Vitlausum ákvörðunum velt yfir á neytendur

Stjórn Sorpu tók vitlausar ákvarðanir í fjárfestingum, sem leiddu til gríðarlegs taps fyrirtækisins. Stjórnin, sem ætti e.t.v. frekar að kalla óstjórnin situr samt áfram enda pólitískir kommisarar skipaðir af bæjarstjórnum, sem eiga Sorpu. 

Vegna þessara vitlausu ákvarðana tók sama stjórn þá ákvörðun, að eðlilegt væri að neytendur borguðu fyrir vilausar ákvarðanir stjórnarinnar og greiddu tapið með stórhækkun á verði þjónustunnar. 

Sorpa er einokunarfyrirtæki, sem þarf ekki að óttast samkeppni. Neytendur þurfa að kaupa þjónustuna af þeim og hafa ekki í önnur hús að venda. Við slík tækifæri er nauðsynlegt, að þjóðfélagið bregðist við með þeim tækjum sem til eru og komi í veg fyrir óeðlilegar verðhækkanir. 

Gera verður þá kröfu til sveitarfélaganna, sem eiga Sorpu, að þau grípi í taumana og gæti að hagsmunum neytenda. Þá verða Samkeppnisyfirvöld að taka málið til meðferðar strax á grundvelli 11.gr. samkeppnislaga nr. 44/2005. Verðhækkunum eins og þessum vegna mistaka stjórnenda fyrirtækis má ekki velta með þessum hætti yfir á neytendur. Sveitarfélögin verða að axla ábyrgð á kommissörunum sínum og koma með nýtt fjármagn inn í reksturinn án í stað þess að sammælast um að stela af neytendum.

Í máli þessu reynir á hvers virði stjórnmálastéttin er. Sættir hún sig við svona vinnubrögð? 

Sorpa sprengir upp verðskrána

Athugasemdir

[Grímur Kjartansson, 5.12.2020 kl. 12:18]

Oddviti Viðreisnar í Reykjavík tekur orð þín "Gera verður þá kröfu til sveitarfélaganna"  til sín og birtir grein í Morgunblaðinu í dag. Hennar lausn er einföld. Undir yfirskini Covid þá leyfist að taka ótakmörkuð lán og velta fjármögnun óarðbærra (grænna) gæluverkefna yfir á komandi kynslóðir.

[Kristinn Bjarnason, 6.12.2020 kl. 10:20]

það virðist ekki skipta neinu máli þó að stór mistök séu gerð og mikil óráðsía sé hjá opinberum aðilum því að þeir eru með óheftan aðgang að vösum skattgreiðenda og eru alltaf kosnir aftur.

Það þarf að breyta stjórnarskránni þannig að hún verji landsmenn fyrir stjórnvöldum. Eignarrétturinn þarf að vera heilagur. Það á t.d. ekki að vera hægt að taka sparifé landsmanna með valdi og afhenda spilafíklum af því að dómari meti það þjóðfélagslega mikilvægt.

[Halldór Jónsson, 6.12.2020 kl. 22:30]

Sorpa er della og umhverfissĺys sem urdar mikid magn.Thad tharf ad breyta henni i brennslu og orkunytongarstod eins og Amager Bakken.Allt annad er ad pissa i skona sina

[Halldór Jónsson, 8.12.2020 kl. 10:59]

Öll tilvera Sorpu byggist á umhverssslysi. Urðun á hundraðþúsund tonnum er skelfilegt umhverfisslys.

Það þarf að breyta stöðinni í  orkuvinnslustöð í anda Amager Bakken og nýta orkuna í sorpinu og hætta landeyðingarstefnunni sem felst í urðun sorps.

Má ekki breyta þessu í sorpbrennslustöð fyrir allt landið?

Menn sjái hversu stórkostlegur árangur er af Kölku.