Sjálfstæðisflokkurinn á réttri leið.

Sjálfstæðisflokkurinn er hástökkvari þessarar skoðanakönnunar.  Ég tek skoðanakönnunum alltaf með vara en það sem þær mæla best er hvort fylgi er að aukast eða minnka.  Samkvæmt könnuninni er Sjálfstæðisflokkurin að bæta við sig um 3 prósetn frá síðustu könnun. Það gefur vísbendingu um að Sjálfstæðisflokkurinn sé á réttri leið eftir það fylgishrun sem skoðanakannanir hafa sýnt undanfarna mánuði.

Ég legg áherslu á að Sjálfstæðisflokkurinn byggi sig upp  sem víðsýnan breiðan flokk sem leggur höfuðáherslu á mannúðlega markaðshyggju, einstaklingsframtak og takmörkuð ríkisafskipti.  Með slíka stefnu að leiðarljósi verður Sjálfstæðisflokkurinn langstærsti flokkur þjóðarinnar.

Í kvöld var ég á fundi með Sjálfstæðisfólki í Árbæjarskóla. Það var bæði fjölmennt og góðmennt. Þarna voru allir frambjóðendur flokksin í prófkjörinu í Reykjavík og gerðu grein fyrir sér og stefnumálum sínum við væntanlega kjósendur. Það var virkilega gaman og góð stemmning. Það skiptir öllu máli fyrir Sjálfstæðisflokkinn að vel takist til með að velja sigurstranglegan lista til baráttu þannig að þessi fylgisaukning verði bara byrjunin á enn betri uppskeru þegar talið verður upp úr kjörkössunum í lok apríl.

Sjálfstæðisflokkur með mest fylgi

Athugasemdir

[Jón (IP-tala skráð) 6.3.2009 kl. 02:37]

Sjálfstæðisflokkurinn er sértrúarsöfnuður spilltra veruleikafirrtra landráðamanna sem eru búnir að gera Ísland gjaldþrota.
Að Sjálfstæðisflokkurinn skuli nú bjóða fram til Alþingiskosninga má líkja við að nasistaflokkurinn með Göring í fararbroddi hefði verið í framboði til þýska  ríkisþingsins eftir stríðið.

Það ætti að banna Sjálfstæðisflokkinn með lögum eins og gert var með nasistaflokkinn i Þýskalandi.

 Það er móðgun við Íslensku þjóðina að þessi landráðaflokkur sé vaðandi um á skítugum skónum inn á virðulegu löggjafarþingi Íslenska lýðveldisins.

http://www.mbl.is/mm/frettir/innlent/2009/03/05/hrunin_frjalshyggjutilraun/
http://www.icenews.is/index.php/2008/10/13/richard-portes-analyses-the-shocking-errors-of-icelands-meltdown/

[Jón Ingi Cæsarsson, 6.3.2009 kl. 09:02]

Bara til að minna þig á gamkunnar staðreyndir... Sjálftæðisflokkurinn liggur alltaf 3-5% neðar í kosningum en skoðanakönnunum.

Kannski er hann að taka við sér þegar flóttamennirnir skila sér heim

[Jón Snæbjörnsson, 6.3.2009 kl. 12:50]

Sjálfstæðisflokkurinn er á réttri leið - en munum að þau loforð sem nú eru gefinn verði staðið við - söndum vörð um gömlu gildin Jón - og látum verkin tala, það mun skila sér fljótt til baka