Mikilvægasta trúarhátíð kristins fólks

Gleðilega upprisuhátíð.  

Upprisa Jesú eftir að hafa beðið algeran ósigur með krossfestingunni á föstudaginn langa var staðfesting á fyrirheitinu um sigur lífsins yfir dauðanum og réttmæti kenninga Jesú um eilíft líf fyrir trúna á Guð, kærleika og fyrirgefningu.

Upprisan ásamt kærleiksboðskapnum og fyrirgefningunni er það inntak sem skilur kristnina frá öðrum trúarbrögðum og gerir hana einstaka. Þessi boðun gerir kröfur til okkar hvers og eins m.a. um virðingu fyrir einstaklingnum frelsi hans og tjáningu til jafns við okkur. 

Á undanförnum árum hefur orðið hnignun í kristnum samfélögum. Ein birtingarmyndin er sú að það veraldlega hefur tekið páskadaginn nánast algerlega yfir. Siðræn gildi varðandi auðsöfnun og peningaöflun hurfu. Allt var leyfilegt og sigurvegarinn varð sá einn sem eignaðist skjótfenginn gróða. Þá skipti engu máli hvernig peninganna var aflað.

Hrunið sýndi betur en nokkuð annað hvað fráhvarf frá siðrænum gildum og aga í fjármálastarfsemi er dýrkeypt.  Þess vegna skiptir svo miklu að við rísum á ný sem þjóð á þeim forsendum og siðrænu gildum sem færðu okkur sjálfstæði almenna velferð og þau grundvallarmannréttindi sem við höfum.

 

Athugasemdir

[Jón Valur Jensson, 4.4.2010 kl. 15:19]

Góður pistill, nafni.

Gleðilega páska.

[Jon Jonsson (IP-tala skráð) 4.4.2010 kl. 15:53]

Það er gott til þess að vita Jón að mönnum sé viðbjargandi. Ég þekki þig frá gamalli tíð og þá var nú hljóðið í strokknum annað með tilliti til skrifa þinna hér að ofan um upprisu Krists. Til hamingju með sinnaskiptin Jón!

Ég er þér semsagt sammála.

[Jón Magnússon, 4.4.2010 kl. 22:18]

Þakka þér fyrir Jón Valur og sömuleiðis

[Jón Magnússon, 4.4.2010 kl. 22:21]

Ég þekki ekki til sinnaskipta  hvað þetta varðar  Jón Jónsson, ef það er þá þitt rétta nafn. En mér sýnist alla vega að þú sért sammála mér. Takk  fyrir það.

[Sigurður Þórðarson, 4.4.2010 kl. 22:41]

Gleðilega páska!

[Jón Valur Jensson, 5.4.2010 kl. 11:36]

Þessi nafni okkar Jónsson er sennilega harðfullorðinn samflokksmaður þinn á Seltjarnarnesi, Jón, hinn ágætasti maður.

[Jón Magnússon, 6.4.2010 kl. 17:01]

Já ég ætla að það geti verið rétt Jón Valur. En svona er þetta þegar menn heita algengum nöfnum og segja ekki frekari deili á sér.

[Jón Valur Jensson, 6.4.2010 kl. 17:46]

Jónar einberir Jónssynir eru nánast orðnir teljandi á fingrum beggja handa,

ólíkt ástandinu 1845 þegar að mig minnir yfir 800 hétu Jón Jónsson!

[Jón Magnússon, 6.4.2010 kl. 18:00]

 Því miður gera ekki nógu margir sér grein fyrir hvað þetta er mikið úrvalsnafn ágæti Jón Valur.