Hvar eru mótmælendur nú?

Í fréttum er greint frá því að fjöldi lögreglumanna hafi hlotið alvarleg líkamleg meiðsl eftir óeirðir svonefndra mótmælenda við Alþingishúsið og Stjórnarráðið í fyrra. Skríl eins og þann sem veitti lögreglumönnunum þessi líkamsmeiðsl á að sækja til saka. Yfirstjórn lögreglunnar stóð því miður ekki nægjanlega með sínu fólki þegar óeirðirnar gengu yfir með því að handtaka og láta þá sæta refsiábyrgð sem unnið höfðu til þess.

Áður en átökin urðu hörð höfðu Steingrímur J. Össur og Ögmundur lagt á ráðin um myndun nýrrar ríkisstjórnar. Nú hefur byltingin étið fyrsta barnið sitt Ögmund Jónasson sem rekinn var úr ríkisstjórninni.

Hvernig stóð á því að óeirðirnar fóru gjörsamlega úr böndum eftir samkomulag þremenningana?

Sumir segja að þar hafi óeirðaöflin í VG undir forustu heilbrigðisráðherra og skrímsladeildin í Samfylkingunni undir forustu utanríkisráðherra skipulagt aðför að sitjandi stjórnvöldum til að ná fram samstjórn Vinstri grænna og Samfylkingar.

Nú ári síðar er ástandið alvarlegra en það var í janúar 2008. Ekkert hefur verið gert varðandi skuldavanda heimilanna sem skiptir máli.  Sömu athafnamennirnir sitja við völd í fyrirtækjunum sínum með örfáum undantekningum.  Enginn hefur verið lögsóttur og ríkisstjórnin er ónýt og úrræðalaus.

Samt sem áður mætir óeirðafólkið ekki lengur niður á Austurvöll.  Af hverju ekki? 

Var eina raunverulega markmið skipuleggjenda óeirðanna að fella sitjandi ríkisstjórn og koma á þeirri sem nú situr?

Athugasemdir

[Magnús Geir Guðmundsson, 9.12.2009 kl. 11:57]

Samsæri, samsæri og aftur samsæri!Og svei mér ef það er ekki samsæri líka að þú ert EKKI núverandi þingmaður D?!

[Jón Magnússon, 9.12.2009 kl. 12:05]

Var það eitthvað annað en samsæri Magnús Geir?

[Níels A. Ársælsson., 9.12.2009 kl. 12:57]

Jón Magnússon.

Ég vissi svo sem alltaf að þú ert eitt það ómerkilegasta kvikindi sem fyrir finnst undir sólinni.

Passaðu á þér helvítis túllann og puttana !

[Ferningur, 9.12.2009 kl. 13:12]

Tók það þig heilt ár að fatta þetta?

Ég veit ekki um neinn sem hefur haldið öðru fram en að það hafi verið meginmarkmið mótmælenda að fella sitjandi ríkisstjórn. Enda sat í henni Sjálfstæðisflokkurinn sem bæði ollu hruninu og varðist umbótum í t.d. seðlabankanum þrátt fyrir að sá sem þar sat hafi velt 300 milljörðum á almenning með gjaldþroti seðlabankans. 

Og ástæðan fyrir því að einungis nokkur hundruð manna mæta á mótmæli núna er einfaldlega sú að allir nema þið ríku kvótastrákarnir í sjálfstæðisflokknum sjá fram á ríkisstjórnin er að gera eitthvað fyrir láglaunafólk á kostnað hálaunafólksins og fjármagnseigandanna. Venjulega fólkið hefur það betra.

[Bjöggi (IP-tala skráð) 9.12.2009 kl. 13:48]

Ég mótmælti og mótmælti á sýnum tíma, ég fór ekki að mótmæla vegna þess að Ömmi eða Össi sagði mér það, ég fór að mótmæla af því að mér blöskraði hvernig flokkurinn sem ég kaus á sínum tíma var búin að klúðra öllu sem hægt var að klúðra og virtist ekki ætla að gera neitt í því en að bíða.

Ég hef stundum verið að pæla í því að fara mótmæla aftur, þá aðalega mótmæla stjórnarandstöðunni sem virðist ekki enn búin að fatta hvernig þeir steyptu þjóðinni í gjaldþrot.

Geðveiki eins og þú lætur út úr þér á þessu bloggi held ég að eigi ekki eftir að afla xD meiri vinsælda. Held ég fari frekar alla leið og segi mig úr flokknum, þar sem hann er fullur af ösnum eins og þér. 

[Jón Magnússon, 9.12.2009 kl. 14:06]

Ert þú ekki að gefa þig út fyrir að vilja mannréttindi Níels? Gildir það bara fyrir suma.

[Jón Magnússon, 9.12.2009 kl. 14:09]

Ferningur ég áttaði mig á þessu allan tímann og fylgdist með úr návígi. Í öðru lagi þá voru það bankastjórnendur og milljarðaskuldararnir sem geta ekki greitt lánin sín sem ollu hruninu. Í þriðja lagi þá er ég ekki ríkur og því síður kvótastrákur heldur andstæðingur kvótakerfisins og í fjórða lagi þá hefur engin ríkisstjórn nokkru sinni lækkað laun láglaunafólks jafn mikið að raungildi og þessi ríkisstjórn. Við skulum tala saman í janúar Ferningur og það er ekki eins víst að þú verðir jafn ferkantaður þá.

[Jón Magnússon, 9.12.2009 kl. 14:12]

Bjöggi það verður hver að hafa sína skoðun. Spurningin er ef þú mótmæltir setu Sjálfstæðisflokksins í ríkisstjórn í fyrravetur og vilt fara að mótmæla stjórnarandstöðunni nú hvar finnur þú þá til samstöðu með Sjálfstæðisflokknum? Var hún einhvern tíma fyrir hendi?

[Hjálmtýr V Heiðdal, 9.12.2009 kl. 14:19]

Sæll Jón

Ég tel að þú eigir ekki að eyða meiri tíma í þessar samsærisvangaveltur þínar. Það er ekki þér samboðið að reyna að búa til svona vitlausa heimsmynd.

Þú verður að reikna með að fólkið í landinu geti hugsað sjálfstætt og að birtingarmynd reiðinnar voru þessi mótmæli. Hvorki Össur né Ögmundur hefðu getað skipulagt þessa atburði - þetta er svona einfalt og þú flækir bara sjálfan þig í endalausa vitleysu ef þú ert alvarlega að hugsa á þessum brautum.

Með bestu kveðju.

Hjálmtýr

[Jón Magnússon, 9.12.2009 kl. 14:57]

Margir husgsa sjálfstætt Hjálmtýr og þú ert einn af þeim og ert sannur í því sem þú gerir eftir því sem ég þekki best. Þó við höfum ekki verið sammála í pólitík í gegn um tíðina þá hef ég alltaf virt það með hvað hætti þú setur skoðanir þínar fram. Ég tel mig ekki vera að flækja málið.

[Héðinn Björnsson, 9.12.2009 kl. 15:01]

Sem einn af þeim sem árangurlaust reyndi allt sem ég gat til að fá VG til að taka þátt í búsáhaldabyltingunni og veita henni liðsinni sitt í stað þess að horfa bara á hana úr fjarska get ég alveg aflífað þessa samsæriskenningu ykkar sjallana. Sannleikurinn er sá að deilur um hversu hart ætti að ganga fram milli appelsínugula liðsins og svartálfanna gerði það að verkum að búsáhaldabyltingin missti stuðning anarkistanna sem voru þeir sem gengu harðast fram. Fyrir vikið eru mótmælin í dag kraftminni en þau voru í fyrra.

[Halldór Carlsson (IP-tala skráð) 9.12.2009 kl. 15:11]

- þú vissir kannski ekki af því en áður en átökin urðu hörð, höfðu seðlabankastjóri, forsætis- og utanríkisráðherra sýnt íslenskum almenningi fullkominn hroka í langan tíma.

- þú tókst kannski eftir því, en áður en átökin brutust út, höfðu hrannast upp sífellt fleiri fréttir um hreint peningaþvætti, fjársvik, pókerspil auðmanna með peninga sem þeir stálu frá ísl. þjóðinni.

- finnst þér í alvöru hægt að bera örvæntingarfullar björgunartilraunir  Steingríms og Jóhönnu saman við þessa skipulögðu glæpi, sem voru verndaðar og með fullri vitund æðstu yfirvalda?

- nú er rannsókn í gangi sem enn er ekki lokið. stundum segir maður nú eiginlega því miður, en hér er réttarkerfið þannig að erfitt er að bara grípa fólk án tiltekins undanfara. en ég er sammála þér að því leyti að þetta er ámælisvert.

en það er ekki hægt að bera þetta saman við óhæfuverk fyrri stjórnar. 

- erlendir kröfuhafar eru að eignast bankana. og viltu láta hirða öll stærstu fyrirtækin af eigendum sínum án þess að hugsa fyrst? þjóðnýta öll stærstu fyrirtækin?

- hvað á að gera meir í að bjarga heimilunum, afnema verðtryggingu, er það lausn?

segðu mér hvernig á að gera það hraðar.

ein helsta ástæða þess að það gengur ekki hraðar, eru drullupyttir eins og IceSave sem sjúga alla orkuna. glæpir fyrri ríkisstjórnar eru ólíkt ógeðfelldari en seinagangur þessarar ríkisstjórnar. 

- Ögmundur Jónasson á heiður skilinn fyrir staðfestu sína og trygglyndi við eigin skoðanir, ólíkt glæpamönnunum sem hér réðu öllu. tek ofan hatt minn f. honum hvenær sem er. og, bíddu, útskýrðu, hver rak hann? 

- ,,eina raunverulega markmið skipuleggjenda óeirðanna"?

ég var þarna. það var enginn sem skipulagði óeirðirnar. þær spruttu af sívaxandi gremju fjölda íslendinga fyrst og fremst vegna valdhroka glæpamannanna í fyrri stjórn - glæpamanna sem ég er sammála þér um að ættu að sitja inni ásamt vinum sínum, sérstaklega Davíð Oddsson, Kjartan Gunnarsson og Björgólfur vinur þeirra líka.  

- óeirðaöflin í Vg? útskýrðu, á það að vera Hörður Torfason? eða ertu að tala um ungliðahreyfingu Vg?  ertu að reyna að segja að Vg hafi skipulagt þessi uppþot? hlægilegt. þau voru sjálfssprottin, og eins og sagan mun dæma um, merkilegt skref í átt að beinu lýðræði:

ÞAÐ VAR EKKERT ANNAÐ HÆGT. KRÖFUR ÍSL. ALMENNINGS, MA. UM KOSNINGAR, VORU TREKK Í TREKK ALGERLEGA HUNDSAÐAR.

síðast en ekki síst: 

- þú hefur kannski ekki lesið blöðin, en síðustu helgar hafa verið kröftug mótmæli í miðbæ Rvíkur.

kíktu við á laugardaginn kl. 3.  leggðu þinn skerf til, í stað þess að væla.

og ekki ráðast á slökkviliðið.  

[Gústaf Níelsson, 9.12.2009 kl. 15:33]

Það blasir við öllum sem sjá vilja að mótmælin og síendurteknar árásir skíls á lögreglu og alþingi í fyrravetur voru skipulagðar af kommúnistum í bæði Sf og Vg. Árangurinn lét ekki á sér standa, en niðurstaðan er skelfileg fyrir land og þjóð. Það er enginn tilviljun að sami lýður leggur ekki til atlögu nú.

Það er auðvitað með ólíkindum að skríll skuli brjóta upp hurðir á lögreglustöð og ógna lífi og limum lögreglumanna, en enginn er ákærður þótt athæfið varði við lög og sé refsivert. Þetta sýnir rolugang bæði lögreglu og ákæruvalds, sem þorir ekki að leggja til atlögu við pólitíska ofstækismenn af ótta við viðbrögðin.

Orðbragðið á þessum manni Níelsi A. Ársælssyni bendir til þess að uppeldið á honum hafi alveg farið forgörðum. Svona menn köllum við dóna uppá gamlan móð.

[Guðrún (IP-tala skráð) 9.12.2009 kl. 16:17]

Mér sýnist ekki vanþörf á aðhlynningu fyrir bloggarann Níels!

Af orðfæri mannsins að dæma er hann á barmi ..... taugaáfalls

ef ekki algjörlega sligaður að geðheilbrigði. 

[Jón Magnússon, 9.12.2009 kl. 16:51]

Héðinn sem betur fer kom viti borið fólk að þessum mótmælum og þeir appelsínugulu voru til mikils sóma og eftir að þeir komu til sögunar þá breyttist yfirbragð mótmælanna mikið. En hverjir stjórnuðu þeim sem þú kallar þá svörtu? 

Mér finnst  nauðsynlegt að fólk mótmæli en það má aldrei gera það með því að valda eignatjóni og líkamsmeiðingum. Þá fara mótmæli út fyrir eðlileg mörk. Erum við ekki sammála um það Héðinn.

[Jón Magnússon, 9.12.2009 kl. 16:57]

Ef að þeir glæpir voru í gangi sem þú talar um Halldór af hverju mótmælti fólk þá ekki gagnvart þeim sem glæpina frömdu. Hroki er ekki glæpur þó hann geti verið hvimleiður. Svo verð ég að segja það Halldór að ég er óánægður með það hvaða tökum þau Jóhanna og Streingrímur hafa tekið á málum mér finnast það vera lausatök gagnvart þeim sem bankahrunið er um að kenna.

Ég hef barist fyrir afnámi verðtryggingar í mörg ár meir en áratug Halldór ég tel að það bjargi heimilunum í landinu að afnema hana. Það þarf líka að lagfæra gengislánin þannig að þau hækki ekki upp fyrir eðlileg veðmörk.

Svo væli ég ekki Halldór en þó þú hafir ekki vitað af skipulagningu og þeim undirróðri sem ég tala um þá veit ég af honum. Ég veit líka að það var mikið af ágætisfólki sem  mótmælti á málefnalegum grunni. Þú ert vonandi einn af þeim. Það er hægt að bera virðingu fyrir slíku fólki.

[Sigurður Þórðarson, 9.12.2009 kl. 16:59]

Athyglisverður pistill og ég hef velt þessu sama fyrir mér.

Hægrimenn eiga sér litla mótmælahefð. Þess vegna, svo undarlega sem það hljómar,  heldur hafa "vinstri stjórn" en "hægri stjórn" til að tryggja vinnufrið og tempra mótmæli, þó "stjórnvöld"  framkvæmi í raun það sama og IMF leggur fyrir í stórum dráttum hverju sinni.

Hitt málið er tvíhyggjan sem fylgir flokkshollustunni, "allt gott kemur frá oss en hið illa frá andstæðingunum". Sama fólkið sem minnist þess með stolti að Jóhanna hafi talað í 10 tíma þó það viti ekki um hvað hún talaði hneykslast  á málþófi sjáfstæðimanna um Æsseif. Þó það hafi sjálf verið á móti Æsseif meðan flokksvindarnir blésu þannig. Skemmst er að minnast þess þegar Vinstri græn héldu uppi málþófi um það sem þau kölluðu takmörkun málfrelsis minnihlutans. Nú beitti minnihlutinn þessu "takmarkaða málfrelsi" og þá var það kölluð gísling. 

[Jón Magnússon, 9.12.2009 kl. 17:00]

Gústaf hún mamma þín hefði heldur betur látið þig heyra það jafnvel núna ef þú talaðir eins og Níels. En mér fannst eðlilegt að birta athugasemdina hans þó ég birti almennt ekki dónaskap og takmarki þess vegna aðgang að síðunni við samþykki. En fólk hefur gott af því að sjá hvað er í gangi.

Svona orðbragð máttu þingmenn þola í fyrravetur aftur og aftur.

[Jón Magnússon, 9.12.2009 kl. 17:01]

Guðrún ég ætla ekki að dæma um hann að einu eða neinu leyti en vona að Níels sé ungur maður sem eigi eftir að læra almenna kurteisi og mannasiði. Hans sjálfs og umhverfis hans vegna.

[Ómar Sigurðsson (IP-tala skráð) 9.12.2009 kl. 17:14]

Sæll Jón og takk fyrir ágæta grein. Þó allir viti þetta er nauðsynlegt að rifja þetta reglulega upp. Málið er það að Vinstri Grænir eru ekkert öðruvísi en kommar annarstaðar, ofbeldi er þeim eðlislægt, og þeir bera ábyrgð á óeirðunum og skemdunum á Alþingishúsinu á sínum tíma. En þeir eru líka samkvæmir sjálfum sér í því að þeir greiða ekki sjálfir fyrir skemdirnar sem þeir ullu heldur senda þeir reikningin á almenning. Það er nefnilega hægt að þekkja vinstri menn frá öðrum á því að þeir nota alltaf vasa annara.

[Einar Björn Bjarnason, 9.12.2009 kl. 18:56]

Jón - langt síðan við höfum skipst á orðum, en þ.s. ég lít reglulega á vefsíðuna AMX.is þá varð mér litið á þinn síðasta pistil þar: Pistil ,  og ég get ekki orða bundis.

Æðstu prestar þessarar pólitísku rétthugsunar hafna rökum og sjónarmiðum efasemdamanna.

Fyrsta lagi, sjálfur var ég áður fullur efasemda, en er ekki lengur.

"Hvað olli því að loftslag breyttist á jörðinni án þess að nokkur maður eða kona væru til."

Ekki nokkur maður, heldur því fram, að ekki séu til staðar náttúrulegar sveiflur. Það að benda á, að náttúrulegar sveiflur verða öðru hvoru, og íja að þvi að það sé með einhverjum hætti afsönnun þess að mannleg hlínun eigi sér stað er svipuð rökleysa eins og að halda því fram sú staðreynd að það verði árekstrar á hverjum degi, sanni að ef ég lendi í árekstri þá sé það ekki mér að kenna. Setning þín, er setning af þvú tagi sem ég kalla "dis-ingenious." Þ.e. gamla trikkið, að afbaka þær skoðanir, sem viðkomandi er á móti, og síðan hafna þeirri afbökun. 

" Loftslag og veðurfar er alltaf breytilegt án þess að maðurinn hafi með það að gera."

Ef menn koma með mjög góðar sannanir fyrir því, að áreksturinn sé mér að kenna, þá þíðir það ekki fyrir mig, að benda á að árekstrar eigi sér stað stöðugt. Það að árekstrar eigi sér stað stöðugt, þíðir ekki að áreksturinn geti ekki verið mér að kenna. Reyndar, er ekkert rökrænt samhengi þarna á milli. Sama, á við um þá rökleysu, er þú tínir saman.

"Hvernig stendur á því að sjávarborð var mun hærra 7 þúsund árum fyrir Krist en það er nú?"

Það eina sem mér dettur í hug, að þú vitir af því, að sjór stóð hér á landi hærra, um nokkra hríð eftir Ísöld. En, ef þú lest örlítið í jarðfræði, t.d. bókina úr MR, eða flettir því upp á netinu; þá kemstu að því að sjálft landið, hafði sigið út af farginu sem jöklarnir er þöktu nær allt Ísland, höfðu orsakað - og að landið reis hægar en sjávarborðið. Síðan hélt landið áfram að rísa, og - en sjávarborðið lækkaði ekki á Jörðinni, það var sjálft landið sem reis.

"Sé hitastig síðustu aldar og þeirra ára sem liðin eru af þessari öld skoðað þá kemur í ljós að það var hnattræn hlýnun á árunum 1920-1940 eftir það varð kólnun á milli 1940 og 1975 en frá þeim tíma hefur loftslag farið hlýnandi. Þannig hefur hlýnunarskeiðið nú staðið álíka lengi og kólnunarskeiðið milli 1940 og 1975."

Ef þú skoðar þessa mynd, sem er samantekt á hnattrænum hitamælingum, þá hefur verið samfelld hitun í gangi síðan um eftir 1910, og nær ekki hinn stutti kólnunaratburður sem þú nefnir, að breyta því.

En, þetta er þekkt, að skammtímasveiflur, verða oft innan lengri tíma sveiflu.

Sbr. að ef þú myndir skoða, mynd er sýndi hagþróun af Íslandi frá árinu 1910, þá væri hún að meðaltali upp-á-við, en með inn á milli dölum. Þeir dalir, afsanna með engum móti, að hér hafi verið samfelld stór hagsveifla upp-á-við. 

Þarna, set ég þína röksemd, inn í annað samhengi, til að sýna fram á. að hún sé rökleysa.

"Hlýjasta ár sem mælst hefur er árið 1998 og árið 2006 var kaldara en árið 2005 og árið 2007 var kaldara en árið 2006 og árið 2008 var kaldara en árið 2007. Þannig hefur ekki verið um aukningu á hnattrænni hlýnun frá árinu 2005"

Ekki veit ég hvaðan, þú hefur þetta. En, skv. nýlegri skýrslu, er var í fjölmiðlum fyrir viku:

"The first decade of this century is "by far" the warmest since instrumental records began, say the UK Met Office and World Meteorological Organization."

"Their analyses also show that 2009 will almost certainly be the fifth warmest in the 160-year record."

Þ.e. enginn vafi á, að í gangi er hnattræn hlínun, sem útblástur gróðurhúsalofttegunda af mannavöldum, hefur og er stórlega að auka á.

En, aftur á móti, hvað akkúrat sé skynsamt að gera, það er vert umræðuefni, en hitt er þó hafið yfir allann vafa, hvort atburðurinn er í gangi, eða ekki.

Kv.

[Sigurður Sigurðsson, 9.12.2009 kl. 20:11]

Ég lét mér detta í hug hvort ekki væri eðlilegt að fara út í ráðherrahorn og handsama Álfheiði Ingadóttur - sem nú hefur sannast að stjórnaði einhverjum mótmælunum úr síma - úr sjálfu þinghúsinu ????

En taktu ekki nærri þér bullið í Níels - hann getur nú varla verið fermdur, greyið !!!

[Theódór Norðkvist, 9.12.2009 kl. 22:10]

Ég styð það að lögsækja þá sem ollu tjóni í mótmælunum eftir að báðir síðustu fyrrverandi formenn þínir og núverandi varaformaður verði sóttir til saka fyrir alvarlega vanrækslu og afglöp í embættum sem hafa kostað þjóðarbúið fleiri hundruð milljarða.

Nokkrar brotnar rúður og bein í lögreglumönnum eru smámunir við hliðina á tjóninu sem yfirskríllinn í Sjálfstæðisflokknum olli.

Þannig á forgangsröðin að vera.

[Pétur Kristinsson, 9.12.2009 kl. 22:48]

Í svari þínu til Halldórs segir þú að fólk hafi átt að mótmæla þeim sem glæpina frömdu en ekki þeim sem voru við stjórn. Málið er bara það að eftir því sem frá líður frá hruninu að þá kemur betur og betur í ljós að þeir sem voru við stjórn vissu vel af því sem í vændum var og gerðu ekki neitt. Það er þess vegna sem fólkið var að mótmæla. Þess vegna var þessi reiði gagnvart alþingi en ekki einhverjum kjánum sem voru að maka króka sína meðan að alþingi og eftirlitsstofnanirnar sváfu.

Af því að rætt er um samsæri að þá er hér ein samsæriskenning. Kannski voru stjórnendur bankanna með ráðherra og þingmenn á spena svo horft væri framhjá landráðum þeirra. Það er svo sannarlega rannsóknarefni. Kannski skýrir það tregðu þingmanna sjálfstæðisflokksins að opna sín bókhöld og skýrir það líka af hverju sjálfstæðisflokkurinn vill ekki hafa sitt bókhald uppi við. En þetta er náttúrulega bara samsæriskenning.

Ég vil taka það fram að ég er fyrrum sjálfstæðismaður en er ennþá þrátt fyrir strand kapítalismans á heimsvísu hægri maður. Menn þurfa bara að viðurkenna það að algert frelsi í viðskiptum er eitthvað sem menn þurfa horfa á með öðrum augum í framtíðinni. Mannskepnan er kannski ekki nógu þroskuð til þess að geta farið með þessi miklu völd sem peningar gefa henni. Þangað til verðum við að hanna annað viðskiptamódel.

[Þráinn Kristinsson (IP-tala skráð) 9.12.2009 kl. 23:06]

Varla er til alvarlegri glæpur gegn lýðræðislegum undirstöðum samfélagsins en sá sem þessir tveir þjóðkjörnu fulltrúar eru hér sakaðir um. Næsta skref er að finna sönnunargögnin.

Er ekki best að snúa sér til Ríkislögreglustjórans og krefjast þess að hann taki af eigin frumkvæði upp rannsókn á þessu máli og kalli þessa meintu landráðamenn inn til yfirheyrslu? Ef þeir eru sekir þá ætti að vera auðvelt að negla þá - að mínu mati eru þetta amatörar sem ekki kunna að fela fingraför sín eins og sumir ónefndir ritstjórar orða það og svo nota báðir þessi meintu þrjótar tölvupóst og sem, eins og fyrrverandi Seðlabankastjóri og Forsætisráðherra kenndi okkur, skilur eftir spor sem erfitt er að afmá

Enginn er betur fallinn en þú til að þrýsta þessu máli í gegn hjá Ríkislögreglustjóra og í fjölmiðlum en þú Jón Magnússon, sem í krafti þeirrar virðingar sem þú hefur áunnið þér sem traustur og farsæll málafærslumaðu á efsta dómsstig landsins og ekki síður sem traustur talsmaður hagsmuna almennings gegn sérhagsmunaklíkum í stjórnmála og viðskiptalífi íslands.

[Jón Magnússon, 9.12.2009 kl. 23:20]

Þakka þér fyrir góðar hugleiðingar Sigurður ég er alveg sammála þér.

[Jón Magnússon, 9.12.2009 kl. 23:22]

Ómar það eru til margar sögur af því með hvaða hætti ríkishyggjufólkið lætur borga fyrir sig ef það kemst í álnir. Var ekki ráðherrabíll Álfheiðar heilbrigðisráðherra annars dýrastur samkvæmt fréttum Stöðvar 2 í kvöld?

[Jón Magnússon, 9.12.2009 kl. 23:23]

Sigurður Það verður hver að bera ábyrgð á sínum orðum hvort heldur það er Níels eða ég.

[Jón Magnússon, 9.12.2009 kl. 23:32]

Pétur þessi sérkennilega söguskoðun þín styðst ekki við staðreyndir.  En með sama hætti má spyrja gildir þá ekki það sama í þeim löndum þar sem bankahrun var eða því forðað með gríðarlegri innspýtingu á peningum skattgreiðenda eins og í Bretlandi, Bandaríkjunum og Írlandi? Samkvæmt frétt í Financial Times eru þær þjóðir skuldugri en við þegar vegnar eru skuldir fyrir nef hvert  í hverju landi.

Að sjálfsögðu voru það ekki stjórnmálamenn eða embættismenn sem ollu bankahruninu. Var það e.t.v. Davíð að kenna eða Geir Haarde að Jón Ásgeir og fyrirtæki hans fengu yfir 1000 milljarða að láni í hrundu bönkunum og getur ekki borgað krónu af því? Að sjálfsögðu er það ekki þeim að kenna heldur ábyrgðarlausum lánveitingum bankanna. Eftir því sem staðreyndir hafa komið í ljós þá liggur betur og betur fyrir að ábyrgðin var öll ábyrgðarlausra bankamanna og fjárfesta sem fengu lánað án eðlilegra ábyrgða.

Svo er það þannig Pétur að ég hef aldrei verið talsmaður algers frelsis í viðskiptum heldur talað um nauðsyn þess að hafa eftirlit með því að frelsið virki. Þar liggur meginágreiningur minn við Hannes Hólmstein svo dæmi sé tekið.  Hitt er annað að það er merkilegt að hrunbarónarnir hafa tekið höndum saman við vinstri öflin í landinu við að búa til þá söguskoðun að hrunið sé stjórnmálaflokki, ráðerrum og embættismönnum að kenna. En þannig er það ekki og það er hvergi í heiminum annarsstaðar en hér sem svona umræða er í gangi þrátt fyrir að sambærilegir hlutir hafi gerst.  Gæti það verið vegna þeirrar sterku stöðu sem hrunbarón nr. 1 og vinstri menn hafa á íslenskum fjölmiðlum? Ég hef stundum velt því fyrir mér. Ekki stóð á því að ríkisútvarpið eða Stöð 2 væru komin á undan mótmælendum á staðina þar sem þeir ætluðu að mótmæla í fyrravetur. 

[Jón Magnússon, 9.12.2009 kl. 23:37]

Hvað varðar fyrri málsgreinina hjá þér Þráinn þá er ég þér sammála. Hins vegar hefur engin verið sóttur til saka vegna þessara mála en það eru lögreglumenn við skyldustörf sem bera ævilöng örkuml eftir þetta eins og sagt var frá í fréttum í morgun.

Ég vil benda þér á ummæli formanns lögreglufélagsins í kvöld Þráinn og grein lögreglumanns í Morgunblaðinu á þriðjudaginn. Kynntu þér hvað þessir menn höfðu að segja.

Svo hef ég aldrei verið í því að handtaka fólk eða verið handhafi ákæruvalds. Við eigum mikinn fjölda hæfra einstaklinga til þess.

Þakka þér fyrir lokaummælin Þráinn. Ég hef fullan hug á því að halda því áfram að berjast gegn sérhagsmununum hvort heldur er í stjórnmálum, viðskiptum eða annarsstaðar.

[Ómar Ragnarsson, 10.12.2009 kl. 05:17]

Ég hygg að ég tali fyrir munn þúsunda fólks, sem fór vikulega niður á Austurvöll til að túlka það sem kom fram í skoðanakönnunum þessa tíma að ríkisstjórn, eftirlitsstofnanir og seðlabankastjórn voru rúin trausti þjóðarinnar,- þegar ég segi við getum ekki séð að við höfum gert rangt með því og þaðan af síður tekið þátt í skipulegu samsæri.

Upp er komið gamalkunnugt samsærisstef frá því fyrir hálfri öld þar sem allir þeir, sem ekki játuðust skilyrðislaust rétttrúnað hægri manna, voru stimplaðir kommúnistar.

Á þeim tíma var ég fylgjandi veru okkar í NATÓ og hef verið það æ síðan, en ég hef aldrei samþykkt að það hafi verið og sé rétt að fara í það "steingelda þras" sem Nóbelskáldið lýsti í frægum sjónvarpsþætti og ég blogga um á eyjunni einmitt í dag.

Er ekki hægt að lyfta þessu upp á örlítið hærra plan?

[Jón Magnússon, 10.12.2009 kl. 09:05]

Þakka þér fyrir góða færslu Ómar. En við skulum aðeins rifja upp. Í nóvember og fyrri hluta desember voru skipulögð mótmæli sem voru almennt mótmælendum til sóma og það er alveg rétt hjá þér varðandi skoðanakönnunina og segir í raun það sama og ég hef áður bent á varðandi þá furðulegu umræðu og skoðanamótun sem varð hér strax eftir hrun þar sem stjórnmálamönnum og embættismönnum var kennt um hrunið en ekki þeim sem ollu því. En þannig var það og því er rétt lýst hjá þér. 

Það var engin að gera rangt á þeim tíma og ég held því ekki fram í minni færslu heldur þveröfugt. Ég segi að á ákveðnum tímapúnkti hafi þetta farið að fara úr böndum. Það gerist í lok desember en síðan sérstaklega eftir að Alþingi kom saman í janúar. Það er þessi tímaviðmiðun sem ég bendi á. Eftir það kom allt annað yfirbragð yfir mótmælin enda varst þú þar ekki lengur nærri eða Jón Baldvin, Kolfinna og þúsundir annarra sem höfðu nýtt sér eðlilegan lýðræðisbundinn rétt til að mótmæla.

Hvað breyttist? Það er einmitt það sem ég er að spyrja að í færslunni minni.

Ég tel að þú sért að vísa til óeirðanna á Austurvelli v inngöngu í NATO á miðri síðustu öld. Þá voru línur mikið skýrari og alveg ljóst hverjir skipulögðu og stóðu að þeim óeirðum og árás á lögreglu.  Það þurfti ekki að stimpla neitt. Lögregla handtók óeirðarseggi og það liggur alveg fyrir hverjir það voru og hvaða stjórnmálaskoðanir þetta fólk aðhylltist.

Ég vildi svo gjarnan að stjórnmálaumræður væru á hærra plani og tel mig hafa lagt mitt til í því efni. En ég spyr þig Ómar finnst þér Steingrímur J. Sigfússon hafa lagt sérstakt að mörkum í því sambandi þann tíma sem hann var í stjórnarandstöðu á þingi svo dæmi sé nefnt. 

[Einar Björn Bjarnason, 10.12.2009 kl. 19:05]

Jón - ég blanda mér smá, í þessa umræðu.

"En við skulum aðeins rifja upp. Í nóvember og fyrri hluta desember voru skipulögð mótmæli sem voru almennt mótmælendum til sóma og það er alveg rétt hjá þér varðandi skoðanakönnunina og segir í raun það sama og ég hef áður bent á varðandi þá furðulegu umræðu og skoðanamótun sem varð hér strax eftir hrun þar sem stjórnmálamönnum og embættismönnum var kennt um hrunið en ekki þeim sem ollu því. En þannig var það og því er rétt lýst hjá þér."

1)

Þ.e. einfaldlega lýðræðislegur réttur fólks að mótmæla, og þar með talið, með það í bakgrunni að vilja steypa ríkisstjórn, er það áður kaus.

Þ.e. einnig, ekkert rangt við það, í sjálfu sér, að skipuleggja mótmæli, sem hafa það vísvitandi, að markmiði, að steypa löglega kjörinni ríkisstjórn.

Þarna, vísa ég til hugmyndarinnar um "social contract" - annars vegar - og - hins vegar - til þess réttar, að skipta um skoðun.

2)

Þú leiðir algerlega hjá þér, að þeir embættismenn og stjórnmálamenn, þ.e. nánar tiltekið, þær ákvarðanir er þeir höfðu framkvæmt - árin og mánuðina fyrir hrun, áttu hlut í því að hrunið átti sér stað.

Þ.e. einfaldlega rangt, hjá hægri mönnum í Sjálfstæðisflokknum, að hrunið hafi ekki að neinu leiti, verið þeim einstaklingum sem þú leitast til við að verja, að kenna.

Við getum deilt um, hvernig bera að skipa sök.

T.d. 30/70 - er ein skipting, er kæmi til greina, þ.e. þeir aðilar, 30% en eigendur bankanna, 70%.

------------------------------

Þ.e. flókið mál, að refsa eigendum bankanna, getur tekið mörg ár.

Á hinn bóginn, var miklu mun einfaldara í framkvæmd, að refsa þessum tilteknu stjórnmálamönnum og embættismönnum.

Og, sjálfsagður réttur fólksins, að hrinda því í framkvæmd.

Því, jafnvel þó þeir væru ekki endilega sekastir, þá voru þeir samt seki, og það var alveg fullnægjandi réttlæting.

-------------------------------

 Ég vísa á bug, því að hegðun tiltekinna þingmanna, er tóku þátt í mótmæla-aðgerðum, hafi verið syðferðislega röng - svo fremi að þeir hafi ekki beinlínis tekið þátt í, eða hvatt til, ofbeldis.

Þátttaka í mótmælum, er einnig þeirra réttur.

Mótmæli eiga þó, að vera án ofbeldis.

Grjótkastið, er átti sér stað á köflum, var rangt. En, það að berja í potta og pönnur, að vera með háreysti, að fjölmenna og lísa yfir andstöðu; það allt var réttlætanlegt.

Kv.

[Haraldur Rafn Ingvason, 10.12.2009 kl. 19:07]

"Hvað breyttist?" er spurt!

Það sem breyttist var það að mikill fjöldi fólks fékk nóg. Það var búið að mótmæla af krafti í 15 vikur án þess að nokkur sýnilegur árangur væri af því.

Óeirðafólkið sem þú lýsir eftir í færslu þinni gæti farið að láta á sér bera fljótlega á næsta ári ef almenn óánægja nær brotþoli hinnar ótrúlegu þolinmæði sem einkennir landsmenn.

Fók er einfaldlega ekki búið að fá nóg - ennþá...

Færsla sem ég skrifaði á þessum tíma - ef einhver hefur áhuga...

[Haraldur Davíðsson, 10.12.2009 kl. 23:11]

Ég get samþykkt að pólitískt skipuð yfirstjórn Lögreglunnar stóð sig engan veginn í stykkinu í gegnum hina svokölluðu byltingu ( þar sem almúginn var friðaður með því að setja D il hliðar....), að yfirstjórn lögreglu leyfi það að lögregla sé notuð til að verja þá sem arðræna lögregluþjóna, er svívirðileg misnotkun á fólki, sem og almannaþjónustu.

Hvað varðar samsæriskenningar þínar, get ég sem þátttakandi, fullyrt að þú hefur rangt fyrir þér. Semi-pólitísk samtök anarkista tóku skipulagðan þátt, en að hinir elskuðu flokkar þínir hafi átt þarna inni nokkurn heiður, er fjarstæða og fals!

Þú ættir, viljir þú eiga inni virðingu hugsandi fólks en ekki bara þeirra sem kjósa "af því bara"...að sýna því virðingu og hugsa eilítið um það, að það voru aðeins flokkaskrýmslin sem sögðu að D væri eina vandamálið...við sem létum lögregluna brjóta í okkur tennur,og bein, ( og hvernig kærir maður grímuklæddan stríðslögreglumann, sem ber hvorki nafn né númer? Og þá ekki síst með tilliti til þess að þá skal kæra til framkvæmdavaldsins)?...við vildum flokkakerfið sjálft til hliðar...en sjálfumgleði avinnupólitíkusanna okkar er öllu yfirsterkari......svo ég mæli með því að lögregluþjónar sýni hverra þjónar þeir eru, og neiti að vera verkfæri þeirra pólitísku afla (og peninga) sem settu yfirmenn þeirra til valda.

Og að sjálfsögðu mælist ég til um að gerist átakalaust, ofbeldislaust og ábyrgðarfullt.

[Einar Björn Bjarnason, 10.12.2009 kl. 23:51]

Þá það Jón.

Athugasemdin mín, um skoðun þína á málum lofthjúpsins, er kominn inn sem færsla:

http://einarbb.blog.is/blog/einarbb/entry/991143

Þér er boðið, að gera athugasemdir.

Kv.

[Halldór Jónsson, 11.12.2009 kl. 01:34]

Hverjir fjármögnuðu Hörð Torfa, þrýstiloftið á kút Sturlu og öskrin í Hallgrími Helga, hátalarana og allt í kringum það. Ég held að það hafi ekki gerst af engu.

[Jón Magnússon, 12.12.2009 kl. 11:44]

Haraldur. Mahatma Ghandi beitti friðsamlegum mótmælum svo árum skipti og hafði sigur. Þú ættir að kynna þér sjónarmið hans.  Ég er mjög hrifin af hans sjónarmiðum.

[Jón Magnússon, 12.12.2009 kl. 11:46]

Þetta eru athygliverðar skoðanir Haraldur þó ég átti mig ekki á upphafi þeirar né enda en geri mér grein fyrir að næðu þær fram að ganga þú mundu þær leiða til stjórnlauss þjóðfélags.

[Jón Magnússon, 12.12.2009 kl. 11:47]

Að sjálfsögðu ekki Halldór. Það liggja fyrir upplýsingar um margt í því sambandi.

[Jón Magnússon, 12.12.2009 kl. 11:47]

Þakka þér fyrir Einar ég mun snúa mér að henni næst.