God bless Robert E. Lee

God bless you Robert E. Lee er heiti lags sem Johnny Cash söng á sínum tíma til að þakka Robert E. Lee fyrir að hafa bundið endi á borgarastyrjöldina í Bandaríkjunum með því að gefast upp þegar hann sá, að áframhaldið væri ekki annað en tilgangslaust blóðbað þar sem talið var að a.m.k. 40 þúsund manns til viðbótar mundu falla. Johnny Cash verður seint talinn í hópi hægri öfgamanna. 

Nú hafa "frjálslyndu fasistarnir" í Bandaríkjunum, sem telja sig siðferðilega yfir aðra hafnir og hafa að eigin mati einir höndlað hvað er sannleikur, krafist þess að styttur af Robert E. Lee verði fjarlægðar þar sem hann hafi verið vondur þrælahaldari og barist fyrir málsstað Suðurríkjanna, sem hafi háð styrjöld til að viðhalda þrælahaldi í Suðurríkjunum.

Nú er það svo með marga sem telja sig hafa höndlað hinn eina sannleik, að oft skortir þá almenna þekkingu m.a. í sögu.

Robert E. Lee var ekki sérstakur verndari þrælahalds. Hann gaf þrælum sínum frelsi árið 1862 og eftir borgarastyrjöldina lagði hann gjörva hönd á að sætta Suðrið og Norðrið eftir þær hamfarir sem Borgarastyrjöldin hafði valdið og vann með og fyrir Andrew Johnson forseta sem tók við af Lincoln.

Lee var ekki stuðningsmaður þess að Suðurríkin segðu sig úr lögum við Bandaríkin og það var fyrst þegar heimaríki hans Virginía ákvað að fylgja Suðurríkjunum, að hann hlýddi kalli heimaríkis síns og leiddi síðan her Suðurríkjamanna og reyndist meðal bestu hershöfðingja sögunnar. 

Fólk verður að sjálfsögðu að ráða því hvaða styttur það vill hafa og iðulega eru styttur hluti af sögu viðkomandi lands og/eða borgar. Sókn "frjálslyndu fasistanna" gegn sögulegum styttum og táknum, sem þeir telja siðferðilega ógna sinni réttlætiskennd er því miður nokkuð í ætt við bókabrennur fyrri tíma, þar sem þeir sem höndlað hafa sannleikann reyna að koma í veg fyrir óæskilegar skoðanir með því að bannfæra þær og eyða. 

Í sumar urðum við vitni að því að hópur "frjálslyndra fasista" hér á landi reyndi að koma í veg fyrir að Robert Spencer fengi að tjá skoðanir sínar, af því að þær voru ekki þóknanlegar þeim sem vilja óheftan innflutning Íslamista til landsins. En þá sigraði tjáningarfrelsið og metfjöldi sótti fyrirlestur Roberts Spencer.

Í Bandaríkjunum reynir vinstri fréttaelítan og vinstri stjórnmálaelítan að útmála þá sem vilja viðhalda sögulegum minjum eins og styttum af Robert E. Lee sem öfgafólk vegna þess að örlítill hluti þeirra sem eru í þem hópi tilheyra öfgasamtökum. Mikill meiri hluti er venjulegt fólk. Venjulegt fólk, sem áttar sig betur á sögulegu samhengi hlutanna en "frjálslyndu fasistarnir sem vilja að öllum öðrum skoðunum en sínum verði útrýmt. 

Fái "frjálslyndu fasistarnir sínu framgengt verður til alræðisríkið sem Benito Mussolini kallaði svo og George Orwell skrifaði um í bókum sínum "Animal Farm og "1984" Aðeins hin einu "réttu" sannindi mega koma fyrir almenningssjónir.

Fólk sem ann lýðræði þarf að halda vöku sinni og það skiptir í dag mestu máli að gjalda varhug við öfgaskoðunum "frjálslyndu fasistanna" til að viðhalda tjáningarfrelsi og lýðræði.

Athugasemdir

[Ragnhildur Kolka, 27.8.2017 kl. 20:54]

Án sögu er engin þjóð og það er kannski tilgangur þessarar herferðar. Enda eru þeir sem styðja þessar fasistahreyfingar líka fylgjandi "No-borders" hugmyndafræðinni.

[Halldór Egill Guðnason, 27.8.2017 kl. 21:11]

Ingólfur Arnarson hélt víst þræla, eftir því sem sagan segir. Ekki ólíklegt að einhverjir vilji styttuna af honum tekna niður.

 Góðar atundir, með kveðju að sunnan.

[Jón Magnússon, 28.8.2017 kl. 07:55]

Einmitt Ragnhildur þú hittir naglann á höfuðið nú eins og svo oft áður. 

[Jón Magnússon, 28.8.2017 kl. 07:56]

Já Halldór og brenna söguna af ættföður okkar fjöldamorðingjanum og þrælahaldaranum Agli Skallagrímssyni.

[Mofi, 28.8.2017 kl. 09:44]

Aðal brandarinn er að þetta eru að stórum hluta demókratar sem vilja rífa niður styttur af gömlum rasista demókrötum. Kannski er aðal tilgangurinn sá að reyna að gleyma því að demókrataflokkurinn var flokkur þrælahaldsins og er það kannski ennþá bara með aðra taktík til að halda fólki í þrældómi.

[Merry, 28.8.2017 kl. 12:58]

Jón

Það er mjög gott að lesa þessa blogfærslu. Ég vona að Einar líku við það líka.

[Merry, 28.8.2017 kl. 17:41]

Takk Jón fyrir þetta fínt innlegg, gott að lesa það. Ég vóna að Einar finnst þetta góð líka.