Ný stjórnmálasamtök í burðarliðnum

Þorvaldur Gylfason hagfræðiprófessor sem heldur að alþjóðlega fjármálakreppan sé íslensku stjórnarskránni að kenna, ætlar að stofna ný stjórnmálasamtök á morgun.

Stofnfundurinn verður í leyndum. Jafn fínt fólk og Þorvaldur og félagar vilja að sjálfsögðu ekki fá hvern sem er svo að ekki verði komið frekara óorði á stjórnmálasamtökin.

Þeir sem helst eru nefndir með Þorvaldi sem sporgöngumenn eru nokkrir stjórnlagaráðsliðar. Þar fara fremstir þeir Lýður Árnason, Örn Báður Jónsson og Pétur Gunnlaugsson allt flóttamenn úr Dögun eins og Þorvaldur, en hann tók þátt í rútuferð um landið fyrir nokkru til að fá fólk til að kjósa Dögun. 

Svo skildu leiðir með Dögn og Þorvaldi,  þegar Þorvaldur ákvað að standa vörð um verðtrygginguna.

Auk stjórnlagaráðsliðanna sem nefndir eru til sögunnar sem stofnendur nýju stjórnmálasamtakanna eru  Kristinn H. Gunnarsson sem má ekki heyra góðs framboðs getið án þess að tilkynna framboð sitt fyrir það og Grétar Mar Jónsson sagðir vera með. Óvíst er þó að Þorvaldi finnist þeir Grétar Mar og Kristinn nógu fínir til að mæta á stofnfundinn í svona flottum klúbb þó hafa megi af þeim gagn síðar.

Þjóðin bíður spennt eftir því að þeir endurlausnarar og snillingar sem þarna koma við sögu geti haldið áfram að telja þjóðínni trú um að fall bankans Lehman Brothers hafi verið íslensku stjórnarskránni að kenna.

Athugasemdir

[Bjarni Gunnlaugur (IP-tala skráð) 16.2.2013 kl. 08:07]

Það eina sem gerist við þetta að Pétur blessaður uppgötvar allt í einu að hann er staddur í útibúi nr. 2 frá Samfylkingunni! Margt gott í stjórnlagaráðinu en aðal flugumaður ESB aðildar og 111 greinarinnar (auðvitað held ég það bara, hef enga sönnun) Þorvaldur Gylfa!!!!

Hrunið hér varð trúlega að jafn litlu leiti vegna stjórnarskrárinnar og alþjóðlegu fjármálakreppunnar!  Hægt að fynna tengingar en ekkert sem skiftir megin máli!

Hrunið var fyrst og fremst heimatilbúin heimska frjálshyggjuóra og eftirlitsleysis byggð á óvanalega auðveldu aðgengi að lánsfé erlendis frá!

[Kristinn Pétursson, 16.2.2013 kl. 13:56]

Það er líka möguleiki að alþjóðlega bankakreppan sé ísslensku símaskránni að kenna  t.d.  2000 árgerðinni:

Lausnin er þá sú að semja nýja símsrká fyrir árið 2000 og koma þannig í veg fyrir aðra alþjóðlega bankakreppu - - þannig...   

 

[Halldór Jónsson, 17.2.2013 kl. 21:27]

Ég fagna þessu framboði ákaflega.Eins og öllum nýjum framboðum sérvitringa. Þú ert sjálfsagt búinn að læra það Jón minn að alltaf er hann bestur Blái Borðinn eins og hann afi minn sálugi sagði.

[Jón Magnússon, 18.2.2013 kl. 14:51]

Nei Bjarni hrunið var alþjóðlegt og hefur kostað skattgreiðendur í Bandaríkjunum, Írlandi og Englandi meir en hér.  Ef til vill sér Pétur að hann hefur tjaldað til einnar nægur tjaldi þar sem hvorki er botn né toppur á.

[Jón Magnússon, 18.2.2013 kl. 14:51]

Ég er sammála Kristinn. Ég held að símaskráin hafi ráðið jafn miklu ef ekki meiru en stjórnarskráin.

[Jón Magnússon, 18.2.2013 kl. 14:52]

Aldrei verið spurning í mínum huga Halldór að Sjálfstæðisflokkurinn er með besta vörumerkið. Það má  þess vegna ekki framleiða Stalín Kóla þegar menn eru með "The real thing".