Stýrivextir lækka í Evrópu ekki á Íslandi. Af hverju?

Seðlabanki Danmerkur hefur lækkað stýrivexti sina niður í 2.25% en stýrivextir Seðlabanka Evrópu eru 1.5%. Hér á landi eru stýrivextir enn á annan tug prósenta. Hvað veldur því að við getum ekki verið í svipuðu vaxtaumhverfi og nágrannaþjóðir okkar

Hvernig eiga íslenskar fjölskyldur að geta staðið undir afborgunum lána og kostnaði við að lifa mannsæmandi lífi meðan vaxtaokrið er svona mikið hér á landi?

Hvernig eiga íslensk fyrirtæki að geta staðið sig í samkeppni þegar þau þurfa að greiða margfaldan lántökukostnað á við erlenda samkeppnisaðila.

Er hægt að byggja upp nýsköpun og arðbæran atvinnurekstur meðan helkuldi vaxtaokursins umlykur viðskiptaumhverfið

Það verður að lækka stýrivexti á Íslandi niður í það sama og er í nágrannalöndum okkar það er fogangsatriði.

Stýrivextir lækka í Danmörku um 0,75 prósentur

Athugasemdir

[Guðmundur Jónsson, 5.3.2009 kl. 21:39]

Á íslandi er enn 17% verðbólga en viðmiðunarlöndin sem þú nefnir eru í 1 og 2%.  það skýrir þennan mun.

20% vextir á framkvæmdaláni í dag hér heima eru 3% raunálag á framkvæmdina því framkvæmdin fylgir jú að jafnaði almennu verðlagi í landinu. Þriggja mánaða verðbólga er nú reyndar meira en helmingi lægri sem ætti að gefa færi á hressilegri lækkun. Ef ég réði í seðlabankanum færi ég í 12%

[Gullvagninn (IP-tala skráð) 5.3.2009 kl. 23:08]

Af hverju háir vextir?  Er það ekki krafa IMF?  Af hverju hefur IMF kverkatak á okkur?  Það er vegna andvaraleysis eða viljandi blindu þinna nýju og gömlu flokksfélaga, er það ekki?