Frelsi glæpamanna ógæfa almennings

Frjáls för fólks á milli landa EES svæðisins og afnám vegabréfaskoðunar á grundvelli Schengen reglna auðvelda erlendum glæpaklíkum að athafna sig hér á landi. Nú geta innbrotsþjófar og líkamsárasarfólk eða kynferðisofbeldisfólk komið hingað brotið af sér og komið sér síðan í skjól heima hjá sér.

Græðir einhver á svona reglum aðrir en glæpamenn?

 Eitt er að geta ekki komið lögum og refsingu yfir glæpamenn og hitt að geta ekki losnað við þá og eiga það á hættu að þeir haldi glæpum sínum gagnvart friðsömum borgurum áfram.

Bretar hafa  heldur betur fengið að finna fyrir því að regluverkið er orðið þannig að þeir geta ekki  komið hættulegum afbrotamönnum eins og nauðgurum og jafnvel morðingjum úr landi vegna þess að þeir hafa myndað svokölluð tengsl við Bretland- en þau tengsl þurfa raunar ekki að vera merkileg.

Þarf ekki að endurskoða þetta kerfi þannig að gætt sé hagsmuna venjulegs fólks og gætt þeirrar meginskyldu ríkis að tryggja öryggi borgarana og allsherjarreglu.

Athugasemdir

[Jón Sigurðsson (IP-tala skráð) 7.11.2011 kl. 22:52]

Bretar eru ekki í Schengen.

[Jón Steinar Ragnarsson, 8.11.2011 kl. 00:00]

Já þetta veltir upp spurningunni, hverjir eru kostirnir við Schengen og til verndar hverjum? Hverra hagsmuna gegnir fyrirkomulagið?

[Eyjólfur Jónsson, 8.11.2011 kl. 00:05]

Sæll Jón, einhver í stjórnkerfi Íslands hefur séð sér hag í að opna landamæri landsins fyrir þessum glæpafélögum sem nú blómstra eins og planlagt í hræringunum eftir hrunið. Hversu mikið og hversu lengi var þetta planað? Sagt er 6-7 ár og gæti það vel staðist. Þar sem nú bankaránið/landránið er ekki búið má ekki heldur búast við að landamæri og eða fangelsismál batni eða breytist fyrr en það er klárt.Það er núna verið að reikna út næsta skref sem verður eftir ca.3 ár. Svona er það bara.

[Alfreð K, 8.11.2011 kl. 00:53]

Allt rétt sem pistlahöfundur segir hér að ofan.  Þetta mál er búið að ganga allt of, allt of lengi, án þess að yfirvöld hafi nokkuð sjáanlega hafst að öll þessi ár.  (Kannski má líkja þessu við hugsunarháttinn hér fram að bankahruni, hér er jú bara allt í himnalagi , hvað þó að einhverjir útlendingahatarar séu að væla, sem þó hafa kannski sumir orðið fyrir þeim smávægilegu óþægindum að brotist var inn á heimili þeirra um hábjartan dag og þar voru víst einhverjir fjórtán ára unglingar á ferð sem kunnu vart að mæla á íslensku ...).

Ég man enn vel eftir sjónvarpsmyndum af fyrstu Schengen-aufúsugestunum hingað til Fróns fyrir svona 10-12 árum (Þetta var áður en farið var að dylja andlit sakborninga í sjónvarpsfréttum), þar sátu þeir á bekknum fyrir utan dómssalinn glottandi og að því er virtist gjörsamlega áhyggjulausir/hreyknir fyrir framan Stöð 2-myndavélarnar, strákarnir frá Úkraínu (eða hvaða land það nú var þarna í austrinu) daginn eftir að hafa brotist inn í Hans Petersen á Laugavegi um hábjartan dag og sópað flestum verðmætum þaðan á mettíma svo lögregluna undraði er hún mætti á vettvang aðeins örfáum mínútum eftir að viðvörunarkerfið fór í gang.

Og sjónvarpsmyndirnar af fyrstu alvöru erlendu ferðamannatöktunum úti á landi, líka í boði Schengen, fyrir svona 9-11 árum, þegar útlenski karlmaðurinn, sem var svolítið fullorðinn, hvæsti á unga Stöð 2-myndatökumanninn og bað um að slökkva á %elvíti$ myndavélinni fyrir utan dómssalinn, en sá hafði víst verið gómaður við að hleypa sjálfum sér við annan Schengen-aufúsugest inn í eitthvert sumarhús á Snæfellsnesi og labba þaðan út með sjónvarp og eitthvert annað lítilræði af verðmætum.  Og Stöð 2-myndatökumaðurinn svaraði þeim útlenda eftirminnilega til baka eitthvað á þá leið:  „I have a right to do this.  This is a free country.‟

Ég man eftir fleiri gömlum nýstárlegum uppákomum hér á Fróni í kjölfar gríðarlega aukins áhuga útlendinga á að kíkja í heimsókn til þessa litla lands (og jafnvel flytjast hingað búferlum) „post-Schengen‟ en læt þessi tvö dæmi hér að ofan duga mönnum svona til upprifjunar, skyldu þeir vera farnir að gleyma hvernig Ísland farsælda Frón fór allt í einu og hraðbyri að breytast upp úr síðustu aldamótum.

[Halldór Jónsson, 8.11.2011 kl. 08:15]

Af hverju er ekki hægt að fá fram eitt einasta komment frá stjórnmálamönnum um þetta Schengen mál. Það er sama hvað maður segir, það er alger þöggun. Bjön Bjarnason segir einstaka sinnum að Schengen sé nú aldeilis gott. Jóhanna þegir að vanda, enda veit hún sjálfsagt ekkert um þetta Schengen, Steingrímur þegir því alþjóðahyggja kommúnista vill engin andamæri og Össur þegir af sömu ástæðum, Bjarni þegir, Trggvi Þór þegir, Þór Saari þegir.Alli þegja nema þú og ég en það tekur bara enginn mark á okkur greinilega.

[Jón Ingi Cæsarsson, 8.11.2011 kl. 12:57]

Um leið og við búum til ástand þar sem umhverfi okkar er miðað við glæpa og hryðjuverkamenn hafa þeir sigrað.... af hverju eigum við að hafa kerfi sem byggist á einstaklingum sem eru brot úr prósenti allra þeirra sem nýta..

Girðingar hafa aldrei lagað...sbr Berlínarmúrinn og það ætti höfundur þessa pistils að skilja.

[Jóhanna (IP-tala skráð) 8.11.2011 kl. 14:05]

Bretar eru ekki í Schengen, þeir voru, og eru vel meðvitaðir

um EBS. Þeir vilja ekki heldur evruna.

Það eru bara "blábjánar" eins íslendingar sem bjóða hættunni heim.

[Jón Magnússon, 8.11.2011 kl. 14:36]

Mér er það alveg ljóst Jón S að Bretar eru ekki í Schengen og við þurfum þess ekki heldur.

[Jón Magnússon, 8.11.2011 kl. 14:36]

Mergurinn málsins Jón Steinar alveg rétt hjá þér.

[Jón Magnússon, 8.11.2011 kl. 14:37]

Góð upprifjun Alfreð.

[Jón Magnússon, 8.11.2011 kl. 14:38]

Alveg rétt Jón og þess vegna eigum við ekki að búa til umhverfi sem hentar glæpafólki. Girðingarnar eiga ekki að vera óyfirstíganlegar og einmitt að vera einfaldar fyrir venjulega löghlýðna borgara en ekki hina.

[Jón Magnússon, 9.11.2011 kl. 00:10]

Já Jóhanna eigum við ekki að sjá hvað skeður áður en við dæmum þjóðina?