Neyðaraðstoð til ógnarstjórnar

Sameinuðu þjóðirnar kalla eftir að Afganistan verði veitt gríðarleg neyðaraðstoð. 

Öfgamúslimar, Talibanar, tóku völdin í landinu á miðju ári og stjórna. Þeirra er ábyrgðin. En þeim virðist umhugað um annað en velferð fólksins sem lýtur stjórn þeirra nauðugt viljugt. 

Talibanar leita uppi andstæðinga sína til að drepa þá.Þeir eru önnum kafnir við að loka skólum fyrir konur og stúlkur og hrekja konur af vinnumarkaði. Þeir eru líka önnum kafnir við að koma sharía lögum á í landinu og tryggja að allir lúti vilja þeirra. 

Við þessar aðstæður er kallað eftir því,að Evrópa og Norður Ameríka taki vænar fúlgur frá eigin skattgreiðendum til að tryggja að Talibanar geti haldið áfram voðaverkum sínum og undirokun þjóðarinnar undir  sharia lög og fornaldartrúarbrögð. 

Er ekki rétt, að þær þjóðir sem stóðu við bakið á Talibönum og tryggðu þeim valdatöku í landinu opni nú fjárhirslur sínar og láti eigin skattgreiðendur blæða vegna óstjórnarinnar. 

Stundum verða Vesturlönd, að leyfa þeim sem vandanum valda að leysa eigin mál án þeirra aðkomu. Það á við um  Afganistan og átti líka við fyrir 21 ári þegar Vesturlönd hófu að dæla peningum til þeirra og reyna að koma þessari þjóð inn í 21 öldina gegn harðri andstöðu Talibana og nágrannaþjóða þeirra.

Hvað með gleymda stríðið í Eþíópíu eru ekki meiri möguleikar á að koma á röð og reglu í því landi og veita virka aðstoð en þar sem miðaldamyrkur Íslam hefur tekið öll völd einsog í Afganistan 

 

Athugasemdir

[Jónatan Karlsson, 11.1.2022 kl. 17:22]

Sæll Jón.

Ég er undrandi á þessari skoðun þinni á ástandinu í Afganistan, því ég hélt að það blasti hreinlega við okkur öllum, eftir að hafa fylgst með brottför Bandaríkjamanna og leppa þeirra í NATO, hreinlega með skottið á milli lappana, að ástandið í landinu eftir tuttugu ára hersetu þeirra var ekki beinlínis til að hrópa Húrra fyrir - án þess að fara frekar út í þann ósóma allan.

[Grímur Kjartansson, 11.1.2022 kl. 20:31]

Okkur er sagt að Talíbanar ráði öllu í Afganistan
Því er eðlileg krafa að þessir aðilar hjá SÞ sem eru að fara fram á að fá skriljónir komi með raunhæfa áætlun um hvernig í ósköpunum eigi að koma þessari aðstoð til fólksins en ekki beint í vasa Talíbana sem af myndum að dæma eru vel haldnir líkamlega og  í nýjum fötum með nýjustu farsímana í annari hendi en vissulega virðast riflanir í hinni hendinni vera slitnir af notkun

Ég er nokkuð viss um að Svíar skrúfuðu fyrir alla þróunaraðstoð til Afganistan er Talibanar tóku völdin með þeim ummælum að ekkert yrði greitt nema tryggt þætti að sú aðstoð lenti í réttum höndum - held ekki að Svíar hafi greitt krónu ennþá?

[Halldór Jónsson, 11.1.2022 kl. 20:48]

Eða glæpaverk Sauda í Yemen. Hundruð þúsunda drepin þar i nafnni hins Islamska kætleika og sharía réttlætis? Af hverju eru þeir ekki rukkaðir? Peningaflóðið bara í eina stefnu frá vestri til austurs? 

[Ívar Pálsson, 11.1.2022 kl. 23:10]

Sérstakt ef stjórn Afghanistan, fjármögnuð af hörðustu fíkniefnasölu á að halda þeim peningum fyrir sig en láta Vesturlönd moka samviskupeningum in til landsins til bjargar sveltandi börnum. Viðhald allra vopnanna sem Biden skildi eftir kostar náttúrulega sitt.

[Jón Magnússon, 12.1.2022 kl. 10:08]

Jónatan Karlsson, þú virðist ekki hafa fylgst vel með þau 20 ár, sem að Vesturlönd eyddu gríðarlegum fjármunum í að reyna að gera það ómögulega í Afganistan, en þau töldu sér trú um að hægt yrði að koma á umbótum í landinu. En það var unnið fyrir gýg.  Það er ekki ástæða til að henda góðum peningum á eftir vondum núna Jónatan.

[Halldór Jónsson, 12.1.2022 kl. 15:17]

Borga skrilljónir gegn framlagningu mynda af sveltandi börnunm í Agahnistan. Keðjuverkun af kosningaósigri Trumps.

Allt fyrir þá trú  að hægt sé að ná  sama skilningi á kærleika milli Islam og Kristni, sharía laga og kristinna lögmála.

Trúa okkar aáðmenn því enn að það sé hægt? Allavega okkar  ráðamenn og þeir sem lifa á Útlendingastofnun