Hvað þýðir hlé á viðræðum.

Það er sérkennilegt að forustumenn Samfylkingarinnar og Sjálfstæðisflokksins skuli hafa gert hlé á viðræðum sínum.  Slíkt orðalag er helst þekkt við kjarasamninga þegar aðilar telja örvænt um að þeir nái saman og tilgangslaust sé að halda áfram að sinni.  Það á þó sennilega ekki það sama við hér miðað við yfirýsingar þeirra um að þau muni halda áfram og engin sérstök ágreiningsmál séu uppi.

Hvað sem líður fullyrðingum þeirra Geirs og Ingibjargar þá virðist einhver fyrirstaða vera sem flokksformennirnir telja nauðsynlegt að unnið sé úr áður en lengra er haldið. Annars þyrfti ekki að gera hlé. Svona hlé eru notuð til að tala við þingflokkana og fá samþykki þeirra fyrir áframhaldandi viðræðum. Fróðlegt að vita hvað er að.

 

Hlé gert á stjórnarmyndunarviðræðum

Athugasemdir

[Herbert Guðmundsson, 21.5.2007 kl. 18:20]

Jæja! Þungar áhyggjur? Er þetta ekki eðlilegt verklag við þessar aðstæður, þar sem ekkert liggur á og Samfylkingin er með partí í kvöld? Hvusslags ert þetta eiginlega ...

[Haukur Nikulásson, 21.5.2007 kl. 18:23]

Það má nú taka einhvern tíma að skúra burtu uppsafnaðan ágreining því af nógu er að taka

[Jón Valur Jensson, 21.5.2007 kl. 21:14]

Eru þau ekki bara orðin þreytt á að brosa?

[Ásgerður Jóna Flosadóttir, 21.5.2007 kl. 23:07]

Hér er ég sammála, annars hef ég tekið eftir því að það er ekkert að marka það sem þátttakendur í stjórnarmyndun láta frá sér fara. Eitthvað voru þau nú vandræðaleg að mínu mati í síðustu tilsvörum sínum varðandi gang mála.  Á morgun verður hvítt svart eða svart hvítt ekkert að marka þetta fólk, pókergame. 

[Guðrún María Óskarsdóttir., 22.5.2007 kl. 00:41]

Já hlé heitir það að virðist. Það verður fróðlegt að sjá hver niðurstaðan verður.

kv.gmaria.

[Ólafur Pétursson (IP-tala skráð) 22.5.2007 kl. 00:50]

Það getur hver maður áttað sig á því að þetta er eingöngu til þess að bera málefnasamninginn sem er nánast tilbúinn undir þingflokkana. Þetta er allt að klárast hjá þeim. Þingvallahelgin hefur nýst þeim vel.

Þýðir ekki að reyna að búa til svona, þrátt fyrir að fá ekki að vera með í þessum viðræðum Jón.