Vá Ísland

Auðkýfingurinn Elon Musk var sagt frá uppákomunni á Alþingi þegar einn af sonum Allah hafði uppi háreysti og ógnaði Alþingi og sagði "Vá Ísland".

Ísland er í hugum margra friðsælt, fámennt land og við höfum lengi státað af því að glæpir væru fáir og fólk almennt óhult jafnvel á göngu í Reykjavík að nóttu til. 

Höfundur bókarinnar Evrópska Arabía talar um hvað Ísland sé lánsamt að hafa nánast enga múslima á meðan aðrar þjóðir væru að glíma við mjög alvarleg vandamál vegna þeirra. 

Elon Musk hefur vafalaust haft þessa mynd af Íslandi, sem friðsamt öruggt samfélag,einsleitrar þjóðar, griðarstaður gegn ofbeldi og hryðjuverkum. Nú er það veröld sem var. 

Stefna stjórnvalda í málefnum hælisleitenda í rúman áratug hefur gjörbreytt þjóðfélaginu og það er bara byrjunin ef ekki verður gjörbreytt um stefnu.

Það eru hinsvegar sorgleg og röng skilaboð sem stjórnvöld eru að gefa með því að leysa ofstopamanninn sem ógnaði Alþingi úr haldi lögreglu nokkrum klukkutímum eftir að hann ógnaði öryggi Alþingis. Hvar eru lögregluyfirvöld og ákæruvald eiginlega stödd, að gefa ekki þegar í stað út ákæru á hendur manninum sem og þeim sem veitast ítrekað að utanríkisráðherra. 

 

Með sama áframhaldi er stutt að bíða að fólk víða um heim segi "vá Ísland" í þeirri meiningu að hér ríki stjórnleysi og upplausn og hér megi búast við hverju sem er. Þá gufa ekki rúmlega 25 milljarðar út í loftið heldur dragast tekjur af ferðaþjónustu saman um hugsanlega hærri upphæð. Fólk vill fara til landa sem búa við og öryggi ekki landa þar sem er óstjórn og ofbeldi er látið átölulaust.