Hvað skyldi sjávarútvegsráðherra hafa sagt?

Skyldi sjávarútvegsráðherra hafa sagt samstarfsráðherrum sínum á Norðurlöndunum að fiskveiðistjórnunin á Íslandi hefði gjörsamlega brugðist. Að við eftir vísindalega takmörkun veiða í aldarfjórðung stöndum frammi fyrir mun alvarlega ástandi þorskstofnsins en fyrr skv niðurstöðu Hafrannsóknarstofnunar.

Skyldi sjávarútvegsráðherra hafa sagt samráðherrum sínum að kvótakerið hafi Halldór Ásgrímsson klæðskearsniðiði í samráði við LÍÚ og farið á bak við formann sinn Steingrím Hermannsson. Steingrímur segir það alla vega í ævisögu sinni. Fiskveiðistjórnunarkerfið var sniðið að hagsmunum stórútgerðarinnar. 

Skyldi sjávarútvegsráðherra hafa sagt að afleiðingar kvótakerfisins væru að byggð við sjávarsíðuna væri víða að fara í eyði. Skyldi hann hafa sagt að formaður sjávarútvegsnefndar teldi það helst til varnar að takmarka veiði gríðarlega og láta ríkið standa fyrir atvinnubótavinnu?

Skyldi nokkur af fiskveiðiráðherrum Norðurlanda hafa orðað það að nauðsynlegt væri að breyta til þar sem kvótastýrðar fiskveiðar í því formi sem þær eru hér hafa hvergi skilað árangri?

Rætt um fiskveiðistjórnun, kosti hennar og galla

Athugasemdir

[Gunnar Skúli Ármannsson, 29.6.2007 kl. 19:42]

Góð athugasemd hjá þér Jón. Ég verð að játa að það hvarflaði hreinlega aldrei að mér að slíkt gæti gerst. En þetta er alveg rétt hjá þér, þegar vísindamenn fá niðurstöður sem eru ekki að þeim að skapi ber þeim samt að birta þær. Ráðherradómur er sjálfsagt ekki nein nákvæm vísindi.

[Ásthildur Cesil Þórðardóttir, 29.6.2007 kl. 20:06]

Sjávarútvegsráðherra vissi að öllum líkindum fyrir kosningar niðurststöður Hafrannsóknarstofnunar.  Það er mjög athyglisvert í ljósi þess sem gerðist síðan.  Þeir þekkjast ágætlega Einar Kristinn og forstjóri Kambs, sem ákvað að selja allt sitt 14. maí.

[Halldór Jónsson, 29.6.2007 kl. 21:35]

Hversu mikið prósent er Skinney --Þinganes í hagsmunum stórútgerðarinnar. Ekki var Halldór að sníða kerfið að sér og sinni fjölskyldu, var það nokkuð  ?

[Ágúst Bjarna]

Hefurðu kynnt þér vefsíðuna hans Ágústar ? Mér finnst að Þingmenn ættu að rýna í þetta línurit áður en farið er að kolefnisjafna Kolvið og Kyoto og ræða um græna skatta .  Það er erfitt að útiloka  möguleika á því að gróðurhúsið fræga muni ekki opna þaklúguna verulega innan einhverra ára fremur en að allt sé á leið til glötunar. Hvernig geta menn látið sem að sólin sjálf sé í einhverju aukahlutverki í okkar heimi ?

Reyndu að tala máli skynseminnar á Alþingi í þessum málaflokki Jón.   

12

 

 Myndin  sýnir breytingar á yfirborðshita jarðar (grái ferillinn) og breytingar á segulvirkni sólar (svarti ferillinn) frá árinu 1750. Eins og sjá má þá falla ferlarnir nánast saman.

Þessi mynd er teiknuð eftir gögnum frá Dr. Sallie Baliunas og Dr. Willie Soon, sem eru virtir vísindamenn við Harvard-Smitsonian Center for Astrophysics og Mount Wilson Institute.

Segulsveiflan er að meðaltali 22 ár, eða tvöföld sólblettasveiflan. (Myndin er gerð um 1998).

Ágúst Bjarna

[Sigurjón Þórðarson, 29.6.2007 kl. 22:50]

Það er mín tilfinning að Einar Kristinn hafi ekki pólitískt þor né sjálfstraust til þess að fara yfir þessi mál með gagnrýnum hætti og heldur í stað þess dauðahaldi í kenningar og sérfræðinga sem allir ættu að hafa séð fyrir löngu að hafa ekki skilað nokkru nema minni og minni afla á land. 

Þetta er sorglegt í ljósi þess að Einar er frá sjávarbyggð sem hefur farið mjög illa út úr þessari "stjórnun".

[Predikarinn - Cacoethes scribendi , 30.6.2007 kl. 01:19]

Jón Magnússon : Síðan hvenær hefur verið hægt að treysta nokkru sem Steingrímur Hermannsson hefur sagt ? Hann er víst ekki einu sinni búinn að greiða dómsáttina síðan í þjófnaðarmáli hans í Rannsóknarráði ríkisins sem var nú fyrir nærri 4 áratugum ! 

[Guðrún María Óskarsdóttir., 30.6.2007 kl. 02:05]

Jæja nefndu það bara Jón hvort menn gætu hugsanlega talað hreint út um málin.

kv.gmaria.

[Hallgrímur Guðmundsson, 30.6.2007 kl. 02:12]

Það væri sannarlega fróðlegt að vita hvaða boðskap hann flutti.

[Gunnar Skúli Ármannsson, 30.6.2007 kl. 18:57]

Ég er því miður sammála Sigurjóni. Tónninn í ráðamönnum er þannig að verulegur niðurskurður verði á aflaheimildum. Að ekki hafi tekist að afstýra aftöku hinna smærri sjávarbyggða er íhugunarefni.

[Ester Sveinbjarnardóttir, 5.7.2007 kl. 01:42]

Það hefði verið gaman að vera fluga á vegg þar.