Bólusetningarkapphlaupið og heilbrigð skynsemi

Þjóðir heims berjast við að tryggja sér sem fyrst svo mikið magn af einhverju bóluefni gegn Covid, að hægt verði að bólusetja landslýðinn.

Evrópusambandið og Bretar eiga í illdeilum og hver reynir að bjarga sér hvað best hann getur. Enn á ný opinberast vangeta Evrópusambandsins til að gæta raunverulegra eða ímyndaðra hagsmuna sinna.

Stjórnmálamönnunum liggur reiðarinnar ósköp á vegna þess, að þeir hafa lamað þjóðfélagsstarfsemina með lokunum og hræðsluáróðri í samkór með heilbrigðisyfirvöldum og fjölmiðlum. Út úr því þurfa þeir að komast sem fyrst, þannig að efnahagsstarfsemin og mannlífið geti blómstrað.

Sameiginleg stefna stjórnmálamanna veraldarinnar er að drífa sem mest má vera í því að bólusetja, þó prófanir á þeim lyfjum sem dæla á í fólkið séu ófullkomnar og veiti jafnvel takmarkaða vörn auk þess sem þau geta verið dauðans alvara og dauðadómur fyrir sumt eldra fólk. 

Nýlega kom á markaðinn nýtt bóluefni gegn veirunni, Novavax, frá fyrirtækinu Johnson og Johnson. Af því sem maður les um það, þá virðist það skömminni til skárra og mun geðslegra en lyfin frá Pfizer, Moderna og Astra Seneca.

Lyfjafyrirtækjunum liggur á vegna þess að hundruða milljarða hagsmunir eru í húfi. Þau keppast við að dæla lítt prófuðum lyfjum inn á markaðinn og heilbrigðisyfirvöld hamast við að blessa þau vegna "neyðarástands". Stjórnmálamönnunum liggur á að komast úr pólitískri kóvíd innilokun og hamra því á nauðsyn allsherjar bólusetningar sem allra fyrst og þá skiptir ekki máli hvaða bóluefni er fengið bara það sem stendur til boða. 

Það er næsta óhugnanlegt að fylgjast með þessu kapphlaupi þar sem öllu máli skiptir að bólusetja sem flesta helst alla þrátt fyrir að allt of lítið sé vitað um hver endanleg áhrif bólusetningarinnar verður og ekki liggi ljóst fyrir hvaða bóluefni hefur bestu virknina og er líklegast til að valda minnstum aukaverkunum. 

Er þá ekki best að flýta sér hægt og gera hluti vitandi vits en ekki vegna örvæntingar?

Athugasemdir

[Jón Þórhallsson, 31.1.2021 kl. 12:36]

Mér sýnist að nýja trúarjátningin hjá þjóðkirkjunni

sé farinn að hljóma svona: 

"Ég trúi á "Bill Gates og á bóluefna-sprauturnar  frá Moderna!"

[Tómas Ibsen Halldórsson, 31.1.2021 kl. 14:40]

Stjórnvöld um heim allan keppast við að þóknast "The Great Reset" þeirra Davosmanna. Mér sýnist veiran, aðgerðir og bólusetningar vera komið á í þeim tilgangi að undirbúa "The Great Reset".

Í yfirlýsingu þeirra Davosmanna stendur að enginn muni eiga neitt en allir eiga að vera ánægðir. Svona bull kemur bara frá fólki sem á nóg og þarf ekki að vera uppá aðra komnir, en nú vilja þeir að allur almenningur allsstaðar verði þeim háðir. Þeir vilja stjórna hversu margir búa á jörðinni og hvar fólk má búa.

Ein yfirlýsing þeirra er að viðhalda mannfjölda á jörðinni undir 500 milljónum, það þýðir fækkun um nærri 95%.

Þeir telja sig Guði æðri.

[Grímur Kjartansson, 1.2.2021 kl. 07:33]

Varðandi samviskuspurninguna um að leyfa öðrum löndum að fá fyrst bóluefni því mannvinir telja að hugsanlega sé ástandið verra þar.

Þeir sem hafa lesið leiðbeiningar í flugvélum vita að fullorðinn á að setja súrefnismaskan á sig fyrst áður en hann fer að aðstoða börnin