WOW og lánastarfsemi Isavia. Hver vissi hvað?

Fyrir nokkru flaug vélin, sem Isavia ohf hafði tekið sem tryggingu fyrir skuldum WOW af landi brott. Isavia hefur því enga tryggingu lengur fyrir milljarða óheimilum lánveitingum.

Af þessu tilefni vakna nokkrar spurningar.

Í fyrsta lagi hver tók ákvörðun um stórfelldar óheimilar lánveitingar Isavia til WOW air? 

Í öðru lagi vissu ráðherrar fjármála og samgöngumála af þessum óheimilu lánveitingum og voru þeir með í ráðum varðandi málið?

Í þriðja lagi, hver tók ákvörðun um þann fáránleika sem tryggingartaka í flugvél þriðja aðila ALC fyrir skuldum WOW var? 

Vert er að benda á að hlutverk Isavia er ekki lánastarfsemi og þessvegna er brýnt að fá allar upplýsingar um það hverjir komu að þessu máli og hvort ráðherrar í ríkisstjórninni voru hafðir með í ráðum um þetta löglausa atferli stjórnenda Isavia?

Iðulega hefur verið minna tilefni til að Umboðsmaður Alþingis hæfi frumkvæðisrannsókn. Hvað gerir hann nú?

Athugasemdir

[Halldór Jónsson, 19.7.2019 kl. 15:26]

Í forstjóratíð mannsins sem stjórnaði Isavia komu fyrir  ýmsir skrautlegir atburðir  og fleiri en bara þetta ævintýri.

[Sigurður I B Guðmundsson, 19.7.2019 kl. 17:54]

Ber einhver ábyrgð? Ekki á Íslandi!!!

[Eyjólfur Jónsson, 19.7.2019 kl. 21:43]

það er kominn tími á að loka fyrir vatnið hjá ÍSAVÍA eins og þeir gerðu forðum á RVK flugvelli sem opinberaði innræti starfsmanna þar í bæ!!

[Gunnar Th. Gunnarsson, 22.7.2019 kl. 12:20]

Var það tilviljun að Björn Óli Hauksson hætti skyndilega í vor sem forstjóri Isavia? Ég held ekki.