Vill Sjálfstæðisflokkurinn nýja ríkisútgerð?

Einn þingmaður Sjálfstæðisflokksins telur eðlilegt að skoða það hvort stofna eigi til nýrrar ríkisútgerðar eða eyða skattfé til að styrkja strandsiglingar.  Þingmaðurinn komst að þessari niðurstöðu eftir að samgönguráðherra sagði honum að ein ferð flutningabíls með tengivagn orsakaði jafn mikið slit á vegum og ferðir 12.000 fólksbíla.  Þetta svar ráðherra er raunar með öllu glórulaust en það er annað mál. Þó við gefum okkur það að flutningabílarnir valdi svona miklu sliti þá er það ekki þar með sagt eðlilegt ályktun að stefna skuli að ríkisstyrktum flutningum á sjó. Vandamálið er vegakerfið en ekki flutningabílarnir.

Hvort sem mér, samgönguráðherra eða þeim þingmanni Sjálfstæðisflokksins sem vill framkvæma frjálshyggju með sósíalisma líkar betur eða verr þá eru flutningar stórra vöruflutningabifreiða komnir til að vera. Vandamálið eru ekki stóru flutningabílarnir heldur lélegir vegir.  Í vegamálum hafa menn hugsað allt of skammt og dregið rangar ályktanir af gefnum forsendum eins og þingmaðurinn sem vill nýja ríkisútgerð.

Við eigum að gera stórátak í samgöngumálum og búa til raunverulega varanlega vegi og mun breiðari en nú er. Vegirnir eru víðast svo mjóir að venjulegum ökumönnum finnst oft óþægilegt að mæta stórum flutningabílum þó þeir víki vel út í kant sem raunar gerist ekki alltaf.

Ríkisútgerð er afturhvarf til fortíðar og sýnir á hvaða hugmyndafræðilegu villigötum Sjálfstæðisflokkurinn er.

Athugasemdir

[Jóhann Pétur Pétursson, 7.5.2008 kl. 11:37]

Það eru fleiri hliðar á þessu Jón. Frá umhverfissjónarmiðum þá menga allir þessir vöruflutningabílar margfalt meira heldur en ef að vörurnar væru fluttar á sjó með skipum. Eitt skip gæti auðveldlega annað þessum flutningum sem að mörg hundruð flutningabílar flytja í dag.

Ég er að vissu leyti sammála ykkur báðum, þessum ónefnda sjálfstæðismanni og þér. Það þarf að byggja upp vegina, en það er alveg óháð því hvort að flutningar milli landshorna séu á vegum eða ekki. En ég er líka þeirrar skoðunar að það þurfi að draga úr flutningum á landi. En stofna sérstaka ríkisútgerð....nei það finnst mér fáránlegt, enda efast ég stórlega um sannleiksgildi þessarar sögu. Nær væri að styrkja flutninga á sjó sérstaklega.

[Jón Magnússon, 7.5.2008 kl. 13:34]

Jóhann þú getur lesið þetta í Fréttablaðinu í dag heiti greinarinnar er: Vegslit á við 9.000 fólksbíla.

Fólk vill fá vörur hratt og örugglega. Strandsiglingar leysa það ekki þó að færa megi mörg rök fyrir að þær gætu verið æskilegar. Þær lögðust niður vegna þess að markaðurinn vildi annað.

[IG (IP-tala skráð) 7.5.2008 kl. 14:26]

Ég get engan vegin áttað mig á því hvers vegna er ekki hægt að fullnægja þeim markmiðum að fólk fái vörur tímanlega með því að nota strandsiglingar. Er það ekki bara spurning um skipulagningu?

Strandsiglingarnar hafa í raun verið drepnar með því að niðurgreiða stórlega landflutninga. Persónulega finnst mér algjör óþarfi að veita fyrirtækjum eins og Landflutningum og Flytjanda ríkisstyrki. Ríkisstyrkirnir felast í því að þessi fyrirtæki greiða ekki réttlátt verð fyrir aðgang að þjóðvegakerfi landsins miðað við það álag sem þau valda. Ef að þingmaðurinn og ritstjóri þessarar síðu er hlynntur því að ríkisstyrkja þessi fyrirtæki þá er honum að sjálfsögðu frjálst að hafa þá skoðun en það samræmist allavega ekki mínum hugsjónum og réttlætiskennd.

"At the end of the day" hlýtur málið að snúast um hagkvæmustu lausnina. Ég efast ekki um að það er mun hagkvæmara að koma þungaflutningum aftur út á sjó frekar en að byggja hér upp vegi sem ráða við þessa flutninga.

[Ari Björn Sigurðsson, 7.5.2008 kl. 14:51]

Sammála IG. Með hækkandi olíuverði eiga landflutningarnir svo eftir að verða enn óhagkvæmari í samanburði við sjóflutninga í framtíðinni. Vegagerð og viðhald vega verður líka sífellt dýrara eftir því sem olían hækkar. Það er glapræði að skoða ekki hinn kostin þ.e. sjóflutninga.

[Arnór Valdimarsson (IP-tala skráð) 7.5.2008 kl. 15:08]

Hundrað millur í Franska herinn hefðu nú betur sómt sér í vegakerfinu.  Meiri hætta stafar landanum af Reykjanesbraut t.d. og Suðurlandsvegi en Rússum, Þar er fólk að deyja og limlestast mest fyrir fjársvelti stjórnvalda til vegaframkvæmda.

En ég er 100% sammála þér hér að ofan Jón, Vegakerfið er vandinn en ekki trukkarnir,  og Ríkisútgerð yrði mikil afturför. Enda er ég ekki sammála þessum útreikningi á vegsliti, en ef þeir koma frá Vegagerðinni er ég svo sem ekki hissa. Þeirra reikniskekkjur eru landsfrægar eins og í Grímseyjaferju, Breiðafjarðarferju, Reykjanesbraut og fl. 

En kanski þarf að athuga styrkjakerfi ríkisins ef að skipafélög fá greidda styrki fyrir að flytja frakt landleiðina? Þarf ekki að skilyrða styrkina við strandflutninga?

Ég vil sjá að tekjur sem koma inn á ökutækjum fari í uppbyggingu á samgöngukerfinu, en ekki í svona gæluverkefni. Og þær eru gríðarlegar. T.d. Olíugjald, Þungaskattur, Vaskur, Bifreiðaskattur sem var settur á til bráðabirgða, 1988 minnir mig og er innheimtur enn. Og fleira mætti telja.

[Arnór Valdimarsson (IP-tala skráð) 7.5.2008 kl. 15:25]

Á meðan fæstir okkar vegir uppfylla Evrópustaðla með vegaaxlir, öryggi og fl. Er hjákátlegt að yfirvöld eru upptekin sem aldrei fyrr að innleiða Evrópulög fyrir þegnana að fara eftir.

[Árni Gunnarsson, 7.5.2008 kl. 17:00]

Ég er sammála því að Reykjanesbrautin muni óbreyttu stefna fleiri mannslífum í hættu en innsiglaður óvinurinn í austri.

Svo er ég auðvitað hjartanlega ósammála mínum ágæta vini Jóni Magnússyni hvað samanburðinn á strandflutningum og landflutningum varðar.

Legg svo til að ríkisstjórn Ingibjargar Sólrúnar geri sér grein fyrir mannréttindabrotum í fiskveiðistjórn okkar og bregðist við nýföllnum úrskurði þess efnis.

[Olgeir Engilbertsson (IP-tala skráð) 7.5.2008 kl. 23:16]

Það er náttúrulega ekkert nema rugl að vera að flytja ýmsa þungavöru á bílum landshorna á milli. Ég ætla ekki að segja mikið um vegaslit stóru bílanna ,en mig minnir að ég hafi séð svipaðar tölur úr erlendri rannsókn fyrir mörgum árum. Það er eðlilegt að ýmsar matvörur þurfi að komast í verslanir hratt og örugglega ,en þurvörur og það sem ekki skemmist á stuttum tíma hlýtur að þola sjóflutning. Hraðinn og firringin er orðin svo mikil að allt þarf helst að gerast í gær.Hvers vegna eru ekki hraðahindranir á götunum í Hamborg. Vegna þess að fólk hugsar öðruvísi og fer eftir reglum. Hér duga ekki hraðahindranir . Það væri fróðlegt að sjá útreikning á því hvað allar hindraninrar á Reykjavíkursvæðinu auka mikið af  útblæstri gróðurhúsalofttegunda á hverjum degi.  Fyrir nokkrum árum hitti ferðafélagi minn mann sem hann þekkti frá Hornafirði og spurði hann hvað hann væri að vinna. Hann sagðist vera að flytja ruglið í þjóðfélaginu,en hann var á stórum flutningabíl að flytja fisk austan af fjörðum til Grindavíkur..  Á fyrri tímum var algengt að bændur færu haust og vor í verslunarferðir td.að Eyrarbakka og þá varð að skipuleggja sig vel. Nú má fólk ekki vera að því að lifa og alltof margir leggja ekki af stað í vinnu og annað fyr en á síðustu stundu og þannig verður umferðin eitt logandi stress. Góðar stundir

[Gunnar (IP-tala skráð) 7.5.2008 kl. 23:27]

Sammála Jóni Loksins einhver sem segir eitthvað að viti hér á landi. Vegirnir hér eru til skammar og hafa tekið mörg mannslíf sem eru ómetanleg. Skip menga alveg svakalega mikið og það þarf mikla olíu til að halda bátsvel gangandi,þannig að fara blanda einhverjum mengunar rökum á móti vörubílum falla um sjálftsig. Ríkisstjórnin ætti að fara einbeita sér að þvi að bæta vegi landsins og hvíla jarðgangagerð, það sér hver heilvitamaður hér á landi. Mér fnnst að það ætti að leggja tvöfaldan veg austur að Höfn í Hornafirði og norður að Akureyri en halda áfram að nota núverandi þjóðveg nr 1 sem sveitaveg, þá væru aðreinar inná hann sem fólk gæti notað til að stoppa í sveitum landsins eða keyra um afslappað á sveitavegi sem hann er. Það væri frábært að geta skroppið til austur eða norður og keyrt á góðum vegi og aldrei með umferð úr gagnstæðri átt sem kemur á 90 km hraða  50 cm frá bílnum manns. Það er nú bara staðreynd að flestir íslendingar eru með hjartað í brókinni þegar þeir mæta bíl út á landi. það eru margir sjá ekki heldur hvað þetta væri gott fyrir samgöngur og hvað bæir út á landi myndu stækka, ástæðan er einfaldlega sú að það væri ekkert mál að skreppa hvert sem er ef vegirnir væru í lagi. Þá væri fólk ekkert að víla fyrir sér að skreppa til Akureyrar eða Hvolsvallar,sem sagt bottom line í þessu er að bæir myndi stækka atvinnulíf myndi blómstra allir myndu keyra á öruggum vegum en beygja síðan út á núv.þjóðveg þegar þeir sjá skilti Hvolsvöllur 1000 metrar eða borgarnes 1000 metrar. Takk fyrir mig

kv,

Gunnar