Orð geta verið dýr

Björn Valur Gíslason þingflokksformaður Vinstri grænna virðist vera hreinn óþverri. Það að brigsla öðrum þingmanni að vera fullur í vinnunni og samsama stjórnarandstöðuna með slíku er einstakt háttalag. Gamalreyndur þingmaður sagði að svona óþverraskapur eins og Björn Valur sýndi félögum sínum á Alþingi sé einsdæmi.

Sú var tíðin að stjórnarþingmaður fór í ræðustól Alþingis töluvert undir áhrifum. Þrátt fyrir það voru stjórnmálaandstæðingar hans ekki að núa honum því um nasir í ræðustól Alþingis og gildishlaða þau ummæli.

Virðing Alþingis eykst ekki við að þingmenn ræki ekki starfsskyldur sínar og séu fullir í vinnunni. Virðingin eykst heldur ekki þegar þingmenn hafa uppi ósönn brigslyrði um félaga sína.

Björn Valur baðst afsökunar á ummælum sínum í upphafi þingfundar þannig að ef til örlar einhversstaðar á einhverju góðu hjá manninum.  Þannig að þá er hann e.t.v. ekki hreinn óþverri.

Athugasemdir

[Arnar Guðmundsson (IP-tala skráð) 7.6.2012 kl. 16:50]

Gott hjá Birni Val að biðjast afsökunar á þessu og það hefðu fleiri mátt fara eftir því fordæmi. Árni Johnsen gat nú ekki einu sinni beðist afsökunar á sínum brigslyrðum í garð Lilju Rafneyjar Magnúsdóttur þegar hann vildi væna hana og löngu látinn föður hennar um ólöglega sölu á kvóta.

[Anna Benkovic Mikaelsdóttir, 7.6.2012 kl. 19:25]

Ég tek undir þetta, en bendi samt á algerlega óháð flokkum að þegar ég  horfi á RÚV eru alltof margir þingmenn þvöglumæltir. Betra er að segja hlutina einfallt og skýrt og stutt, heldur en að þvöglast a´sömu setningunni!

[Jón Magnússon, 8.6.2012 kl. 00:06]

Alveg rétt hjá þér svo langt sem það nær Arnar. En menn eiga ekki að vera með svona brigsl úr ræðustól Alþingis.

[Jón Magnússon, 8.6.2012 kl. 00:07]

Er ekki í ráði Anna að setja þá á framsagnarnámskeið.

[Anna Benkovic Mikaelsdóttir, 8.6.2012 kl. 00:39]

Vil bara benda öllum jónum og Jónssonum á að læra tungumál er meira en að tala það. Það þýðir að læra heila menningu, alveg eins og að tala íslensku. Það felur í sér heila menningu. Þess vegna bauð ég mig fram til stjórnlagaþings...til að fá íslenskuna inn í Stjórnarskrá Íslands.

Framsagnarnámskeið er nokkuð sem ég er að kenna útlendingum á hverjum degi og veitir ekki af að kynna það sumum "Íslendingum"