Er vont að afla heilsufarsupplýsinga um útlendinga?

Fyrir rúmu ári bentu þingmenn Frjálslynda flokksins á mikilvægi þess að þeir sem hingað flytjast til lengri dvalar yrði gert skylt að afhenda heilsufarsupplýsingar og m.a. yrði skoðað hvort viðkomandi væri berklasmitaður. Þetta varð til þess að þáverandi heilbrigðisráðherra réðist með offorsi á Magnús Þór Hafsteinsson varaformann Frjálslynda flokksins þannig að hann varð að bera af sér sakir. Geir Haarde sagði eftir útúrsnúna frétt í Morgunblaðinu að Frjálslyndi flokkurinn væri vart samstarfshæfur og þáverandi félagi í svonefndu Kaffibandalagi Steingrímur J. Sigfússon taldi spurningu um hvort flokkur sem hefði þessa stefnu væri samstarfshæfur.

Nú er liðið um ár frá því að við Frjálslynd bentum á þetta. Íslensk yfirvöld hafa ekkert gert til að tryggja hagsmuni íslenskra borgara með því að afla nauðsynlegra upplýsinga og efla eftirlit með þeim sem hingað koma. Hvaða hagsmuni er verið að vernda með því. Ekki íslenskra borgara og ekki heldur útlendinganna.

Er það ekki komið í ljós að við Frjálslynd höfðum rét fyrir okkur og það hefði verið til að auka öryggi, velferð og heilsu fólksins í landinu hvort heldur innfæddra eða þeirra sem hingað koma hefi verið farið að tillögum okkar Frjálslyndra.  Á ekki að láta þá stjórnmálamenn sem stóðu gegn tillögum okkar Frjálslyndra bera pólitíska ábyrgð á glapræðisstefnu sinni gagnvart almenningi í landinu.

Íbúðalán í Evrum? Hvað með önnur lán?

Í 24 stundum er sagt frá því í dag að fyrirtækið Sparnaður ehf. hyggist bjóða lán í Evrum á sömu kjörum og gerist í Evrópulöndunum þ.e. lægri vöxtum en af íslensku lánunum auk þess sem að Evrulánin yrðu án verðtryggingar. Vonandi er Sparnaður ehf. þannig fyrirtæki að það hafi burði til að annast þessa fyrirgreiðslu því að það er löngu kominn tími til að almenningur í landinu eigi þess kost að taka langtímalán á sömu kjörum og fólk í nágrannalöndum okkar.

Sama dag er sagt frá því að yfirdráttarskuldir heimilanna hafi aldrei verið hærri. Sagt er að þær séu nú 70 milljarðar. Vextir af þessum lánum eru allt að 24.45%. Þessir vextir eru svo háir að venjulegt fólk sem lendir í því að hafa há yfirdráttarlán getur aldrei staðið undir þessum vöxtum. Vonandi verður hægt að bjóða almenningi líka skammtímalán á sömu vöxtum og kjörum og í nágrannalöndum okkar. Þessi vaxtataka af yfirdráttarlánum er umfram allt velsæmi í landi þar sem verðbólga er jafn lítil og hér.

Jafnstaða kynjana skiptir máli.

Velmegun á Íslandi hefur ekki hvað síst byggst á því að hér hefur lengi þótt sjálfsagt að konur jafnt sem karlar gengju í öll algeng störf. Alþjóðlegar kannanir sýna að þeim mun meiri sem atvinnuþáttaka kvenna er þeim mun meiri velmegun. Sérstaða íslensku háskólanna held ég samt sem áður að sé ekki mikil þó að konur stjórni stærstu háskólum landsins. Það mikilvægasta er hins vegar að með því kemur fram að í háskólasamfélaginu á Íslandi eru engir fordómar gagnvart hæfileikum kvenna til að takast á við erfiðustu verkefni. Sem betur fer leysa þær Kristín og Svava verkefni sitt af hendi með miklum sóma og það var ekki við öðru búist. Annars hefði Kristín aldrei náð kjör sem rektor Háskóla Íslands eða Svava verið valin rektor Háskólans í Reykjavík eftir að Guðfinna Bjarnadóttir settist á Alþingi eftir farsælt starf í stöðu rektors þess skóla.

Sem betur fer er ríkur skilningur og lika sem betur fer vaxandi á því að það skiptir máli fyrir framtíð og velmegun þjóðarinnar að kynin séu jafnsett. Barátta fyrir jafnstöðu kynjanna er barátta fyrir  sjálfsögðum  mannréttindum.

Sérstaða háskólanna vanmetin?

Slökkt á friðarljósi.

Það var gott að Yoko Ono skyldi ákveða að tendra friðarljós í Viðey til minningar um John Lennon. Friðarljósið er ágætt og táknrænt og lífgar upp á tilveruna en veldur engu tjóni.  Mér finnst satt að segja miður að það skuli slökkt á ljósinu núna og það ekki tendrað fyrr en í haust. Mér fyndist rétt að breyta þessu þannig að það væri slökkt á ljósinu þann dag sem John Lennon var myrtur en að öðru leyti mundi það loga. Þá væri það ennþá táknrænna þ.e. við þurfum alltaf að muna eftir að friður er ekki sjálfsagður og það að slökkva á ljósinu óhamingjudaginn þegar geðveiki ógæfumaðurinn myrti John Lennon er táknrænt fyrir það að jafnvel þeir sem gera engum neitt og boða frið og kærleika eru ekki óhultir.

Það þurfa allir að vera á verði og mér finnst friðarljósið einmitt gott tákn um mikilvægi þess að berjast fyrir friði og þess að vera samt á verði.

Burt með verðtryggingu lána.

Í Morgunblaðinu í morgun er rætt við fjármálaráðherra um verðtryggingu lána. Fjármálaráðherra fer varlega og segir verðtrygginguna hafa gegnt mikilvægu hlutverki en útilokar ekki að hún verði afnumin. Viðskiptaráðherra er mun afdráttarlausari og segir að flestir vilji sjá á bak verðtryggingunni. Þá hefur Hreiðar Már Sigurðsson  forstjóri Kaupþings sagt að rétt sé að afnema verðtryggingu lána í framtíðinni.

Við Frjálslynd höfum lagt fram þingsályktunartillögu um afnám verðtryggingar og sambærileg lánakjör fólksins í landinu og fólk býr við í nágrannalöndum okkar. Mikilvægt er að ræða þau mál af alvöru ekki síst vegna þess að veður gerast nú válynd á peningamarkaði þjóðarinnar.

Það er eðlilegt að talsmenn lífeyrissjóða séu á móti því að verðtrygging á lánum verði afnumin. Verðtryggingin tryggir lífeyrissjóðunum sem og öðrum fjármagnseigendum áhyggjulausa  stöðuga og góða ávöxtun af dauðu fé. Á sama tíma bitnar þetta á þeim sem skulda sem að meginstefnu til eru að greiða til lífeyrissjóða. Lífeyrissjóðirnir og talsmenn þeirra mættu huga oftar að hagsmunum sjóðsfélaga sinna þó þeir eigi langt í það að fá greiðslur úr sjóðnum. Það skiptir nefnilega máli að fólki geti liðið vel í núinu en eigi ekki bara von um að fá þokkalegar lífeyrisgreiðslur í framtíðinni ef fólki endist aldur til.

Sem betur fer sjá fleiri og fleiri þann vanda og það óréttlæti sem fólgið er í verðtryggingu lána og vilji er allt sem þarf til að breyta því.

En þá þurfum við líka traustan gjaldmiðil sem getur verið gjaldmiðill þjóðarinnar í öllum viðskiptum. Flotkrónan íslenska dugar ekki til þess því miður. Afleiðingin er sú að við verðum að koma því til leiðar að allir aðilar markaðarins geti treyst gjaldmiðlinum í öllum viðskiptum.

Guðni fer á kostum.

Ég lauk í nótt við að lesa bók Sigmundar Ernis Rúnarssonar um Guðna Ágústsson "Guðni af lífi og sál" Bókin er skemmtileg og fróðleg eins og söguhetjan.  Ég hefði samt kosið að Guðni hefði í bókinni fjallað meira um framtíðina í stjórnmálum landsins. En það kemur e.t.v. í næstu bók. En bókin er skemmtileg og hægt að mæla með henni.

Sá stíll Guðna að leggja almennt gott til samferðafólks síns er góður. Samt sem áður verður vart við ákveðinn brodd í garð ákveðinna einstaklinga þá helst samflokksmanna hans núverandi og fyrrverandi. Það sem kom mér mest á óvart í bókinni var umfjöllun Guðna um þá ákvörðun að Ísland var sett á lista yfir hinar viljugu þjóðir sem studdu Bandaríkjamenn í innrásinni í Írak. Samkvæmt því liggur fyrir að þeir Davíð Oddsson og Halldór Ásgrímsson bera einir sök á þeirri ákvörðun en stjórnmálaflokkar þeirra einnig meðan þeir harma ekki þá ákvörðun og fordæma innrásina.

Þá verð ég að viðurkenna það að ég hafði ekki áttað mig á því hvað djúpstæður ágreiningur var á milli Guðna og Halldórs Ásgrímssonar.  Hitt vantar í bókina en það er hugleiðingar eða frásögn af því af hverju Halldór Ásgrímsson sagði af sér svo snarlega sem um var að ræða. Það var mjög sérstakt þó ekki sé meira sagt en í bókina vantar kaflann um það hvað réði þessari skyndilegu afsögn Halldórs.

Ef til vill kemur það í næstu bók