Grýla og þjóðkirkjan

Það er skondin frétt í Morgunblaðinu sem segir frá því að Grýla og Skyrgámur Leppalúðason hafi fært Hjálparstofnun kirkjunnar höfðinglegar gjafir.  Af þessu má ráða að engum er alls varnað.

Grýla og jólasveinarnir þóttu áður  hin mestu illfygli. Þó það hafi breyst með jólasveinana þá hefur Grýla hins vegar haft þann sess fram að þessu að nauðsynlegt væri að vara sig á henni. Nú leitar Grýla greinilega sátta við þjóðkirkjuna. Spurning er hvort að jólaötturinn komi næstur með höfðinglegar gjafir til stofnana þjóðkirkjunnar og sáttaboð við æðri mátt.

Þá er spurning hvort að Grýla, jólasveinarnir og jólakötturinn fái aðgang að helgi kirkjunnar ef svo ber undir fyrir góða hegðun og kristilegt líferni á síðari árum.

http://www.mbl.is/mm/frettir/innlent/2009/11/30/gjafmild_gryla/

Athugasemdir

[Andrés Magnússon, 30.11.2009 kl. 19:45]

Var þetta Skyrgámur J. Leppalúðason?

[Jón Magnússon, 30.11.2009 kl. 23:59]

Já það hvarflaði óneitanlega að mér hvort það hefði verið hann.