Leita í fréttum mbl.is

Nútíma draugasögur fyrir börn

Sinfóníutónleikar fyrir börn og unglinga, sem útvarpsstöðin BBC gekkst fyrir í Royal Albert Hall í London um daginn var lýst sem einstakri fjölskylduskemmtun. Boðskapurinn var, að jörðin væri að farast vegna hnattrænnar hlýnunar. 

Tónleikarnir byrjuðu með boðskap unglingsins Gretu Thunberg, sem áróðursmeistarar hamfarahlýnunar nota í áróðursskyni. Greta sagði, að nú væri komið að sjöttu fjölda útrýmingu fólks vegna hnattrænnar hlýnunar. Lagavalið á tónleikunum var ætlað til að leggja áherslu á hve staðan væri alvarleg og víða sáust tár á hvarmi, en engin gleði á þessari "frábæru" fjölskylduskemmtun. 

Gagnrýnandi stórblaðsins Daily Telegraph sagði að tónleikarnir hafi verið yfirlýsing um væntanlegar ofsafengnar náttúruhamfarir og hefðu átt að hræða ungt fólk, sem hefði ekki þroska til að takast á við svona boðskap.

Fólk sem telur sig þurfa að koma svona hamfaraboðskap á framfæri hvar sem er við hvern sem er, hvenær sem er, er ekki að gera neitt annað en að reyna að sefja fólk með áróðri. Svona framferði á meira skilt við öfgatrúarbragðahópa, en þá sem vilja bera sannleikanum vitni. 

Breska þingið samþykkti án mótatkvæða í vor að það væri hamfarahlýnun og neyðarástand. Ýmsir hópar hér á landi hafa hvatt til þess, að íslenskir stjórnmálamenn geri það sama. Samt sem áður er ekkert neyðarástand og það er engin hamfarahlýnun. Þær staðreyndir æpa á þá sem hafa augu og eyru opin. Ef Alþingi Íslands lýsir einhverju slíku yfir þá æpir slík yfirlýsing á allt hugsandi og sjáandi fólk, sem yfirgengilegur loddaraleikur.

Sem betur fer varð fjölmiðlastuntið sem Andri Snær Magnason gekkst fyrir við Ok um daginn, sem var fyrst og fremst ætlað til nota í áróðri erlendis, til þess að augu margra opnuðust fyrir því hvað áróður hamfarahlýnunarsinna er óheiðarlegur. En áróðursbragðið heppnaðist vel annarsstaðar en á Íslandi. Hér veit fólk betur og halarófan sem sniglaðist upp og niður Ok í norðannepjunni var aumkunarverð, þar sem fólk stóð með sultardropana lekandi úr nefinu og hrollkalt við að boða hamfarahlýnun. 

Sú mynd opnaði augu margra fyrir því að það er engin hamfarahlýnun og það er ekkert neyðarástand.


« Síðasta færsla | Næsta færsla »

Athugasemdir

1 Smámynd: Jón Valur Jensson

Góður pistill, nafni. Alveg makalaust hvernig fjölmiðlar hafa fallið flatir fyrir þessu illa grundvallaða trúboði um manngerða "hamfarahlýnun", sem verður kannski síðar meir minnzt sem the biggest hoax in the history of science!

En ætli þetta lið, sem krönglaðist upp á Ok, hafi ekki keyrt þangað í reykspúandi jeppum sínum og sumir jafnvel, auk fréttamanna, kvaddir á vettvang frá öðrum löndum, menn sem tóku sér far með reykspúandi flugvélum?!

Einna ljótasta hlið þessa máls snýr að börnum og unglingum, en nú þegar eru farin að heyrast dæmi um það erlendis frá, að ungir og lítt þroskaðir einstaklingar hafa tekið sitt eigið líf, á flótta frá meintum yfirvofandi hörmungum og útþurrkun mannkyns!!! surprised yell

Jón Valur Jensson, 27.8.2019 kl. 12:39

2 Smámynd: Halldór Egill Guðnason

 Það er skelfilegt að horfa upp á múgæsinguna og sefjunina, sem heimsendasinnum hefur tekist að gegnsýra alla umræðu með. Að baki öllu þessu heimsendakjaftæði standa gírugir heildsalar mengunarkvóta og allt að því grátlegir postular, sem hendast um heiminn þveran og endilangan, á einkaþotum sínum, í engu öðru en viðskiptaerindum, sér til eigin hagnaðar. Sirkusinn á Okinu opnar vonandi augu sem flestra.

 Við eigum að menga sem minnst. Við eigum að ganga af skynsemi og virðingu um Móður Náttúru. Að halda því fram að við getum stjórnað hitastigi jarðar með skattlagninu, gæti engum öðrum en algerum bjálfum í hagnaðarvon dottið í hug.

 Góðar stundir, með kveðju að sunnan.

Halldór Egill Guðnason, 28.8.2019 kl. 01:42

3 Smámynd: Jón Magnússon

Jón Valur ef fjölmiðlar mundu fara undir yfirborðið og kanna það sem er á bakvið svona uppákomur og fréttaflutning þá gæti það verið endalus uppspretta gamansemi og aðhláturs. En þetta eru nútímatrúarbrögð og því miður hefur margt gott og gegnt fólk ánetjast þessum trúarbrögðum vegna þess að stjórnmálamenn, sem nenna almennt ekki að kafa ofan í mál frekar en fjölmiðlamenn svo og vísindamenn af því að þeir fá endalaust fjármagn til að stunda rannsóknir sem tengjast hamfarahlýnuninni en hinir ekkert. Svo eru það sölumenn loftslagskvóta og aflátsbréfin sem ríka fólkið kaupir til að geta haldið áfram að menga margfalt á við það sem við getum nokkru sinni látið okkur dreyma um. 

Jón Magnússon, 28.8.2019 kl. 08:29

4 Smámynd: Jón Magnússon

Halldór Egill ég er þér hjartanlega sammála.

Jón Magnússon, 28.8.2019 kl. 08:29

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Nóv. 2019
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Heimsóknir

Flettingar

  • Í dag (22.11.): 0
  • Sl. sólarhring: 30
  • Sl. viku: 238
  • Frá upphafi: 0

Annað

  • Innlit í dag: 0
  • Innlit sl. viku: 205
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband