Það sem ekki er bannað er leyfilegt

Í lýðræðisríki er viðmiðunin sú að það sem ekki er bannað er leyfilegt. Það er ekki bannað að taka myndir af lögreglunni við störf eða að vera með myndavél í garðinum heima hjá sér. Þess vegna var það kristaltært að lörgrelumaðurinn sem fruntaðist við Halldór Bragason vegna myndatöku var kominn langt út yfir allt boðvald sem hann hafði lögum samkvæmt.

Þess vegna átti lögreglan að biðja afsökunar þegar í stað en ekki hiksta á því í sólarhring.

Svo var einkar gaman að hlusta á talsmann Persónuverndar fjalla um málið og átta sig ekki á þeirri grundvallarreglu í lýðræðisþjóðfélagi að það sem ekki er bannað er leyfilegt. Hvað sem persónuvernd, lögreglu, sérstökum saksóknara, samkeppniseftirliti, fjármálaeftirliti o.sfrv. o.sfrv. líður.

Þessi skipulagsvandi sem mál Halldórs Bragasonar og lögreglumannsins er sprottin af er vegna skipulagsmistaka borgaryfirvalda. Það var því við fáránlegt hæfi að ríkisfjölmiðillinn skyldi draga helstu áhrifavalda misheppnaðs miðbæjarskipulags til að fjalla um þetta mál. Það er ekki hægt að setja fullt af hótelum í miðbæinn og miða við að þar geti síðan áfram verið róleg íbúðahverfi fyrir venjulegt fólk.

Það gengur ekki að stórbílaumferð trufli borgarana á þeim tímum sólarhringsins sem fólk á að geta notið friðsældar á heimilum sínum og friðhelgis helgidaga þjóðkirkjunnar svo því sé nú haldið til haga.

Athugasemdir

[Ólafur Jóhannsson, 18.5.2015 kl. 22:46]

Þetta mál er nú bara stormur í vatnsglasi.

Málið var að borgari (rútubílstjóri) lenti í vandræðum.

Löggan mætti á staðinn til að aðstoða

Borgari (Halldór) fer að forvitnast og truflar lögguna

Löggan biður hann að hætta að trufla.

Það var nú allt dramað!..

[Jón Magnússon, 18.5.2015 kl. 22:49]

Hvað sem því líður Ólafur þá hafði hann leyfi til að mynda þarna og það gat engin sagt neitt við því.

[Ólafur Jóhannsson, 18.5.2015 kl. 23:07]

Það er nú ekki algilt að það megi mynda allt sem lögreglan er að gera.

Löggan þarf stundum að takast á við aðstæður þar sem fólk er í sínum sársaukafyllstu aðstæðum í lifinu, andlega eða líkamlega. Á hver sem er, sem er þannig innstilltur, þá rétt að mynda þær aðstæður og setja á netið?

Það vona ég allavega ekki

[Magnus Magnusson (IP-tala skráð) 19.5.2015 kl. 10:54]

Þar sem allt er leyft nema það sem er bannaþ er mun skemmtilegra þjóðfélag en þar sem allt er bannað annað en það sem er leyft.

[Jón Magnússon, 19.5.2015 kl. 11:17]

En þannig er það Ólafur. Fólk getur tekið myndir á símann sinn eða með öðrum hætti hvar sem það er af hverjum sem er nema það liggi bann við, sem ekki gerir almennt í lýðræðisríkjum.