Vanmerktar vörur og íslenskukunnátta.

Það er alvarlegt að varnaðarmerkingar séu ekki á öllum hættulegum efnavörum. Það kemur í ljós við könnun  að um 30% af hættulegum efnavörum í byggingarvöruverslunum hafa ekki fullnægjandi varnaðarmerkingar.  Þetta er lögbrot. Með þessu eru seljendur að leggja viðskiptavini sína í hættu.

Vandinn er einnig sá að iðulega er litlar leiðbeiningar að fá í verslunum vegna þess að stór hluti af starfsfólki verslana talar iðulega litla sem enga íslensku. 

Það verður að gera kröfu til þess að allar hættulegar vörur séu merktar með viðeigandi varnaðarmerkingum eins og krafist er í lögum. Þá verður líka að gera kröfu til þess að í öllum verslunum sé einhver sem geti gefið fullnægjandi svör og lýsingar á hlutum og svarað fyrirspurnum viðskiptavina á íslensku.  Við erum jú á Íslandi og minni kröfur er ekki hægt að gera.

Vanmerktar efnavörur

Athugasemdir

[Brjánn Guðjónsson, 13.7.2008 kl. 18:36]

hvað svo?

vissulega er hér um lögbrot að ræða, rétt eins og þegar verslun verðmerkir illa eða rangt, vörur í hillum sínum. margoft hafa verið gerðar kannanir á slíku en svo virðist aldrei neitt gert í málinu. ár eftir ár líður ekki ekki ein einasta verslunarferð án þess að rekast á vöru sem ekki er verðmerkt. af þeim búðum sem ég versla í finnst mér þetta sínu verst í 10-11.

menn segja bara skamm, skamm, svo ekki söguna meir.

[Jón Magnússon, 13.7.2008 kl. 18:58]

Því miður þá er þetta alveg rétt hjá þér Brjánn með verðmerkingarnar. Ég vissi hins vegar ekki að það væri jafn algengt og kemur fram í könnuninni að merkja ekki hættulegar vörur. Því miður er það líka rétt hjá þér að skussarnir komast upp með þessi lögbrot ár eftir ár.

[Guðrún María Óskarsdóttir., 14.7.2008 kl. 00:19]

Sæll Jón.

Já vort fullkomna flókna þjóðfélag, hefur lítið sem ekkert eftirlitskerfi þegar á hólminn er komið, hvað þá almennilegt aðhald.

kv.gmaria.

[Sigurður Þorsteinsson, 14.7.2008 kl. 07:54]

Er bloggarinn Jón Magnússon, sá sami Jón og var varaformaður Neytendasamtakanna í áraraðir. Þar sem honum mistókst, eða vildi ekki gera Neytandasamtökin að fjöldahreyfingu. Ætlar hann nú að nú að nota sömu aðferðirnar til þess að byggja upp Frjálslynda flokkinn. Sennilega varður hann aðeins til í bloggfærslum eftir næstu kosningar.