Fyrsta stóra hneykslið í tíð ríkisstjórnarinnar.

Mér er nánast orða vant að lesa um það hneyksli að maðurinn sem hefur rekið Baug lóðbeint til andskotans  hafi samið við fulltrúa ríkisstjórnarinnar í skilanefnd Landsbankans um að sitja áfram í stjórnum ákveðinna fyrirtækja. Hann fær fyrir það 3.4  milljónir á mánuði, einkaþyrlu og fyrirtækisbíl.

Eignir Baugs í Bretlandi eru metnar  rúmlega 10% upp í skuldir.  Það sýnir að reksturinn hefur verið glórulaus um árabil og þeir sem fjármögnuðu fyrirtækið hafa rekið glórulaus (ég vil ekki segja glæpsamleg meðan sök er ekki sönnuð)  útlán um árabil á kostnað almennings.

Finnst Jóhönnu Sigurðardóttur forsætisráðherra nú brýnna að reka Davíð Oddsson eða skilanefnd Landsbanka Íslands sem gerir svona samninga?

Er sú ríkisstjórn trúverðug sem velur Jón Ásgeir Jóhannesson sem tilsjónarmann sinn meðan fólk missir vinnu og eignir í stjórum stíl vegna ábyrgðarleysis hans.

Hvað borgaði Jón Ásgeir mikið í flokssjóð Samfylkingarinnar?

Jón Ásgeir og Gunnar áfram í stjórnum

Athugasemdir

[Offari, 8.2.2009 kl. 13:25]

Ef svona heldur áfram er langt í að þjóðin sættist.

[Jón Snæbjörnsson, 8.2.2009 kl. 13:46]

góð spurning Jón - hvað borgaði maðurinn í sjóði Samfylkingar ?

[Jakob Þór Haraldsson (IP-tala skráð) 8.2.2009 kl. 13:48]

Þarna kemur þú inn á góðan PUNKT, þ.e.a.s. þá sorglegu staðreynd að Jón Ásgeir var "draumprins Samfylkingarinnar" alveg eins og "Björgólfur eldri" var "rétti maðurinn til að stýra banka að mati Davíð Oddssonar" - en því miður er bara að koma í ljós það sem ÖLLUM hefði átt að vera ljóst að BÁÐIR þessir AÐILAR hafa hlotið DÓMA tengt "lélegum viðskiptaháttum...:)" - það er því miður bara alltaf að koma skýrara í ljós - það sem átti að vera augljóst - þessir aðilar elska það að "svíkja, ljúga & blekkja" svo framarlega sem ÞEIR geta grætt á því.  Ég vorkenni ROSALEGA þeim erlendum aðilum sem hafa lánað þessum SPILAFÍKLUM pening.  Því miður spilaði þjóðin með í tryltum aðdáanda dansi (meðvirk) - enda áttu þessir aðilar fjölmiðla sem "LUGU & BLEKKTU" þjóðina.  Þessir aðilar eru í raun HEIMSMEISTARAR í að "ljúga & blekkja" - þetta eru einstaklingar með SKÍTLEGT eðli og skömm þeirra er mikil.  Sama má segja um íslenska stjórnmálamanninn sem er upp til hópa "SJÁLFTÖKULIÐ" - þó vissulega finnist "einn & einn" þingmaður sem starfar í stjórnmálum af hugsjón fyrir þjóð sína.  Hugsanlega eru 1-3 þingmenn í stjórnmálum af hugsjónum, allt hitt liðið er búið að vara á "ríkisspennanum" og kan ekkert annað en TAKA PENING....:).

Í mínum huga hefur Ísland verið DJÖFLAEYJA síðstu 15 árin fyrir almenning í landinu, en ÆVINTÝRALAND fyrir fá útvaldar fjölskyldur sem hafa fengið úthlutað t.d. "kvótum, banka, Decode svikamyllan, sala á fjölda ríkiseigna á undirverði" - þeir sem fengu AUÐINN hafa haft það frekar gott, en VIÐ hin ÞJÓÐIN - við upplifum að okkur er NAUÐGAÐ ítrekað - allt með samþykki okkar verkalýðshreyfingar.  Nú hafa þessir 20-50 útrásarsvíkingar (hringrásar fábjánar) náð að gera 80% af þjóðinni að SKULDAÞRÆLUM og nú má með réttu kalla Ísland ÞRÆLAEYJAN.....!  Can yOu believe it - they are not going to pay!  IceSlave ER gjöf bankastjórnar Landsbankans & BJÖRGLÓFS fegða til íslensku þjóðarinnar..! 

Til YKKAR sem ennþá kjósa Sjálfstæðisflokkinn í BLINDI þið eruð auðvitað bara SIÐBLIND og hafið verið það í langan tíma...!  Nú er komið nóg - ekki meir Geir...:). 

[Pálmi Gunnarsson, 8.2.2009 kl. 13:54]

Ég sat í hádeginu með félaga mínum, infæddum rótgrónum Akureyring og voru þjóðmálin ofarlega á baugi eins og við var að búast. Talið barst að okkar nærumhverfi þ.e. Akureyri. Við vorum sammála um að þeir væru víða hin djúpu spillingarfen. Þessi frétt af Baugsklaninu er ekkert sem kemur á óvart. Þeir svínbeygðu hæstarétt og dómkerfið umvafðir lögfræðingaher, því skyldu þeir ekki halda áfram að bellibragðast. Það er hjákátlegt að hlusta á þessa kalla tala um hrun fyrirtækja sinna með tár á hvörmum þegar allir vita, þjóðin, stjórnkerfið, dómkerfið og hæstaréttur að þessi háleistar hafa fyrir löngu komið þýfinu fyrir. Ein eins og illa haldnir fíkniefnaneytendur sem geta ekki hætt, stela þeir áfram, undir verndarvæng þeirra sem stjórna landinu.  Einsakling sem verður það á að hnupla úr búð, eða selja gramm af hassi er stungið inn umsvifalaust, meðan verið er að athuga glæpinn. Þessu liði er umbunað.

[Guðbjörn Guðbjörnsson, 8.2.2009 kl. 13:54]

Jón Magnússon:

Tek undir hvert og eitt einasta orð hjá þér!

[Gunnar Axel Axelsson, 8.2.2009 kl. 14:17]

Sæll Jón, 

Þú sem lögmaður ættir að vita hvaða ábyrgð fylgir orðum þínum. Nema það sé bara orðið svo sjálfsagt og almennt að saka íslenska stjórnmálaflokka eða stjórnmálamenn um að láta stjórnast af slíkum annarlegum hvötum að menn séu almennt hættir að taka mark á innihaldi slíkra ásakana.

Þú sem alþingismaður ættir líka að vita að Samfylkingin hefur skilað öllum bókhaldsupplýsingum til Ríkisendurskoðunar í samræmi við lög um fjármál stjórnmálaflokka. Það gerði Samfylkingin á réttum tíma en síðast þegar ég vissi þá hafði þinn flokkur ekki farið eftir umræddum lögum og skilað ársreikningi. Ekki læt ég þó hvarla að mér að það sé vegna þess að þar sé eitthvað óhreint mjöl sem menn vita ekki hvernig þeir eigi að fela.

Jón. Samfylkingin hefur aldrei látið stjórnast af peningahagsmunum einstakra fyrirtækja eða viðskiptamanna. Það eru allt aðrir flokkar sem hafa byggt tilveru sína á slíku og ég bið þig um að vera heiðarlegur í þessu sem og öðru og vera ekki að segja hluti sem þú veist að eru rangir. Láttu bara morfísdrengina í Sjálfstæðisflokknum um svona smjörklípur, það á eitthvað svo illa við mann af þínu kaliberi.

Gangi þér annars allt í haginn,

Kveðja

Gunnar Axel

[Heiða Björg Hilmisdóttir (IP-tala skráð) 8.2.2009 kl. 14:23]

Ég spyr HVER er tilgangurinn með svona færslu ?  dettur Jóni magnússyni í hug að forsætisráðherra hafi komið að þessum samningum í London sl fimmtudag ? Hlutur Landsbankans er ekki ráðandi í þessum fyrirtækjum  og hann semur ekki um kaup g kjör starfsanna eða stjórnarmanna.

Mér finnst þessi bloggfærsla ekki til þess fallin að auka samstöðu með þjóðinni á erfiðum tímum en það þurfa allir ábyrgir stjornmálamenn að gera - Hvar í flokki sem þeir standa

reikningar samfylkingarinnar eru að ég best veit opinberir 

[sæmundur (IP-tala skráð) 8.2.2009 kl. 14:30]

Það er ótrúlegt að lesa skrif þessara manna hér að ofan sem telja sig sjálfskipaða dómara og vilja hengja allt og alla .

Erum við hér á landi ekki með réttarríki þarsem maður er saklaus þar til sekt er sönnuð? Og það að fyrirtæki hrynji jafngilldir ekki því að maður hafi ekki spilað eftir leikreglum sem í gildi eru.

Erum við almenningur glæpamenn nú þegar að lánin á fasteignunum okkar eru að fara yfir verðgildi þeirra glæpamenn?

[olie (IP-tala skráð) 8.2.2009 kl. 14:31]

Kæri Jón,

Er sonur þinn ekki atvinnulaus? Þú getur kannské mælt með honum ha, er hann ekki toppmaður sem gerir ekkert.

Enda er hann ákveðnum mönnum þóknanlegur eins og þú veist.

Hættu að kasta úr glerhúsi þegar þú getur ekki varið þig .

[Jósep Húnfjörð (IP-tala skráð) 8.2.2009 kl. 14:48]

Úff Jón, þú toppar sjálfan þig.

[Egill (IP-tala skráð) 8.2.2009 kl. 14:50]

Rifrildið hér fyrir ofan er gott dæmi um hvað flokkapólitík er úrelt fyrirbæri. Menn missa algerlega fókus og fara í skítkast milli flokka og missa sjónar á aðalatriðum!! Hvernig væri að ræða bara að JÁ á að fá 3.4 m á mánuði + þyrlu og bíl fyrir að hafa stuðlað hvað mest að því skipbroti sem er staðreynd á Íslandi.

[Skaz, 8.2.2009 kl. 15:18]

Vá, skrýtið að það sé verið að tala um kosningasjóði. Sérstaklega þar sem að enginn flokkur á Alþingi hefur hingað til birt upplýsingar um upphæðir einstakra framlaga, hvað þá hverjir styrkja.

Og ennþá áhugaverðara að enginn einstakur þingmaður virðist vilja gefa upp neitt varðandi sín persónulegu kosningaframlög sem hann fær.

Þetta gerir nokkurnveginn hvern einasta þingmann á núverandi þingi grunsamlegan að mínu mati, sama hvaða flokki hann þjónar á Alþingi.

Gruna margan annan en bara Jón Ásgeir að hafa styrkt þingmenn og flokka. Hvernig væri að menn færu að standa við stóru orðin og opinbera framlagalista og sína persónulegu kosningasjóði. 

Og setja hámörk á þær upphæðir sem má gefa í þessum tilgangi líkt og eru í flestum löndum í kringum okkur? Annars á maður eftir að gruna ykkur þarna á þinginu áfram um að vera fulltrúar annars en fólksins.

[Gunnar Axel Axelsson, 8.2.2009 kl. 15:39]

Ég nenni nú ekki að halda uppi einhverju rifrildi við þig Jón, finnst það eiginlega ekki við hæfi en ég held það sé eðlileg krafa að óska eftir því að þú botnir þessa færslu og upplýsir okkur betur um hvað þú ert að tala um varðandi Jón Ásgeir og fjármál Samfylkingarinnar.

Heldur þú í alvöru að Jón Ásgeir hafi mútað Samfylkingunni og þess vegna sé hann enn fljúgandi á milli stjórnarfunda í einkaþyrlu?

Finnst þér í alvöru líklegt að Jóhanna Sigurðardóttir sé að taka ákvarðanir varðandi stjórnarsetu í fyrirtækum Baugs í Bretlandi?

Finnst þér kannski að hún ætti að skipta sér af málefnum einstakra fyrirtækja sem eru til meðferðar í skilanefndum bankanna?

Hvað ertu annars að fara með þessari færslu Jón, ég á bara mjög erfitt með að átta mig á því hvort þú ert að meina það sem þú skrifar eða hvort þetta er bara sagt og ritað  í einhverjum hálfkæringi.

[Guðbjörn Jónsson, 8.2.2009 kl. 15:44]

Sæll Jón!  Ég varð nú verulega hissa á þessari grein þinni. Hún ber öll merki pólitískrar abrýðisemi og upphrópana utan raunveruleikasviðs. Ég fæ ekki skilið hvað ríkisstjórn okkar hefur með það að gera að breskur dómstóll skuli telja það hagsmunum BG Holding fyrir bestu að Jón og Gunnar verði þar áfram við stjornun.

Varla ert þú það fjarri raunveruleikanum að þú vitir ekki að skuldir breksrar starfsemi BG Holding eru að mestu við erlenda banka, sem eru ríkisstjórn okkar óviðkomandi. Þessir aðilar, ásamt því fyritæki sem skipað var til tilsjónar, virðast treysta Jóni og Gunnari betur til að reka fyrirtækin en sjálfum sér. Varla er það ríkisstjórn okkar að kenna.

Ég vona innilega að þú finnir jafnvægið fljótlega, nema þú sést, eins og hér var getið, að gera þig gildandi í málefnagarði Sjálfstæðisflokksins. Sé það svo, er það ákveðin skýring á þessu kjánalega upphlaupi þínu. 

[JBI (IP-tala skráð) 8.2.2009 kl. 15:49]

Sammála Egill. Ekki þessa dómadags þvælu út um hóla og mela með þessa umræðu. Það er eingöngu verið að tala um dílinn sem gerður er við JÁJ. Sleppum þessu flokkaskítkasti sem sýnir alltaf hve umræðan hér á landi er á afskaplega lélegu plani.

Að vísu er ég alveg sammála Pálma Gunn með Klanið. Það er búið að beygja allt sem hægt er að beygja og þau lögmál sem farið var eftir í bissniss í den tid eins og til dæmis "samfélagsleg ábyrgð", "að standa við gerða samninga", "heiðursmannasamkomulag" og fleira er algerlega búið að kasta fyrir róða.

[Halla Rut , 8.2.2009 kl. 16:24]

Gunnar Axel: Hægt er að gefa peninga í öðru formi en peningum. Iðu húsið sem Jón Ásgeir var svo almennilegur að lána ykkur fyrir síðustu kosningar, svo þið gætuð verið mest áberandi af öllum, var svo leigt á 1,6 millj. á mánuði. Þetta gerir því um 6,4 millj alls. Er það eðlilegt. Gáfuð þið þessa upphæð upp í ykkar bókum? Ég efast um það. Og hvað með alla prentunina sem var einnig greidd fyrir samfylkinguna? Var það gefið upp. Nei ég efast um það.

Gott að vita að Ingibjörg Sólrún sé ennþá að passa litla gulldrenginn sinn. Góð vinátta er gulli betri.

[Ágúst H Bjarnason, 8.2.2009 kl. 17:43]

Nú verður fróðlegt að fylgjast með viðbrögðum Jóhönnu og Steingríms. Er þetta gert með þeirra samþykki? 

Það verður einnig fróðlegt að fylgjast með viðbrögðum almennings... 

Ég er ekki farinn að trúa þessari frétt ennþá því málið er með svo miklum ólíkindum.

Hér er fjallað um málið í Bretlandi.  Það er einhver óþverralykt af þessu máli. 

[joð (IP-tala skráð) 8.2.2009 kl. 18:18]

 Pistillin góður og þarft innlegg í umræðuna.  Takk fyrir hann.

Þeim sem liggur mikið á að sameina þjóðina, verður það örugglega ekki gert undir merkjum óheiðarlegra útrásarglópa og Samfylkingunnar sem vila þagga niður óþægleg mál og vernda sig og sína gegn sannleikanum.

Þar er keyrt á lýðskrumi og farsa fáránleikans sem fjallar um Davíð.

Það er með ólíkindum að ennþá finnast menn sem vilja verja óþverraskap þeirra sem rændu þjóðinni aleigunni.

Gunnar Axel.  Getur verið að Samfylkingin hafi nýtt sér sömu heiðarlegu viðskipta og framtalshætti og td. Jón Ásgeir og félagar?

 Svo mikið veit ég um fjármál stjórnmálaflokka að það er leikur einn að skila hvaða bulli sem er eins og málum er háttað er í dag.

 Endilega leggðu heiður þinn að veði og fullyrtu um að ekki nein tengsl eru við Jón Ásgeir og eða einhver félög honum tengdum eignarböndum.

Ef hann eða þau hafa styrkt flokkinn þá gildir það sama um upphæðina sem þú sverð að hafi verið lögð í dæmi.

Varðandi nýjar hugmyndir um lög um fjármögnun þeirra, þa er leikur einn fyrir aðila eins og Jón Ásgeir að setja hvað upphæð sem honum þóknast í gegnum leppun fólks og fyrirtækja.

Tómt bull og dæmigert fyrir lýðskrumið sem Samfylkingin er öðrum flokkum fremri í að smíða.

 Jón Ásgeir augljóslega á Samfylkinguna eins og svo ótal margt, nema að hann hafi tapað henni núna eins og mörgu öðru.

Það er augljóslega mikið áfall fyrir Samfylkinguma að missa mjólkurkúnna, enda ekki mikið framboð af spenum sem hafa gefið eins vel.

 Samfylkingarmenn hafa sérstaklega sagt sig úr flokknum vegna þessa, og ma. hefur Páll Vilhjálmsson verið duglegur að skýra frá reynslu sinni um tengslin við Jón Ásgeir og spillinguna sem hefur fylgt brölti flokksin til að eigna sér spillta auðmenn í kappi við Sjálfstæðisflokkinn.

 Svo fór sem fór.

Þetta skrifar óflokksbundinn kjósandi sem hefur ekki séð neinn flokk sem er verðugur atkvæðis og er sérstaklega þreyttur á bindisvöfnum unglingum úr stuttbuxnadeild þeirra.

Takk fyrir.

[EE (IP-tala skráð) 8.2.2009 kl. 20:59]

Óskiljanleg ummæli olie að ofan: "Er sonur þinn - - "!?!  Og hvaða glerhús ætli hann meini?  Að mínum dómi kemur sonurinn bara ekkert málinu við í skrifum Jóns þarna.  Samkvæmt þessu eru foreldrar olie ábyrgir fyrir gerðum olie.   Og það bara stenst ekki.  Samkvæmt sömu rökum væri heiðarlegur lögreglumaður sem er bróðir barnaníðings og foreldrar barnaníðingsins samsekir.  Fyrr má nú rota en dauðrota.  Það er heimska að kenna fjölskyldunni um afglöp manns og segir allt um dómarann og ekkert um þann sem dæmdur er.  Og mun þetta ekki vera fyrsta dæmið, því miður.  Stórhættuleg röksemdafærsla.  Komdu niður á jörðina.

Ætla að taka það fram að með þessu er ég ekki að tjá mig neitt um innihald skrifa Jóns að ofan.

EE elle

[SS (IP-tala skráð) 8.2.2009 kl. 21:54]

Alveg er ég undrandi á Jóni Magg, þaulreyndum manni í ýmsum ólgusjó stjórnmálanna að láta svona,  nema ef hann er að reyna að klína á Jóhönnu einhvejum skít, það var ekki hún sem rak Jónas son hans frá fjármálaráðuneytinu. Með áframhaldandi svona framkomu þá er þingmaðurinn að stimpla sig inn í náhirðina.

[Dexter Morgan, 8.2.2009 kl. 22:02]

Skjálfandi á beinunum og vonandi eftir klappi á kollin frá Sjöllunum, skrifar Jón þessa grein. Algjörlega út úr kú. Afhverju eruð þið að reyna að "útskýra" málið fyrir honum. Hann hefur greinilega ákveðið að misskilja ALLT í sambandi við þetta og leggja það upp á versta veg. Eins og núna er komið í ljós (skv. nýjustu fréttum af málinu).

En nei Jón Magnússon, þér verður hent út líka, eins og öllu hinu hyskinu sem búið er að maka krókinn og vera í vinnu hjá okkur niður á Alþingi.

[Halla Rut , 8.2.2009 kl. 22:24]

Algjörlega er það merkilegt hve margir eru tilbúnir að samþykkja spillinguna áfram en það er bara ekki sama hvaðan hún kemur. Þegar í boði Sjálfstæðisflokksins þá rís 1/4 þjóðarinnar til varna og þegar í boði Samfylkingarinnar þá rís annar 1/4 þjóðarinnar upp segir þetta allt vera gott og blessað því þetta eru jú þeir jafnaðarmennirnir. Helmingur þjóðarinnar er í algjörri blindi sinni að velja áfram allt það er kom okkur í þessa stöðu. Ég vona að hinn helmingurinn sé sá sterkari en hann kann þó að vera sá helmingur sem minna hefur skipt sér af stjórnmálum hingað til enda eru stjórnmál og stjórn landsins hér aðeins samkeppni manna á milli um bestu stólana og mætustu stöðurnar.

Maður gæti ætlað að maður sem uppvís hefur verið að einu mesta fjárglæfra misferli sögunnar ætti að eiga fá vini. En nei ekki þessi. Hann hefur heilann flokk manna til að verja sig frítt hér á blogginu.

Mikið held ég að fólk Samfylkingarinnar sé stolt af sér og sínum. Ekki sjáum við hér VG verja Jón og hans líka. Þeim dettur það auðvitað ekki í hug. Það er bara Samfylkingin sem gerir það sem um leið sannar að Jón Magnússon fer hér með rétt mál.

[Ari Kolbeinsson (IP-tala skráð) 8.2.2009 kl. 23:01]

Alveg er það merkilegt að snúa þessu upp í flokkapólitík til að koma skilaboðunum "minn flokkur er siðvandaðri og betri en þinn".

Leikskólahugsunarháttur.

 Akkúrat núna stjórnar Samfylkin. Hún er alls ekki hvítari en hvítt hvað hreinleika varðar. Það að draga upp tengsl þeirra og JÁJ síðustu ár og reyna að halda fram að bresk fyrirtæki og bresk stjórnvöld fari eftir þeim tengslum er að sjálfsögðu merkilegur þankagangur.

Að reyna að nota sömu rök til að segja að einhver annar flokkur sé mun betri er fásinna. Þetta eru svipuð rök og "þinn ís er bráðnaður, þá er minn ennþá frosinn". Það virkar ekki svoleiðis.

Eina hlutverk þessarar bráðabirgðastjórnar er tiltekt. Vonandi að brjóta upp ráðandi valdaklíkur sem byggjast meira á pólitík og kunningsskap en þekkingu. Davíð minnist á í bréfi sínu að honum finnist það skítt að lögfræðimenntun sé ekki metin jafngild hagfræðimenntun þegar kemur að þekkingu til að stjórna seðlabankanum. Mér finnst náttúrulega að bakaraiðn, nú eða stjörnufræðingsmenntun eigi að sjálfsögðu að þýða hið sama.

Núverandi stjórn á að brjóta þetta upp, síðan verða kosningar og erfitt er að segja til um nákvæmlega hvað gerist þar. Helst þarf að drepa niður þetta flokkakerfi sem virðist engum hjálpa svo og kjördæmaskiptingu sem virðist valda því að stjórnmálamenn hvers landshluta skaki krónur í sína átt sem veldur því svo að engin heilsteypt lands (ekki landsbyggðastefna, heldur stefna sem innifelur allt landið) er til staðar, og landsbyggðin fer verst út úr því.

Skítt með Samfylkinguna (og aðra flokka), ég er að vona að Jóhanna geti gert eitthvað. Hún er ekki einráð, en ansi ákveðin. 

[EE (IP-tala skráð) 8.2.2009 kl. 23:20]

Sammála Ara.  Skítt með alla flokka.   Vil kjósa persónur, ekki neina déskotans sjálfþjónandi flokka.

EE elle

[Nökkvi (IP-tala skráð) 8.2.2009 kl. 23:47]

Já, nú ertu heldur betur farinn að taka upp siði Sjálfstæðisflokksins.  Ekki myndi ég vænta mikils þaðan í þínum sporum, betra að hverfa frá með sóma en hanga inni í ósóma ef fram heldur sem horfir í málefnaleysi míns gamla flokks. Hugsaðu þig tvisvar um, ég er eiginlega alveg gáttaður á málflutningi þingmanna Sjálfstæðisflokksins að undanförnu, hafa menn þar ekkert annað til málanna að leggja en að reyna að nota gagnsæja ,,smjörklípuaðferð" og niðurrifs tal á þingi? Það var ekki eftir þessu sem kjósendur voru að kalla. Það vantar nýjan flokk sem ber nafnið sjálfstæði með rentu, hverng væri að velta því fyrir sér Jón, áður en þú hleypur í gamla básinn og dansar eftir lagi fjósakarlsins á hólnum sem neitar að fara heim úr vinnunni af því það er svo gott að halda um valdataumana. Sjálfstæðisflokkurinn er ekki lengur það afl sem hann einu sinni var, því miður.

[Guðrún María Óskarsdóttir., 9.2.2009 kl. 01:28]

Rétt Jón.

kv.Guðrún María.

[Helgi Jóhann Hauksson, 9.2.2009 kl. 02:18]

Var ekki verið að leiðrétta þetta einhversstaðar að meintar mánaðartekjur væru réttar árstekjur - og að engin hlunnindi séu innifalin. Þ.e. rétt tala væri þessi deilt með 12.

- Annars er náttúrlega kristaltært að ríkisstjórnin og þeir flokkar sem hana mynda haf ekki komið nálægt útfærsluatriðum skilanefnda bankanna.

[Óli Jón, 9.2.2009 kl. 08:33]

Það er vert að halda því til haga að þær tekjur sem þingmaðurinn tilgreinir hér að ofan munu vera árslaun, ekki mánaðarlaun, Jóns Ásgeirs fyrir stjórnarsetuna. Þá hefur hann ekki afnot af bíl eða einkaþyrlu í tengslum við hana.

[Gísli Baldvinsson (IP-tala skráð) 9.2.2009 kl. 11:23]

Hafnfirðingarnir Helgi Jóhann og Gunnar Axel segja allt sem segja þarf. Vanhugsaður pistill Jón, nema þú  ætlir þér inngögnu í Sjálfstæðisflokkin.

[joð (IP-tala skráð) 9.2.2009 kl. 13:23]

Að mínu mati skiptir upphæð launanna ekki neinu máli. Aukaatriði.

Það að ráða óvin þjóðarinnar No.1 í einhvern björgunarleiðangur sem hann sjálfur fór fram á að vera þáttakandi í við skilanefnd Landsbankans þegar gengið var frá Baugsmálinu.

Hann setur skilyrði sem örugglega er ekki hugsað til að bjarga einhverju fyrir þjóðina, heldur fyrir sig, ef einhver er svo einfaldur að halda annað.

 Hans stjórnarseta er ekki orðin til vegna erlendra kröfuhafa enda er hann ekki í þeirra umboði, heldur okkar sem eigum Landsbankann.

Fréttin stendur óbreytt á rúv og ég ætla að leyfa mér að trúa þeim frekar en útskýringum Jóns Ásgeirs sem einhverra hluta vegna virðist ekki eiga samleið með sannleikanum.

http://www.ruv.is/heim/frettir/frett/store64/item249815/

[SS (IP-tala skráð) 9.2.2009 kl. 15:51]

Jón Magnússon er launþegi hjá okkur almenningi  er bara reiður pabbi þetta er ekki umræðuvert enda fer Jón að fara af launaskrá hjá okkur, einum kverulantinum færra á þingi.

[joð (IP-tala skráð) 9.2.2009 kl. 17:41]

Ósköp finnst mér lágkúrulegt að fara bland syni Jóns í skrif hans. 

 Er ekkert sem þið treystið ykkur að segja varðandi pistilinn með viti?

 Afturámóti, þá var þessi aðför að syni hans afskaplega ómakleg og ótímabær.  Ekkert nema almannarómur lá fyrir eins og í tilfelli Seðlabankastjóranna.  Engin haldbær gögn eða sannanir.  Þetta er lýðskrum og ekkert annað, og stjórnmál virðast ganga út á það hjá sumum flokkum í dag. 

Það hefði verið nær að styrkja innviði Fjármálaeftirlitisins með mannskap og peningum heldur en að skilja stofnuna eftir án æðsta stjórnanda á jafn viðkvæmum tímum.

Oft virðast stjórnmál ekkert með almenna skynsemi og verkvit að gera, og sérstaklega þessi misserin.

 Feðgana þekki ég ekki neitt og hef aldrei séð nema í fjölmiðlum.

[Númi (IP-tala skráð) 9.2.2009 kl. 23:30]

Jón ertu byrjaður að kjafta þig inn í Sjálfstæðisflokkinn.? Jón gæti það verið að þú sért að fá upplýsingar frá sy-- þínum,nei trúi því varla.

[Dexter Morgan, 10.2.2009 kl. 00:01]

Ætli Jón sé hættur að blogga ?