

Hann talar m.a.  um að við eigum að hjálpa flóttamönnum nálægt eigin landi og á líkum menningarsvæðum og að við eigum að hjálpa því fólki sem býr og getur dvalist við öryggi. Ég er Jóni ósammála og tel það ekki sýndaraðgerð að hjálpa fólki að komast til mannsæmandi lífs, jafnvel þó að um fáa sé að ræða. Það er ekkert sem segir að þeir sem verði valdir séu bestir í búðunum. Svona val fór fram þegar flóttamenn komu frá fyrrum Júgóslavíu.

Jón er ekki betur upplýstur um þessar búðir en svo að hann vill senda þangað hjálparstarfsmenn á meðan Rauði krossinn þorir ekki að hafa þar fólk nema um hábjartan daginn. Fólkið þarna býr núna við 50 stiga hita að degi til að hámarksvatnsskammtur er 1 lítri á dag. Á sama tíma hér á okkar ástkæra landi er meðalvatnsnotkun 22 lítrar á dag og ekki þurfum við að þola þennan hita. 

Varðandi menningarheima þá held ég að konur í sífelldri lífshætttu með sig og börn sín, þakki fyrir að fá að geta sofnað öruggar á nóttunni, vaknað öruggar á daginn í annarri menningu. Hins vegar tel ég að við getum líka mikið lært af þeim og þeirra menningu og notið góðs af

Hafðu það ávallt sem best

[Johnny Rebel (IP-tala skráð) 27.5.2008 kl. 23:38]

Mikið hlakka ég til að kynnast menningarheimi þeirra kvenna sem hafa búið við þær aðstæður sem þú lýsir hér að ofan.

[Svanur Gísli Þorkelsson, 28.5.2008 kl. 00:07]

Þetta er afar undarleg rulla hjá þér Jón.

Þú vilt sem sagt hjálpa flóttafólkinu í Al-Waleed en finnst að peningurinn sem er ætlaður í verkið sé ekki nógu mikill. Þessir peningar koma ekki bara frá Íslandi einns og þú sjálfsagt veist. Hvað mundir þú áætla að hlutur Íslands eigi að vera til að þetta verði þess virði að takast á hendur?

Þér er ljóst, enda hefur það margoft komið fram að lega búðanna og pólitískt ástand svæðisins gerir hefðbundið hjálparstarf þar ómögulegt. Samt ritar þú; 

Fjármunirnir sem fara til að velja fólki sem á að koma og til móttöku og aðlögunar í íslensku samfélagi eru hins vegar miklir og þá fjármuni hefði mátt nota til að koma öllum í Al-Waleed flóttamannabúðunum til virkrar hjálpar.

Hvaða lausnir sérð þú sem ekki hafa verið reyndar í Al-Waleed? Hvernig á að nýta þessa fjármuni betur á staðnum. Þetta er spurning sem þú og þínir menn hafa aldrei svarað.

Jón reit; 

 svo tölfræðin sé notuð þá er verið að tala um 1.5% þeirra sem eru í búðunum. Hjálpin sem veitt er með þessu er því vægast sagt afar takmörkuð og nánast eingöngu táknræn.

Þessi táknræna aðstoð kemur til með að bjarga lífi a.m.k. 60 manns. Ef þú getur fundið ráð til að bjarga lífi fleiri, þá endilega vísaðu veginn. Á meðan munu þessir 60 örugglega gera sér að góðu að vera veitt aðeins "táknræn" hjálp.

Jón reit;

Þeir fulltrúar sem koma í búðirnar og velja flóttafólki velur það ekki út frá þeim sjónarmiðum hverjir séu í brýnustu þörfinni. Nei valið fer fram á öðrum grundvelli.  

Hverjar eru heimildir þínar um eftir hverju sendinefnd landsins og Rauða Krossins munu fara við valið á flóttafólkinu sem flytja á til Akraness?

[Guðrún María Óskarsdóttir., 28.5.2008 kl. 02:35]

Sæll Jón.

Frá upphafi hefur Frjálslyndi flokkurinn viljað auka þróunaraðstoð Íslendinga sem og að tala vel á móti flóttamönnum.

Það breytir hins vegar ekki því að þeir aðilar sem á hverjum tima í þessu tilviki Akranesbær eiga að vera þeir sem tilkynna um slíkt ekki einstakir ráðherrar í rikisstjórn með það markmiði að helst virðist að slá sig til riddara góðmennskunnar í því efni sérstaklega.

Sökum þess er hvoru tveggja sjálfsagt og eðlilegt að spyrja spurninga í þessu sambandi sem Magnús Þór gerði í sínu sveitarfélagi sem sveitarstjórnarmaður.

kv.gmaria.

[Ragnar (IP-tala skráð) 28.5.2008 kl. 08:13]

Tek heilshugar undir skrif Jóns. Í gærkveldi var þáttur í Kompás Stöðvar 2 þar sem fjallað var um afar merka vinnu Barnaheilla á Íslandi í uppbyggingu skóla í Kambódíu. Um var að ræða sveitaþorp með sérlega fátæku fólki sem var að mestu ólæst fyrir og með mjög lélega aðstöðu. Þarna er lýsandi dæmi hvernig lítið fé getur gert kraftarverk og nýst miklu betur en flutningur á örfáum eins og til stendur að gera á Akranesi. Þetta er nákvæmlega það sem þarf að gera fyrir flóttafólkið í Íraq, hjálpa því á þeim stað þar sem það er!

[Sigurður Þórðarson, 28.5.2008 kl. 09:27]

Þú varst flottur í gær Jón og það voru félagar þínir líka.

 Þessari svokölluðu aðstoð mætti líkja víð það að lítill feitur ríkur maður gangi fram á móður með hóp barna sem hún getur ekki framfleytt, vegna þess að vinur ríka mannsins réðist á land þeirra, með stuðningi hans. Ríki maðurinn sem sækist eftir stjórnarsetu í heldrimannaklúbb byði þá í allra augsýn einu barni á veitingastað í fjarlægu landi, í stað þess að metta systkini þess og félaga.  Hvern hug mun þetta fólk bera til litla feita ríka mannsins?

[Gísli Baldvinsson (IP-tala skráð) 28.5.2008 kl. 10:04]

Ég gæti skrifað langt svar en geri það ekki.  Þú sást ástæðu til að koma þér af þessum brotgjarna pólitíska planka með því að bregða skildi yfir varaformanninn og taka þar með pólitíska ábyrgð á honum. Gott og vel. En skjöldurinn og rökstoðirnar eru mölbrotnar. Ég tel að þú sért betri verjandi en stjórnmálamaður. Það má ræða það hvort sé virkara að hjálpa flóttafólki á flótta eða hlú að því hér á landi. Engar vísbendingar eða heimildir benda til þess að aðstoð í viðvarandi flóttamannabúðum sé besti kosturinn. Flóttamannabúðir geta breyst í fangabúðir á einu augnabliki. Tölfræði þín er út í hött hvað varðar prósentubrotin. Ef allar þjóðir hugsuðu þannig væri enginn Rauði kross og engar Sameinaðar þjóðir.

„Við höfum nóg með okkur sjálf“

Segir allt sem segja þarf. Leitt að þú álpast úr í sama pólitíska dýið og MÞH.

[Jón Magnússon, 28.5.2008 kl. 10:54]

Ég þakka líflegar umræður og góð skoðanaskipti sem eru gagnleg. Ágæti vinur minn Gísli Baldvinsson. Það fer iðulega saman að vera góður verjandi og stjórnmálamaður. Ég minni þig á nokkra stjórnmálamenn sem eru eða voru lögfræðingar sbr. Castro, Lenin og Nixon en marga fleiri gæti ég að sjálfsögðu nefnt. Ég bendi einfaldlega á vandann sem er þega komið er inn í flóttamannabúðir og þeir hæfustu teknir en þeir sem eru í mestum vanda eru skildir eftir. Það finnst mér mannúðarstarf sem orkar tvímælis. Það er enginn skjöldur eða vörn. Það er einfaldlega ákveðið viðhorf og stefnumörkun.

Nú er það svo að ég er í sjálfu sér ekki að finna upp hjólið í þessu efni og bendi á að margir borgaralegir flokkar á hinum Norðurlöndunum hafa sömu meginsjónarmið í málefnum flóttamanna og ég.

[Theódór Norðkvist, 28.5.2008 kl. 11:13]

Ég held að það sé í sjálfu sér gott að þeir einstaklingar af hópnum í Al Waleed sem eru taldir hæfastir til að spjara sig í öðru landi séu teknir inn í landið, frekar en hinir. Það ætti þá minni vandamál að fylgja þeim en þessum sem eru ekki eins hæfir.

Öllum ætti að vera ljóst að það eru takmörk fyrir því hvað hægt er að gera fyrir fólkið í sjálfum flóttamannabúðunum. Til að hjálpa þeim í öðru landi þarf fyrst að fá dvalarleyfi í því landi og helst ríkisborgararétt, til að fólkið hafi einhver réttindi, t.d. til atvinnu.

Þegar teknir eru inn flóttamenn í land er ekki nóg að hafa í huga neyð þeirra þó hún geti verið mjög mikil. Það þarf líka að huga að félagslegum ruðningsáhrifum í nýja landinu og bæjarfélaginu.

Síðast en ekki síst skulum við ekki gleyma hver ber höfuðsök á neyð þessa fólks: Ísraelsríki.

Þegar verkefninu er lokið á ríkistjórnin að taka saman allan kostnað, gefa út einn heildarreikning, stíla hann á Ísraelsríki, labba niður í sendiráð Ísraels og afhenda sendiherranum reikninginn.

[Svanur Gísli Þorkelsson, 28.5.2008 kl. 11:13]

Forsíða - Rauði kross Íslands >> Fræðsla og útgáfa >> Greinar

Lífshættulegar aðstæður palestínskra flóttamanna í Írak 22.05.2008

Palenstínskar flóttakonur strandaðar í Al Waleed flóttamannabúðunum. Heilsuástand í búðunum er áhættusamt, næsti spítali er í nokkurra klukkutíma fjarlægð í Írak og leiðin þangað er hættuleg. © UNHCR/M.Alfaro

Flóttamannastofnun Sameinuðu Þjóðanna hefur lýst áhyggjum yfir aðstæðum hjá hundruðum Palestínumanna sem hafast við í Al Waleed flóttamannabúðunum nálægt landamærum Íraks og Sýrlands.

„Við erum sérstaklega áhyggjufull varðandi skort á heilsugæslu – margir af þeim 942 flóttamönnum sem búa í flóttamannabúðunum þurfa nauðsynlega á læknishjálp að halda, þar á meðal sjö barna móðir sem þjáist af hvítblæði og unglingspiltur með sykursýki,” sagði Jennifer Pagonis, talsmaður Flóttamannastofnunar Sameinuðu Þjóðanna, blaðamönnum í Genf á þriðjudag.

Teymi frá Flóttamannastofnun heimsótti Al Waleed fyrir viku til að meta aðstæður og þarfir palestínska fólksins í búðunum, sem eru um þrjá kílómetra frá landamærum Íraks og Sýrlands. Þessi hópur staðfesti að palestínsku flóttamennirnir, sem eru fórnarlömb ofsókna í Baghdad, búi við vafasamar aðstæður.

Flóttamannabúðirnar eru ofsetnar og margt fólk þjáist af öndunar- og öðrum kvillum og þarfnast almennilegrar læknishjálpar. Næsta heilsugæslustöð í Írak er í fjögurra klukkutíma fjarlægð, og vegurinn liggur um hættulegar slóðir. Að minnsta kosti þrír, þar á meðal ungabarn hafa látist af völdum sjúkdóma sem auðvelt hefði verið að lækna á þeim tveimur árum sem búðirnar hafa verið opnar.
 
„Það er engin afsökun fyrir þjáningum Palestínumanna sem hafast við í búðunum í Al Waleed. Þeir flúðu vegna morða á ættingjum og morðhótana og horfast nú í augu við dauðann í Al Waleed,” sagði Michelle Alfaro starfsmaður Flóttamannastofnunar Sameinuðu Þjóðanna í Damaskus sem heimsótti búðirnar á sunnudag. Hún varaði við því að fleira fólk myndi deyja ef það fengi ekki læknisaðstoð.

Teymið frá Flóttamannastofnun gat einungis veitt nokkrum barnshafandi konum fyrstu hjálp og veitt öðrum sálrænan stuðning.

Aðstæður í Al Waleed versna mjög mikið nú á sumarmánuðum. Hitinn í þessum mánuði hefur nú þegar mælst yfir 50 gráður á selsíus og hætta er á sandbyljum.

Alþjóðleg hjálparsamtök, þar á meðal Flóttamannastofnun, mega ekki vera lengi í búðunum af öryggisástæðum. Teymið frá Flóttamannastofnun sem heimsótti Al Waleed í síðustu viku komst að búðunum í gegnum Sýrland.

Vatn er flutt í búðirnar daglega, en það er takmarkað við minna en einn lítra á mann (samkvæmt alþjóðlegum stöðlum þarf hver maður 20 lítra á dag) vegna þess hve palestínskum flóttamönnnum sem koma til Al Waleed fjölgar. Búast má við að fleiri bætist í hópinn. Alþjóða Rauði krossinn flytur reglulega vatn til Al Waleed, auk þess að útvega tjöld, sjá um sorphirðu og dreifa hreinlætisvörum.
 
Talið er að 1.400 Palestínumenn búi við vonlausar aðstæður í flóttamannabúðum meðfram landamærum Íraks og Sýrlands. Þeir komast hvergi þar sem hundruð þúsunda írakskra og palestínskra flóttamanna eru fyrir.

Palestínumenn sem flýja árásir í Írak geta nú hvergi farið nema til Al Waleed þar sem  engin aðstaða er til að taka við fleira fólki. Flóttamannasstofnun hefur hvað eftir annað beðið um alþjóðlegan stuðning til handa flóttamannanna en með takmörkuðum árangri.

[Þorkell (IP-tala skráð) 28.5.2008 kl. 12:39]

það er með ólíkindum að lesa mörg innleggin hér að ofan, fólk veit ekkert hvað það er að tala um og veður í villu í sinni pólitísku rétthugsun. Einn segir meira að segja að þetta flóttamannavandamál sé allt Ísraelsríki að kenna, þvílíkt bull! Eigum við ekki að leyfa flóttamönnunum sjálfum að eiga orðið, sjá hér: http://blip.tv/file/313316 Og hvað segir svo fólkið? Jú það eru ráðamenn í Palestínu sem standa í vegi fyrir því að fólkið komist aftur til sinna heimahaga í Palestínu. Þetta fólk hefur Palestínu í hjarta sínu og þangað vill það komast. Þeir eru svo bundnir sínum átthögum að einn þeirra segir hreint út að þeir geti EKKI aðlagast nýjum þjóðfélögum heldur búi til sín eigin: Palestian Districts, sbr. Chile. Hvað erum við að vilja með þetta fólk upp á Akranes, búa til enn meiri vandamál? Vilja menn Palestínuhverfi á Akranesi? Ríkisstjórnin á að sjá sóma sinn í að kosta flug, uppihald og framfærslueyri fyrir þetta fólk beint til Palestínu en ekki til Íslands. Það er það eina rétta í stöðunni, það er hin sanna flóttamannaaðstoð!

[Theódór Norðkvist, 28.5.2008 kl. 12:56]

Bull að flóttamannavandamál Palestínumanna sé Ísraelsríki að kenna? Það flúðu um 700.000 Palestínuarabar undan ofbeldi og hótunum Ísraelsmanna árið 1948.

Flóttamannafólkið í Al Waleed eru afkomendur þeirra. Það segir sig sjálft að ef enginn Palestínuarabi hefði flúið árið 1948 frá Palestínu þá væru afkomendur þeirra þar.

[Theódór Norðkvist, 28.5.2008 kl. 12:57]

Vil bæta því við að það er mun meiri vandkvæðum háð að senda 4 milljónir flóttamanna aftur til Palestínu heldur en 700 þúsund. Það gæti verið ein skýringin á tregðu palestínskra yfirvalda að hleypa þessum tiltekna hópi í Al Waleed inn í landið. Getur skapað fordæmi.

[Árni Gunnarsson, 28.5.2008 kl. 13:11]

Þegar maður hefur "að vandlega athuguðu máli" komist að því að einhver sé illmenni og að jafnvel heill stjórnmálflokkur sé stofnaður utan um harðbrjósta illmenni, þá,- ja þá er maður auðvitað ekki að bakka með það.

Og þá leiðast manni rökræður.

En þakka þér fyrir innlegg þitt Hallur Magnússon. Ég held að þú sért nú ekkert kominn af "vondu fólki."

Þegar þeir Þórbergur og afi minn völdu þetta nafn: "Hjá vondu fólki" á þriðja hluta ævisögunnar þá var það vísun í spádóm völvunnar sem sagt var frá í öðru bindi og var á þá lund að myndi eyða miklum hluta ævinnar hjá vondu fólki.

Ekki hef ég nú trú á að þú hafir misskilið þetta en það hafa margir gert.

Og nú kemur mér í hug spakmæli frá afa mínum sem mér kemur oft í hug, en sleppi innganginum og aðdragandanum.

Allar ljótar sögur eru sannar. Þær segja alltaf satt, annaðhvort um þann sem þær eru sagðar um eða hinn sem segir þær!

[Þorkell (IP-tala skráð) 28.5.2008 kl. 13:47]

Í viðtali fréttamannsins við flóttafólkið nefnir það ekki einu orði á Ísrael sem sökudólg, heldur beinir spjótum sínum að ráðamönnum í Palestínu, sérstaklega Abbas. Theodór, horfðu á myndbandið og þá kemstu að því að vandamálið er raunverulega Palestínumönnum sjálfum að kenna. Það á að taka mark á því hvað flóttafólkið er að segja en ekki snúa endalaust út úr!

[Theódór Norðkvist, 28.5.2008 kl. 14:17]

Ég nenni ekki að munnhöggvast við þig, Þorkell. Ég er búinn að horfa á þetta myndband. Auðvitað beinir fólkið spjótum sínum að ríkisstjórn síns lands. Við gerum það líka út af okkar vandamálum. Við segjum ekki olíufurstum í Saudi-Arabíu að lækka álagningu sína á olíunni, vegna hás eldsneytisverðs.

Það eru 4-5 milljónir palestínskir flóttamenn. Að hleypa þeim öllum inn á Vesturbakkann og Gaza, jafnvel inn í gamla Ísrael, myndi setja allt á annan endann.

Ísraelsmenn eru engu að síður arkitektarnir að þessu vandamáli með því að hrekja 700.000 araba á vergang árið 1948, sem hefur fjölgað síðan sexfalt, stela alltaf fleiri og fleiri landssvæðum á Vesturbakkanum og Gaza undan þeim og eyðileggja alla uppbyggingu palestínsku þjóðarinnar eins og þeir geta. Með dyggum stuðningi Bandaríkjanna og óbeinum stuðningi okkar.

[Árni Gunnarsson, 28.5.2008 kl. 14:53]

"Óbeinum stuðningi okkar" segirðu. Er ekki afar þunn lína þar?

En má ég leggja það til að við nýtum orkuna í eitthvað þarfara en þetta pex úr því sem komið er?

Að því gefnu að um það ríki þokkaleg sátt hjá íbúum Akraness að taka við þessu hrjáða fólki er það von mín að við leggjumst öll á eitt við að gera því lífið bærilegt.

Og við látum það finna fyrir hlýhug og því öryggi sem það hefur alla ævi þráð en ekki fengið að kynnast.

Við munum um ókomna tíð verða að taka ákvarðanir á borð við þessa. Þá er mest um vert að til þeirra verði vandað, jafnvel betur en hér varð raunin. Og umræðan þróuð upp á hærra plan en ásakanir um rasisma og mannhatur.

[Jón K.r. (IP-tala skráð) 28.5.2008 kl. 15:03]

Stefna Frjálslynda flokksins er mjög skýr í þessu máli.  Það á að taka á móti flóttafólkinu á Akranesi.  Þá hefur formaðurinn marg lýst því yfir að Magnús Þór hafi aldrei lagst gegn komu þessa flóttafólks. 

Þingflokkurinn allur samþykkti einnig ályktun um þetta mál sérstaklega þar sem fram kom að taka ætti á móti umræddu flóttafólki.

Svo virðist sem einhverjir óprúttnir menn hafi "hakkað" sig inná bloggið hjá Jóni Magnússyni og tali hér í nafni þeirra Jóns og Magnúsar.  Augljóst er að þeir sem hér tala undir þeirra nöfnum tala á skjön við yfirlýsingar þingflokks og formanns flokksins.

[Hjálmtýr V Heiðdal, 28.5.2008 kl. 15:46]

Þorkell hefur ekki mikla yfirsýn. Eins og Theódór og ég höfum bent á þá er

vandamálið búið til með stofnun Ísraelsríkis 1948. íslendingar eiga þar sinn hluta af sökinni. Réttast væri því að bjóða hingað öllum flóttamönnum úr þessum búðum. Þeir eru ekki margir og sjálfsagt einhverjir sem vilja ekki fara hingað.

Þessi skoðun mín mun að sjálfsögðu falla í misgrýttan jarðveg en með því að dreifa fólkinu um landið þá er þetta lítið mál. Jón, vinur minn og samstarfsmaður úr Áburðarverksmiðjunni, Magnússon verður kátur yfir þessu þar sem hann var að vandræðast með prósenturnar. Hér er dæmið leyst 100%.

[Þorkell (IP-tala skráð) 28.5.2008 kl. 15:52]

Theodór, þú talar út og suður, við erum hér að tala um Al-Waleed flóttamannabúðirnar þar sem eru milli 1.100 - 1.200   (http://blip.tv/file/313316) og 1.500 (http://blip.tv/file/304397) flóttamenn. Ábyrgð ráðamanna í Palestínu er mikil, því þeir neita að taka við fólkinu. Þessu má líkja við að allir Íslendingar sem flutt hafa til Danmerkur eftir WWII fengu ekki að snúa aftur til Íslands ef þeir væru ofsóttir í Danmerku. Fólkið þráir ekkert heitara en að komast til Palestínu enda lítur það á sig sem Palestínumenn. Stjórnvöld hér eiga að setja sig strax í samband við ráðamenn í Palestínu og bjóða "viðunandi" greiðslu með hverjum flóttamanni sem fær að snúa "heim". Það eru réttmæt og viðunandi lausn í þessu máli.

[Þorkell (IP-tala skráð) 28.5.2008 kl. 16:00]

Hjálmtýr, þú ert enn eitt "tröllið" sem vafrar hér inn með þínar "pólitísku rétthugsun". Ég ætla fyrir ykkur tröllin að endurtaka það sem flóttafólkið segir sjálft: VIÐ VILJUM KOMAST TIL PALESTÍNU!!!!

[Svanur Gísli Þorkelsson, 28.5.2008 kl. 16:28]

Þorkell.

1. Palestína getur ekki einu sinni veitt þeim sem þar eru fyrir þá aðstoð sem þeir þurfa. Sjúkrahús eru yfirfull, ekkert  virkt samfélagskerfi, þar er skólaganga barna afar stopul og enga sálfræðiþjónustu að fá. Ástand landsins er svo óstöðugt að þaðan stendur flóttamannastraumurinn til Egyptalands og Líbanon.

2. Eins og þér er kunnugt um er Palestína klofin í tvær eða fleiri fylkingar. Ísland getur ekki af stjórnmálalegum ástæðum samið við einn eða neinn um móttöku flóttafólks frá Írak, jafnvel þótt það sé af palestínsku bergi brotið.

[Ómar Bjarki Kristjánsson, 28.5.2008 kl. 17:36]

"Ábyrgð ráðamanna í Palestínu er mikil, því þeir neita að taka við fólkinu"

Neibb.  Reyndar þveröfugt.  Hafa sagst vera reiðubúnir til þess.

 En guess what.  Það vill þannig til að land nokuð sem kallar sig Israel stjórar allri landamæragæslu  inní Palestínu.  Ráða alveg hver fer inn o.s.frv.  Þvert nei á þeim bænum.  Ekki að ræða það.

Meir að segja hafa þeir verið grátbændir um að leyfa fólki sem getur rakið uppruna sinn beint til Gaza, að snúa þangað.  En ...nei.  Engin miskun hjá Magnúsi.

[Adolf (IP-tala skráð) 28.5.2008 kl. 17:42]

Það er ótrúlegt minn kæri Jón hve langt FF er kominn frá því sem er siðferðislega ásættanlegt.  Eðli málsins samkvæmt á flóttafólk ekkert heimili.  Það eru því bara fábjánar sem tala um að "hjálpa þeim heima hjá sér".

Í öðru lagi ætti lögfræðingur að vita af nokkru sem heitir alþjóðalög.  Samkvæmt þeim eru Íslendingar skuldbundir til að taka við flóttafólki en hefur til þessa ekki fyllt þá tölu sem Íslendingar hafa skuldbundið sig að taka við.

Í þriðja lagi þá trúi ég því ekki að Akranes sé sá stafkarl meðal íslenskra sveitarfélaga að það geti ekki gert hluti sem Dalvík, Ólafsfjörður, Höfn í Hornafirði og flest sveitarfélög á Vestfjörðum hafa gert. 

Í fjórða lagi þá þarf mikið miskunnarleysi til að halda því fram að ekkert muni um að taka hingað 30 flóttamenn.  Auðvitað munar um það fyrir þessa 30 flóttamenn.  Ef þú, minn kæri Jón, féllir í sjóinn og værir að drukkna, eða fengir hjartaáfall, er ég viss um að þér óg þínum fyndist mikilvægt að þér yrði bjargað, jafnvel þótt þú værir lítið hlutfall mannkyns.

Eiginlega er ég farinn að skilja betur, hvers vegna allir aðrir stjórnmálaflokkar hafa hrakið ykkur burtu.

[B.N. (IP-tala skráð) 28.5.2008 kl. 18:15]

Rasistakjaftur ástæða hnífsstungu

Samkvæmt frétt B.T. af hnífsstungumálinu í Kaupmannahöfn í nótt uppskar fórnarlambið, íslenskur karlmaður, sjö hnífsstungur eftir að hafa hreytt ljótum og rasískum orðum í árásarmanninn.



Dómari hefur látið árásarmanninn og félaga hans lausa en ekki þótti ástæða til þess að hneppa þá í gæsluvarðhald. Við yfirheyrslur kom fram að sá stungni hafi látið særandi og meiðandi orð falla um árásarmanninn og félaga hans. En þeir báru við að um sjálfsvörn hafi verið að ræða.

Ritstjórn - [e-mail]

Leyfi mér að kópera þessa frétt hér að ofan frá www.dv.is Orð geta aldrei orðið það meiðandi að hægt sé að réttlæta morðtilræði á þeim forsendum en það skal ávalt  hafa í huga að orð verða ekki aftur tekin og geta haft afleiðingar og menn eiga að sýna hver öðrum þá virðingu að yfirvega bæði orð sín og athafnir. Þetta ætti ekki að vera flókið aðeins smá innsæi í mannleg samskifti.

Það veldur mér miklum áhyggjum og á einhvern hátt virðist hafa horfið í framsækinni umræðu og lagasetningum gegn reykingarfólki að það er til annar bölvaldur sem er miklu veri fyrir heimili. Áfengisdrykkja hefur aukist svo að hver 4- manna fjöldskylda lepur 1.lítra  af vínanda að meðaltali á hverjum einasta degi alla daga ársins. Þetta þýðir að inn á slíkt heimili eru keyptar 365 flöskur á ári. Hvaðan hef ég þessar heimildir? Þær má lesa með einföldum reikningi frá Hagstofu Íslands. Í Fréttablaðinu hér áður (24.júni 2004) sá ég örlitla frétt bls.8 undir fyrirsögninni ,,Svona erum við''. Fréttin lét lítið yfir sér einföld upptalning með heimild sína frá Hagstofu Íslands og var eftirfarandi: ,,Neysla áfengis á Íslandi, seldir lítrar á hvern íbúa á ári 1983 13 lítrar, 1993 31,24 lítrar,2003 66.50 lítrar''. Það væri þörf umræða að láta smámuni eins og reykingar almennings sitja á hakanum og taka þess í stað upp alvarlegri umræðu hvílklíkur friðarspillir áfengisdrykkjan er og bölvaldur allra á viðkomandi heimilum. Getur það virkilega verið að umræðan um þennan vágest fái jafnlitla umfjöllun hjá fjölmiðlum eins og raun ber vitni að því málefnið snertir of marga. Rétt í lokin heyrði ég að til stæði að banna fólki reykingar úti á svölum í fjölbýlishúsum því reykurinn stigi upp í íbúðirnar fyrir ofan og illu óþægindum. Og annað ég fæ ekki betur séð að búið sé að milda drykkjuviðurlög í hegningarlögum. Þar sem áður stóð óheimilt er að vera drukkinn á almannafæri sé orðið óheimilt er að vera mjög drukkin á almannafæri.

Baldvin Nielsen, Reykjanesbæ 

[Hjálmtýr V Heiðdal, 28.5.2008 kl. 18:25]

Hann Þorkell er ekki alveg að skilja þetta. Palestína er hersetið af Ísraelsher og sá her ræður allri umferð um svæðið sem Abbas er sagður stjórna. Stjórn Palestínu hefur ekkert um málið að segja. Auk þess er það stefna Ísraela/Síonista að hrekja Palestínumenn burt og ræna landi þeirra - allar tilraunir Palestínumanna til þess að snúa til síns heima eru stöðvaðar af Ísrael. Þetta er svo augljóst að þeir sem leggja rétt saman tvo og tvo skilja þetta. Þorkell kennir mig við pólitíska rétthugsun, ég vona að sé rétt hjá honum.

[Johnny Rebel (IP-tala skráð) 28.5.2008 kl. 20:59]

Áhugavert Baldvin að það þyki ekki nauðsynlegt að sitja menn í gæsluvarðhald fyrir lífshættulega árás vegna þess að árásarmennirnir upplifðu rasisma af hálfu fórnarlambsins. Að sögn árásarmannana þ.a.s.! Það er nú bara þannig að þetta er mjög oft afsökun lituðu kynstofnana fyrir glæpum sínum og svar hvíta mannsins er að árásirnar séu þá réttlætanlegar. Meira ruglið!

[Þorkell (IP-tala skráð) 28.5.2008 kl. 22:01]

Ég trúi nú flóttafólkinu frekar en tröllunum hér sem kenna Ísraelsríki um allt sem miður fer. Svo láta flóttamennirnir ekkert vel að Sýrlendingum heldur, hvað þá Írökum sem hafa ruplað og rænt flóttamennina aleigunni. Nei það eru ekki Ísraelsmenn sem hrekja þessa flóttamenn í burtu, það eru Arabarnir sem sjá um það sjálfir eins og Palestínuflóttamennirnir hafa útlistað skilmerkilega. Þá má ekki gleyma að alþjóðasamfélagið stefnir að því að klára í eitt skipti fyrir öll frið fyrir botni miðjarðarhafs fyrir lok þessa árs, sem mun þýða mun betri hag fyrir Palestínumenn og ofan á það má síðan byggja með ríkulegri flóttamannaaðstoð, en ekki sýndarmennsku mannflutningum að hætti trölla! Ég mæli svo með vatnssöfnun handa ÖLLUM flóttamönnunum í búðunum!

[Theódór Norðkvist, 28.5.2008 kl. 22:50]

Ég tek undir síðustu setningu þína Þorkell þó við séum ekki sammála að öðru leyti. Héðan mætti senda nokkra gáma af vatni, ef hægt er að koma þeim gegnum vargöldina í Írak.

Frið fyrir botni Miðjarðarhafs fyrir árslok? Ég held þú eigir skilið bjartsýnisverðlaun Bröstes. Mun sá friður byggja á að 5 milljón Palestínuarabar fái að snúa aftur til lands síns, sem þeir eiga rétt á, samkvæmt ályktun SÞ?

Friður án réttlætis er ekki friður. 

[Johnny Rebel (IP-tala skráð) 29.5.2008 kl. 00:03]

Theódór: Það hættu allir fyrir löngu að hlusta á Sameinuðu Þjóðirnar. Stofnunin er úrelt því hún er valdaminni en valdamestu lönd heims

[Sævar Einarsson, 29.5.2008 kl. 10:05]

Í upphafi skyldi endirinn skoða . . .

[Johnny Rebel (IP-tala skráð) 29.5.2008 kl. 10:50]

Einu útlendingarnir sem ég vil sjá á Íslandi eru meðlimir SVP og bandarískir suðurríkjarokkarar.

Við eigum einnig að setja í lög að allir innflytjendur séu sendir í klórbað og aflitaðir. 

[Alexander Kristófer Gústafsson, 29.5.2008 kl. 11:58]

Ég er sammála Johnny Rebel með Sameinuðu þjóðinar(að þær séu grín og ómarktæk stofnun), ég er líka sammála því að við eigum ekki að taka flóttamenn til Íslands og að við eigum ekki að auka þróunaaðstoð heldur að minnka hana verulega eða klippa hana alveg burt.

[Tryggvi Guðmundur (IP-tala skráð) 29.5.2008 kl. 12:07]

Það tekur  enginn mark á ykkur grínistunum Alexander og Johnny.

[Alexander Kristófer Gústafsson, 29.5.2008 kl. 12:08]

Ég er nú ekki sammála honum að setja innflytjendur í klórbað ;)

[Bárður Sigurðsson (IP-tala skráð) 29.5.2008 kl. 13:02]

Hvernig væri að í staðinn fyrir að tala um að "hjálpin eigi sér stað á þeim menningarsvæðum sem eru næst viðkomandi flóttamönnum hverju sinni",  kæmu Jón Magnússon og Magnús Þór Hafsteinsson út úr skápnum með það að þeir vilja ekki að Arabar flytji til Íslands? Þeir ættu líka að viðurkenna það að þeir eru skíthræddir við múslima almennt og vilja ekki sjá konur með slæður á Íslandi.

Allt þetta bull um að peningarnir séu illa nýttir og að Akranes sé að fara á hausinn er bara aumt yfirklór yfir það sem allir ættu að sjá, að þessir gæjar eru hreinlega á móti því að Arabar og múslimar komi til Íslands, hvort sem um flóttafólk er að ræða eða aðra innflytjendur. Þeir myndu aldrei láta svona út af þessu máli ef um væri að ræða t.d. Dani. 

Það er líka aumkunarvert hvernig sumir grenja yfir því að vera kallaðir rasistar þótt enginn hafi gert það. Ef farið er yfir umræður um þetta mál á moggablogginu og talið hversu oft orðið "rasisti" er notað, er það næstum því alltaf þegar einhver er að grenja yfir því að vera kallaður rasisti en næstum aldrei neinn sem er að kalla einhvern rasista. Það er líka hlægilegt að nota hugtakið "pólitísk rétthugsun" sem skammaryrði, rétt eins og það séu einhver rök í sjálfu sér.

Það er alveg ótrúlegt að menn skuli gera stórmál úr því að 30  eða 60 manneskjur skuli flytja til Akraness, sem er eitt af stærstu bæjarfélögunum utan höfuðborgarsvæðisins. Það hefur nákvæmlega ekkert með almenna stefnumótun í flóttamanna- eða innflytjendamálum að gera þegar menn berjast gegn því að þetta fólk sem á enga aðra kosti og er í raunverulegri hættu komi til landsins. Ef þessir menn væri ekki svona ragir myndu þeir hætta öllu kjaftæði og segja bara hreint út það sem þeim finnst, að það sé óráð að bjóða Araba og múslima velkomna til Íslands. 

[Arnór Valdimarsson (IP-tala skráð) 30.5.2008 kl. 23:27]

Af hverju eigum við að taka við flóttamönnum frá Palestínu? Frekar en annarsstaðar?    Við erum jú kristið samfélag!

Er fólk alveg að missa sig hér? Auðvitað á þetta fólk bágt, en hvað með restina af heiminum?. 

Við eigum fyrst og fremst að hjálpa okkar nánustu, og af nógu er af að taka. Gerum okkur ljóst að það litla sem við getum látið af hendi rakna, kemur fólki best og nær til flestra með að hjálpa fólki heima hjá sér. Eins og við sáum nú um dagin í  mynd um frábært barnastarf um ABC Barnahjálp.

Þó að Ingibjörg ßólrún sé í framboði til öryggisráðs eigum við ekkert erindi þangað. Og fólk í Rangoon og Kína á mikið meira bágt. Eftir hamfarir þar. Rétt eins og  Bangla Desh, labbiði um götur þar og kynnist því og mest allri allri Afríku, Þar eru miljónir sem svelta og eru við dauðans dyr. Palestína er eins og dropi í hafið miðað við það og reyndar okkar effort.

Lærum einusinni af reynslu nágrannanna! Sjáiði Evrópu hún logar í vandræðum af innflytjendum sem koma þangað, ekki til að samræmast Evrópu heldur breyta í múslima ríki. Og mótmæla okkar stjórnarháttum.

[Arnór Valdimarsson (IP-tala skráð) 30.5.2008 kl. 23:40]

Eitt enn vil ég benda á, í sambandi við Palestínska flóttamenn.

Þeir eru örfáir, Al Waleed flóttamenn eru aðeins örfá hundruð, af miljónum í heiminum, af hverju koma ekki múslima bræður þessa fólks þeim til hjálpar? Eða aðrir velsæmandi íbúar nærliggjandi. Eins og til dæmis Egyptar sem er blönduð þjóð, og elskar alla.

Nei Egyptar fengu nóg af þessum bræðrum sínum, vegna stöðugra skæra sín á milli, ekki við Ísrael. Og hreinlega lokuðu sínum landamærum. Er þetta fólkið sem okkur vantar hér.