Af hverju að skipta um ráðherra núna?

Jóhönnu Sigurðardóttur lá á að gera breytingar á ríkisstjórn sinni þegar vandræðamál Gylfa Magnússonar kom upp. Þrátt fyrir að Gylfi viðskiptaráðherra væri ítrekað beraður af að hafa sagt þingi og þjóð ósatt, þá lýsti Jóhanna Sigurðardóttir yfir stuðningi við hann og taldi hann trúverðugan. Nú liggur hins vegar fyrir að þau hafa hvorugt talið að Gylfi Magnússon væri á nýjan þingfund setjandi og því verður að gera breytingar á ríkisstjórn sem annars hefði ekki komið til fyrr en í lok september í fyrsta lagi.

Gylfi Magnússon dregur vinsælasta ráðherra ríkisstjórnarinnar með sér í fallinu. Ragna Árnadóttir sker sig úr ráðherrahóp ríkisstjórnarinnar að því leyti að hún hefur gegnt störfum sínum af fagmennsku og heiðarleika. Hún er auk heldur vinsælasti ráðherrann.  Við þær aðstæður er óneitanlega dómgreindarbrestur af forsætisráðherra að ýta henni til hliðar jafnvel þó að óhjákvæmilegt hafi verið að láta Gylfa fara.

Með þessum breytingum er verið að reyna að berja í brestina og tryggja ríkisstjórninni þingmeirihluta. Nú verður órólega deildin í Alþýðubandalaginu sennilega til friðs og kokgleypir Icesave og Evrópusambandið af því að hún fær þá dúsu að Ögmundur verður ráðherra. Verði svo þá er óhjákvæmilegt að spyrja hvort hugsjónirnar hafi ekki verið mikilvægari en það að þær hafi þegar á öllu hafi verið á botninn hvolft snúist um ráðherradóm Ögmundar Jónassonar.

Athugasemdir

[Gunnar Heiðarsson, 2.9.2010 kl. 10:38]

Svo situr Árni Páll áfram, sem hefur varla getað tekið nokkra skammlausa ákvörðun sem ráðherra hingað til. Nú skal sá maður fara að stjórna efnahagsmálum þjóarinnar!!

Össur er náttúrulega traustur í sinni stöðu, jafn vel þó hann hafi sýnt það allan sinn þingferil og ráðherraferil að getuleysi hanns í stjórnmálum almennt séð, er ekkert. Hann á að sinna þeim skjólstæðingum sínum sem hann hefur sinnt best hingað til, urriðanum í Þingvallavatni!

[Kristinn Karl Brynjarsson, 2.9.2010 kl. 12:16]

Frá því að Vinstri grænir komust í ríkisstjórn, þá hefur "exportmagnið" í hugsjónakaffi þeirra farið vaxandi með degi hverjum.

[Jón Magnússon, 2.9.2010 kl. 13:56]

Er ekki verið að flytja Árna til Gunnar af því að hann gengur ekki þar sem hann er?  Ég er ekki sammála þér með Össur. Össur er mjög fær stjórnmálamaður.

[Jón Magnússon, 2.9.2010 kl. 13:57]

Já Kristinn fróðlegt að sjá hvernig það verður núna eftir að formaður hugsjónadeildarinnar hefur á ný verið leiddur inn í ríkisstjórn.

[Baldur (IP-tala skráð) 2.9.2010 kl. 19:00]

Jóhanna er eins og biskup kaþólsku kirkjunnar og Árni Páll eins og einn af níðingsprestum hennar, sama hvað hann gerir af sér þá verður hann einfaldlega fluttur til í starfi.

Sama gildir reyndar um restina af þessu liði, hér hefur ekkert breyst og mun aldrei nokkurn tímann breytast.

Pólitíkusar og ábyrgð eru tvö orð sem munu aldrei eiga samleið, því miður.