Pólitísk óþrif.

Ég minnist þess að hafa setið við fótskör Bjarna Benediktssonar fyrrum formanns Sjálfstæðisflokksins þar sem hann talaði um þau óþrif sem pólitískar stöðuveitingar væru á Íslandi það ætti að ráða fólk á faglegum grundvelli. Ég man að Bjarni sagði það þarf að þvo þessi óþrif af þjóðinni.

Nú er öldin önnur og líðin tæp 40 ár.  Þessa dagana og um áramótin voru ráðherrar iðnir við póitískar mannaráðningar. Árni Mathiesen féll á prófinu þegar hann skipaði Þorstein Davíðsson

Nú fellur Össur Skarphéðinsson á prófinu. Hann og flokksmenn hans eru raunar þekktir fyrir að misnota vald í þessum tilgangi þegar þeim hentar og þeir hafa tækifæri til.

Mér finnst ansi langt í að draumsýn farsælasta og framsýnasta stjórnmálaleiðtoga okkar á 20. öldinni Bjarna Benediktssonar rætist en að því verða allir réttsýnir menn að vinna. Við verðum að gera þær kröfur til stjórnvalda að þau  afgreiði málin faglega en rugli ekki í biðröðinni eftir flokkslínum eða frændgarði.

Bragð er að þá Kratar finna.

Einn helsti eðalkrati þjóðarinnar  Björgvin Guðmundsson fyrrverandi borgarfulltrúi Alþýðuflokksins hefur verið iðinn við að kveða sér hljóðs og skrifað m.a. fjölda greina í dagblöð. í Morgunblaðinu 2. janúar birtist grein eftir Björgvin undir heitinu "Aðgerðarlítil ríkisstjórn".  Þar spyr þessi fyrrum forustumaður Alþýðuflokksins hvort Samfylkingin hafi sett svip sinn á ríkisstjórnina? Hefur þess orðið vart að jafnaðarmenn eigi sæti í ríkisstjórn Íslands? og hann svarar: "Þess hefur lítt orðið vart".

Björgvin bendir á að ekki sé talað um kvótakerfið síðan talar hann um nauðusyn þess að afnema skerðingar tryggingarbóta, hækka skattleysismörkin og hækka lífeyri aldraðra.

Það er rétt hjá Björgvin Guðmunssyni að ríkisstjórnin hefur verið aðgerðarlítil og hann bendir réttilega á brýn þjóðfélagsmál sem frjálslynd umbótastjórn mundi taka á þegar í stað.

Það vill hins vegar þannig til að öll þau mál sem að Björgvin Guðmundsson ber svo mjög fyrir brjósti og bendir á í grein sinni eru þjóðfélagsmál sem Frjálslyndi flokkurinn hefur mótað tillögur um og flutti frumvörp á Alþingi við þingbyrjun í haust varðandi þau mál sem Björgvin nefnir sérstaklega. Er ekki ljóst að Börgvin Guðmundsson og þeir sem hafa svipaðar skoðanir og hann eiga því mun frekar samleið með Frjálslynda flokknum en Samfylkingunni?

Samfylkingin hækja Íhalddsins?

Flokksformenn fara misjafnlega að þegar þeir tjá sig um flokka sína. Þannig talar formaður Samfylkingarinnar um það í Morgunblaðinu 31. desember s.l. að Samfylkingin sé orðin burðarstoð í íslenskum stjórnmálum. Það vakti athygli mína að formaðurinn sagði ekki að Samfylkingin væri burðarás heldur burðarstoð. Samkvæmt mínum málskilningi er þarna reginmunur á. Stoð er notuð til að styðja við eitthvað og mér kom þá í hug hvort að enn ein sönnun kenninga Sigmund Freud sálkönnuðar hefði komið fram með því hverngi Ingibjörg Sólrún hagar ummælum sínum um Samfylkinguna. Spurning er hvort henni finnist sjálfri að Samfylkingi gegni því meginhlutverki í ríkisstjórninni að vera hækja fyrir Sjálfstæðisflokkinn.

Þessi orð sem formaður Samfylkingarinnar notar eru einkar athygliverð þegar það er skoðað að formaður Sjálfstæðisflokksins forsætisráðherra segir í sama blaði að ekki hafi verið erfitt að mynda ríkisstjórn Samfylkingar og Sjálfstæðisflokks og munurinn ekki reynst mikill þrátt fyrir það sem sagt var í kosningarbaráttunni. Ber að skilja þau ummæli þannig í samhengi við áður tilvitnuð orð formanns Samfylkingarinar að í raun hafi Samfylkingin ekki sett nein fyrirfarandi skilyrði fyirr samstarfi við Sjálfstæðisflokkinn í ríkisstjórn því svo mikið hafi þeim legið á að verða hækja íhaldsins.

Stjórnmálafundur á Kanaríeyjum.

Framsóknarflokkurinn var með stjórnmálafund á svonefndum Klörubar á Kanaríeyjum í dag. Þar var frummælandi Bjarni Harðarson alþingismaður en einnig var á fundinum Halldór Ásgrímsson sem eit sinn var í forustu fyrir Framsóknarflokkinn og lét til sín taka á fundinum.

Þrátt fyrir að ég væri boðflenna á fundinum var mér boðið að taka til máls sem ég gerði að sjálfsögðu en umræður voru fjörugar á fundinum þrátt fyrir að úti fyrir væri 30 stiga hiti og glampandi sól.

Þetta var skemmtileg uppákoma af hálfu þeirra Framsóknarmanna. Ljóst var að ég var ekki eina boðflennan á fundinn. Greinilegt var að það voru þarna allra flokka fólk en á þaðs skorti samt að stjórnarsinnar létu til sín taka á fundinum. Ef til vill fer þeim svna mikið fækkandi?

Glæsilegur sigur Obama.

Yfirburðasigur Obama í forkosningum Demókrata í Iowa kemur nokkuð á þægilega á óvart. Skoðanakannanir rétt fyrir kosningarnar sýndu að mjótt yrði á mununum milli Hillary Clinton, John Edwards og Barack Obama. Niðurstaðan var hins vegar yfirburðasigur Obama.

Það er athyglivert að Hillary Clinton skuli vera í þriðja sæti í forkosningunum þrátt fyrir alla þá peninga og skipulag sem að kosningabarátta hennar hefur. Hennar tími gæti þó koimð þó úrslitin í Iowa bendi til að svo muni ekki verða.

Iowa er miðvesturríki í Bandaríkjunum sem byggt er að stærstum hluta hvítu fólki. Það hefur greinilega ekki fordóma gagnvart Obama eins og úrslitin sýna. Obama hefur fengið mikinn vind í seglinn með þessum úrslitum.

Fyrir Bandaríkin þá er spurningin hvaða forseti er líklegur til að bæta þann skaða sem George W. Bush jr. hefur valdið. Ég get ekki séð að fulltrúi gömlu viðhorfanna Hillary Clinton geti gert það í röðum Demókrata finnst mér það helst vera Obama og í röðum Repúblíkna John McCain sem hefur fordæmt pyntingar á föngum og verið frjálslynda skynsemisröddin innan Repúblikanaflokksins á tímum þeirra hremminga sem George W. Bush jr. hefur fært yfir flokkinn og Bandaríikin

Huckabee og Obama sigruðu

Er ekki kominn tími til að ríkisstjórnin dragi úr skattheimtu af bensíni?

Heimsmarkaðsverð á olíu hækkar og hækkar með þeim afleiðingum að verð á bensíni og olíum til neytenda á Íslandi hækkar og hækkar. Sverasti olíufurstinn á Íslandi er ríkissjóður sem tekur stóran hluta af verði á bensíni og olíum í ríkissjóð. Þeim mun meira sem olía hækkar í verði þeim mun hærri verða álögur ríkisins af því að þær reiknast hlutfallslega af útsöluverði.

Hækkun á olíum og bensíni á síðasta ári var 25% sú hækkun hækkar vísitölu nesysluverðs til verðtryggingar. Þar með hækka vísitölubundin lán. Ríkissjóður getur verið fullsæmdur af því að taka þá krónutölu af olíum og bensíni sem hann tók áður en heimsmarkaðsverð á olíu fór að hækka. Með því að halda óbreyttum hlutfallslegum álögum á bensín og olíur er ríkissjóður í raun að hækka skatta og hækka skuldir fólksins í landinu.

Með því að gera ekkert til að draga úr skattheimtu og vinna gegn verðbólgu leggur ríkisstjórnin grunn að því að erfiðleikar verði meiri í efnahagskerfinu en þeir þurfa að vera. Hvaða tilgangi þjónar það eiginlega hjá ríkisstjórninni að stuðla að þessum ofurhækkunum á nauðsynjavöru eins og bensíni og olíum. Markaðshyggjuríkisstjórn mundi ekki haga sér með þessum hætti. Frjálslynd umbótastjórn mundi þegar í stað draga úr álögum sínum til að tryggja hagsmuni borgaranna og koma í veg fyrir að ríkissjóður taki stöðugt hærra hlutfall til sín af þjóðarframleiðsslunni.

Það er ekki hægt að vinna gegn verðbólgu á Íslandi af nokkru viti með stýrivaxtahækkunum eingöngu. Mun mikilvægara í því sambandi er aðhaldssöm stefna ríkisstjórnar í ríkisfjámálum. Því miður þá ætlar ríkisstjórnin að fara þveröfuga leið.  Það er alvarlegt  mál og ógnar stöðugleika í þjóðfélaginu og lífskjörum almennings. 

Eldsneytisverð hefur hækkað

Spennandi forkosningar í Bandaríkjunum.

Forkosningar í Iowa í Bandaríkjunum á morgun eru afar spennandi sérsstaklega hjá Demókrötum. Allar líkur eru á því að Demókrati verði næsti forseti Bandaríkjanna. Barack Obama er tvímælalaust mest spennandi af frambjóðendum Demókrata. Framtíðarsýn Barack Obama er athygliverð en Hillary Clinton finnst mér vera dæmigerður frambjóðandi gamla tímans. Ég vona að Barack Obama vinni góðan sigur í forkosningunum í Iowa.

Frambjóðendur Repúblikana eru ekki spennandi þó með þeirri undantekningu að John McCain Öldungadeilarþingmaður frá Nevada er merkilegur stjórnmálamaður og byggir líka á framtíðarsýn vonar eins og Barack Obama. Ég vona að þeir John Mc Cain og Barack Obama verði frambjóðendur stóru flokkana. Þá er líklegt að við fáum  þolanlegan forseta í Bandaríkjunum og er virkilega mál til komið.

Gleðilegt ár 2008

 Ég óska landsmönnum öllum gleðilegs ár og þakka það liðna.

Árið 2007 var gott að flestu leyti. Velmegun og næg atvinna héldust allt árið. Vonandi verður nýja árið ekki síðra en það sem nú er nýliðið. Það eru að vísu ýmsar blikur á lofti. Minnkandi veiði vegna kvótaskerðingar og hætt er við að helsti vaxtabroddurinn í íslensku atvinnulífi, fjármálastarfsemin, muni ekki skiila jafn mikilli aukningu á nýja árinu og undanfarin ár.

Þrátt fyrir að óveðursský séu á fjármálahimninum í Bandaríkjunum og Bretlandi þá þarf það ekki að koma alvarlega við okkur ef ríkisstjórnin verður vakandi og bregst við fyrirfram en ekki eftir á.

En það á eftir að koma í ljós. Ég vil nota þetta tækifæri til að þakka þeim fjölmörgu sem hafa notað sér bloggsíðuna mína og þeim sem hafa sent málefnalegar athugasemdir þó þeir séu ekki sammála því sem skrifað er. Ég vonast til að á bloggsíðunni geti verið lifandi umræða á nýja árinu