Dagar hinna löngu hnífa

Fyrir rúmum 80 árum var talað um nótt hinna löngu hnífa, þegar forusta þýska þjóðernissósíalistaflokksins lét taka af lífi helstu forustumenn vígsveita flokksins.

Fyrir rúmum 10 árum kvartaði þáverandi þingmaður Framsóknarflokksins Guðjón Jónsson yfir því að bakið á honum væri alsett hnífum eftir bakstungur fjandvinar síns í Framsóknarflokknum hann lifið það þó af þó pólitískt líf hans yrði ekki lengra. 

Nú hafa Framsóknarmenn dregið hnífana úr baki Guðjóns og nota þá óspart á Sveinbjörgu Birnu Sveinbjörnsdóttur borgarfulltrúa og gengur þar hart fram sá borgarfulltrúi Framsóknar sem er hinn fulltrúi þessa litla flokks í borgarstjórn Reykjavíkur. 

Aðrir fylgja á eftir, en þó verður ekki séð hvort þeir gera það tilneydir. 

Eftir að Sveinbjörg Birna benti réttilega á annmarka á skólakerfinu, sem veldur því að það gagnast í mörgum tilvikum hvorki íslenskum börnum né börnum hælisleitenda og kostar of fjár,  fór fjölmiðlaelíltan úr öllum límingum einkum þeir sem þiggja laun sín frá skattgreiðendum, en með í för var einnig liðtækur sporgöngumaður, eiginmaður aðstoðarkonu forsætisráðherra. 

Fréttin um ummæli Sveinbjargar varð helsta ekki fréttin alla verslunarmannahelgina og fréttaelítan á RÚV var með þessa ekki frétt í öllum fréttatímum nema e.t.v. í einhverjum morgunfréttatímum kl. 6 á morgnana. 

Fréttamenn RÚV drógu fram hvern forustumann Framsóknar af öðrum til að fá þá til að fjalla um og fordæma ummæli Sveinbjargar og gerðu þeir það svikalaust með mismiklum þunga samt. Nú síðast ályktaði stjórn ungra Framsóknarmanna um málið. Kom það nokkuð á óvart, þar sem þjóðin hafði ekki vitað af tilvist þeirra. 

Atgangur ríkisfréttamanna var slíkur að það minnti á þekkt kvæði eftir Stein Steinar um Jón Kristófer og samneyti hans við Hjálpræðisherinn en þar orti Steinn;

"Jón Kristófer kadett í hernum

 í kvöld verður samkundan háð 

 og lautinant Valgerður vitnar 

 um veginn að Drottins náð

 Og svo verður sungið og spilað

 á sítar og mandólín tvö

 ó komdu og höndlaðu herrann 

 það hefst klukkan rúmlega sjö"

 

Eins og í kvæðinu vitnaði fréttaelítan með sama hætti og lautinant Valgerður í kvæðinu um veginn að Drottins náð og sungu á sinn sítar og mandólín tvö þangað til að flokksforusta Framsónar áttaði sig á hvað þyrfti til að höndla herrann og brást við eins og fréttaelítan vildi.

Eftir situr framsóknarmaddaman Sveinbjörg Birna óverðskuldað með mörg hnífasett í bakinu og ekki sú fyrsta af forustufólki Framsóknar sem öðlast það hlutskipti. 

Athugasemdir

[Anna Sigríður Guðmundsdóttir, 9.8.2017 kl. 00:14]

Sæll Jón. Það er umhugsunarvert hvernig pólitíska stríðið virkar í raunveruleikanum, fyrir framan varnarlausra leiksoppanna leiksviðið baktjaldastýrða.

Varnarlaus framvarðarsveit liðhlaupa er látin taka við skotárásunum, sem þeir varnarlausir liðhlaupar stríðsins fá engu um ráðið.

Ráðgjafar bónusbankanna glæpsamlegu af lærða og viskusnauða skólaveginum blekkjandi, eru eins og mýs sem skjótast með feitan og "verðmætan" mettandi aftökueitraðan ost á milli fjölmiðlamanna og fleiri manna.

Því miður virðast þessir eiturostberar lærðu skólanna ekki hafa lært neitt að gagni um raunveruleg og vönduð vinnubrögð, og mikilvæg nauðsynleg heilindi í orði og verki. Og skilja að því er virðist frekar lítið um raunveruleg mannleg og siðmenntuð verðmætagildi, í tilverunni á lífsins skólagöngu jarðarinnar?

Ég tek ekki vísvitandi né viljandi þátt í að útskúfa og niðurlægja einstaklinga á aðfarar/eineltis-hátt. Hvorki Sveinbjörgu Birnu Sveinbjörnsdóttur né nokkurn annan. Ég er oft stóryrt þegar ég reiðist yfir óréttlæti, en meiningin er aldri að særa eða útskúfa. Stóra skapið er bara stundum torvelt að temja.

Ef mér verður sú skammarlega eineltishegðun óvart og umhugsunarlaust á, þá vona ég að aðrir mér vitrari í samfélaginu bendi mér á mína vegferðarvillu, og geri sitt besta til að stöðva mig á villuveginum. 

En viðbjóðurinn sem ég fyllist þegar svona net og fjölmiðla eineltisaftökur í illum tilgangi í pólitíkinni hefjast, er ólýsanlegur mikill.

Gagn-rýni (sem stundum er kannski óheppilega orðuð en eiginlega réttmæt og vel meint) er hugsuð og sögð til gagns. En opinbert illt umtal og net/fjölmiðla-einelti í pólitískum aftökuofsóknum gegn einstaklingum á ekkert skylt við gagn-rýni til góðs fyrir neinn.

Þessi árás á Sveinbjörgu Birnu Sveinbjörnsdóttur virðist mér vera gerð í þeim eina tilgangi að koma henni frá í borgarstjórn? Til að koma öðrum að!

Hver skyldi það nú vera sem á að koma að, með svona skrímslagangi?

Svona aðferðir gagnvart einstaklingum eiga ekkert skylt við málefnalega gagn-rýni og raunverulegt umræðunnar fjölmiðlaupplýst og réttlátt lýðræði.

Mér verður hreinlega flökurt, þegar svona árásir byrja úr öllum áttum samtímis á varnarlausa einstaklinga. Ég er líklega ekki nógu tilfinningalaus og kaldrifjuð.

Ég velti því fyrir mér hvort almenningi hafi liðið svipað hér áður fyrr, þegar fólk var tekið og líkamlega afhausað í gálgarennu í Reykjavík fyrir allra augum, fyrir ekki svo mörgum áratugum/öldum síðan?

Fólkið sem horfði á þær aftökur fyrri áratuga og alda hlýtur að hafa fyllst viðbjóði á villimennskunni? Alla vega þeir sem ekki þjáðust af helsjúkri hefnigirni, aftökugirnd og annarri sjúklega ómannúðlegri grimmd.

Í dag eru aftökurnar ekki jafn augljósar eins og fyrr á tímum.

En þær eru einmitt þess vegna miklu grimmari og ómannúðlegri, því ekkert er í raun almenningsins augljóst af viðbjóðs niðurlægingunum og aftökunum. Aftökurnar og pyntingarnar í dag eru svo "siðmenntaðar", blekkingar-fjölmiðlanna opinberlega réttlættar, og andlega/félagslega/samfélagslega útskúfandi!

Í dag er allt svo árásar-fjölmiðla/netheima-réttlætt, og einnar pólitískt leyfðrar skoðunar "siðmenntað"?

"Siðmenntuðu" upplýsinga-aðferðirnar í dag eru fóðraðar laumulegum, óheiðarlegum og svikulum hálfsannleikslygum og blekkingum. Og réttlátar heildarmyndar-staðreyndir eru faldar fyrir almenningi!

Kvölin er erfiðust og verst í hótandi/kúgandi lyginnar/hálfsannleikans seindrepandi og opinberlega neteima/fjölmiðluðum óverjandi árásum.

Andlegt ofbeldi á einstaklingi er miklu skaðlegra og erfiðara fyrir einstaklinga og fjölskyldur, heldur en líkamlegt ofbeldi!

Algjör viðbjóður.

M.b.kv.

[Gunnlaugur I., 9.8.2017 kl. 02:29]

Nú vantar bara að forysta Framsóknar lýsi því yfir í öllum fjölmiðlum hinns pólitíska rétttrúnaðar að flokkurinn lýsi yfir því að þeir styðji ESB aðild eins og allir hinir Samfylkingarflokkarnir !

[Jónas Gunnlaugsson, 9.8.2017 kl. 11:41]

Sú ágæta kona Sveinbjörg Birna Sveinbjörnsdóttir, vill bæta skólana og stingur upp á sérkennslu fyrir þá sem kunna ekki íslensku.

Það er sjálfsagt að kenna innflytjendum íslensku, svo að þeir geti lært sín fræði í íslensku skólunum

Er þetta samskonar árás og var gerð á Sigmund Davíð Gunnlaugsson?

Hann hafði byrjað að reyna að færa eignirnar aftur til fólksins, og tókst það að hluta.

Við þurfum að reyna að skýra þessi málefni fyrir okkur öllum, svo að við stöndum staðföst með besta fólkinu okkar.

Egilsstaðir, 09.08.2017  Jónas Gunnlaugsson

[Heimir Lárusson Fjeldsted, 9.8.2017 kl. 16:37]

Held að maddaman fagni sigri í þessari óréttlátu og heimskulegu aðför.