Berjum manninn.

Vinur minn sendi mér úrdrátt af  fésbókarsíðu eins stuðningsmanns tillagna stjórnlagaráðsins þar sem hann og vinir hans tjá sig m.a. um síðuhöfund vegna andstöðu hans við tillögur stjórnlagaráðs.

"Það ætti að vera siðferðisleg skylda hvers manns á Íslandi að gefa Jóni Magnússyni svo kölluðum "lögmanni" utanundir þegar honum er mætt á götu. Það má furðu sæta að þessi vitfirringur skuli enn ganga laus á meðal fólks."

"Jòn Magnùsson er audvitad løggiltur f...... En thad er athyglisvert ad staksteinaòthverrinn skuli vitna ì hann med jàkvædum hætti? Thad segir nù eitthvad?"

"En því miður er það staðreynd að flest allir þeir lögmenn sem tjáð hafa sig um málið eru keyptar mellur LÍÚ og Sjálfstæðisflokksins."

Eðlilegt að vini mínum brygði í brún en þetta sýnir eitt með öðru rökþrot stuðningsmanna tillagna stjórnlagaráðsins. Þegar rökin eru ekki fyrir hendi þá þykir þessu fólki rétt að láta hendur skipta.

Er skrýtið að mikið af sómakæru fólki veigri sér við því að taka þátt í umræðu og tjá skoðanir sínar þegar það getur átt von á trakteringum eins og þessum.

En þegar þeir góðu og gáfuðu leyfa sér að standa á hliðarlínunnni þá geta vondir hlutir farið að gerast.

Svo virðist sem stuðningsmenn tillagna stjórnlagaráðs hafi engin málefnaleg rök þegar þeim er andmælt. Þess vegna grípa þeir til orðræðu eins og sýnishorn ber birt af hér að ofan.

 

Athugasemdir

[jóhanna (IP-tala skráð) 15.10.2012 kl. 19:03]

Auðvitað verður þetta fellt, með rungandi NEI. Eitt finnst mér þó snúið, er nóg að setja nei við fyrstu spurningu og láta það duga? verður það talið sem atkvæði? Ég hef hvergi séð það eða heyrt.

[Séra Jón (IP-tala skráð) 15.10.2012 kl. 19:52]

"Svo virðist sem stuðningsmenn tillagna stjórnlagaráðs hafi engin málefnaleg rök þegar þeim er andmælt."

Þetta á semsagt við um ALLA stuðningsmenn tillagnanna? :)

[Anna Benkovic Mikaelsdóttir, 15.10.2012 kl. 22:57]

Ég er orðlaus yfir að lesa svona og tek fasta afstöðu frá slíku Jón Magnússon. Eins og þú veist höfum við ólíkar skoðanir á tillögum stjórnmálaráðs, en höfum alltaf virt skoðanir hvors annars.

Þú, sérstaklega Jón átt hrós skilið fyrir að birta alla mína stuttu pisla og ég þakka það. Ég er ein af þeim sem mun segja "já" við þjóðaratkvæðagreiðslu um  nýja stjórnarskrá og hef reynt að rökstyðja það.

Þú , Jón , hefur alltaf birt mín komment og svarað eins og maður.

Mér svíður sárt að lesa svona um stuðningsmenn nýrrar stjórnarskrár og fordæmi svona skrif.

Jón hefur algerlega rétt á sinni skoðun, og það sem meira er, Jón hefur algerlega virt minn rétt til andstæðrar skoðunnar.

Fussumsvei!

[Jón Magnússon, 16.10.2012 kl. 00:10]

Já það er atkvæði og það skiptir mestu máli Jóhanna að segja NEI við fyrstu spurningunni.

[Jón Magnússon, 16.10.2012 kl. 00:12]

Nei síður en svo Séra Jón. Þetta er alhæfing af minni hálfu sem á ekki rétt á sér og er sett fram vegna flýtis og tímaskorts.  Hins vegar verð ég að segja það að ég verð ekki var við mörg málefnaleg rök eins og t.d. kom fram í þættinum þar sem þeir leiddu saman hesta sína Þorvaldur Gylfason og Reimar Pétursson.  Rök Þorvaldar voru vægast sagt óskaplega klén.

[Jón Magnússon, 16.10.2012 kl. 00:15]

Við gerum það vonandi áfram Anna. Þakka þér fyrir og ég virði þínar skoðanir og vil að allir fái að tjá sínar skoðanir með málefnalegum hætti óháð því hvort ég er sammála þeim eða ekki.  Mér hefur alltaf fundist mikið til koma  þess sem sagt var: "Ég fyrirlít skoðanir þínar en ég er reiðubúinn til að deyja fyrir rétt þinn til að halda þeim fram." Þar er spurningin um tjáningarfrelsið sem er svo mikilvægt. Ég sé Anna að við erum algjörlega sammála um það.

Þakka þér fyrir.

[Guðrún María Óskarsdóttir., 16.10.2012 kl. 02:08]

Sæll Jón.

Svona skrif hitta þann fyrir sem ber þau fram og dæma viðkomandi ómarktækan í umræðu allri að mínu áliti, með öðrum orðum til háborandi, ævarandi skammar.

Það er annars afar sérstakt að sjá fyrrum félaga í meintum stjórnmálaflokki hafa snúist eins og vindhana til stuðnings við þessar handónýtu tillögur um stjórnarskrá sem tókst að líma saman af stjórnlagaráði, gegn fyrrum eigin sannfæringu m.a hvað varðar ESB.

góð kveðja.

Guðrún María.

[Ágúst H Bjarnason, 16.10.2012 kl. 08:05]

Þakka þér Jón fyrir góða pistla hér og í útvarpi.  Oftar en ekki er ég sammála þér.   Það er alveg ljóst að margir veigra sér við að tjá sig á vefmiðlum og jafnvel á þessu bloggi. Menn nenna einfaldlega ekki að taka þátt í umræðunni þar sem skítkast er oft ráðandi og halda sig því til hlés.

Svona ummæli eins og þau sem þú birtir hér að ofan eru auðvitað langverst fyrir þá sem beita þeim.   Menn átta sig ekki á þeirri staðreynd að ráðningastofur og fyrirtæki sem eru að leita að starfsfólki "gúgla" oft nöfn umsækjanda og þá spretta svona ummæli stundum fram. Umsóknin er þá lögð til hliðar.  Menn gleyma því að Internetið gleymir engu og svona sóðakjaftar eru fyrst og fremst að eyðileggja sitt eigið mannorð.

[Hjálmtýr V Heiðdal, 16.10.2012 kl. 10:12]

Sæll Jón

Ég sé að þú hefur dregið þessa alhæfingu til baka „Svo virðist sem stuðningsmenn tillagna stjórnlagaráðs hafi engin málefnaleg rök þegar þeim er andmælt. Þess vegna grípa þeir til orðræðu eins og sýnishorn ber birt af hér að ofan.“

Allir - og núna þú Jón -allir vita að fólk sem tjáir sig með þessum asnalega og sóðalega hætti, eru ekki dæmigerðir stuðningsmenn nýrrar stjórnarskrár - þetta eru skaðvaldar hvar sem þeir koma að málum. Þvert á móti þá erum við, stuðningsmenn nýrrar stjórnarskrár, upp til hópa fólk sem vill landi og þjóð vel og við viljum bæta lýðveldið og þjóðlífið.

[Jón Magnússon, 17.10.2012 kl. 00:45]

Þakka þér fyrir Guðrún María. Góð ábending.

[Jón Magnússon, 17.10.2012 kl. 00:47]

Ágætur vinur minn kom með þá hugmynd að það væri e.t.v. gott að koma upp ritsóða lista. Ég held að það eigi að vera keppikefli einmitt á netmiðlunum að við hafa góðar umræður og taka málefnin en ekki fara í persónulegt skítkast. Það gjaldfellir alltaf umræðuna. Sem betur fer ert þú Ágúst maður sem ert alltaf málefnalegur. Þakka þér fyrir.

[Jón Magnússon, 17.10.2012 kl. 00:50]

Aldrei þessu vant ágæti vinur minn Hjálmtýr er ég alveg sammála þér. Ég viðurkenni alveg að ég fór dálítið hratt yfir landið í fullyrðingunni um stuðningsmenn tillagna stjórnlagaráðsins. Að sjálfsögðu kemur það meginþorra þess fólks ekki við enda tekur það sína ákvörðun á málefnalegum forsendum.

Ég ber virðingu fyrir stjórnarskránni. Það eru grundvallarlög okkar sem mæla fyrir um grundvöll stjórnskipunar og mannréttinda. Ég vil að það sé farið gætilega í breytingar á henni. Þess vegna er ég á móti flaustulegum og illa orðuðum tillögum stjórnlagaráðsins.

Þakka þér fyrir þitt innlegg Hjálmtýr.