Leita í fréttum mbl.is

Afbókanir, Sterk króna og svört atvinnustarfsemi

Í fréttum í kvöld var sagt að mikið væri um afbókanir erlendra ferðamanna. Framkvæmdastjóri bændaferða sem rætt var við, var ekki í vanda með að finna blórabögglana sem væru þessu valdandi. Að hans mati þá eru vandamálin tvö:

Sterk króna og svört atvinnustarfsemi.

Hér á landi þurfa menn almennt ekki að rökstyðja sitt mál og fréttamenn spyrja sjaldnast áleitinna spurninga. 

Eðlileg spurning til framkvæmdastjórans hefði t.d. verið. Með hvaða hætti getur svört atvinnustarfsemi orsakað það að ferðamenn afbóki sig. Það er ekkert orsakasamhengi þar á milli. Svört atvinnustarfsemi hefur ekkert með afbókanir að gera. 

Þegar krónan styrkist þá verða aðföng keypt erlendis frá ódýrari. Sterk króna ætti því að gera aðilum í ferðaþjónustu kleift að selja þjónustuna ódýrari. Sterka krónan er notuð sem til að afsaka það gegndarlausa okur, sem er í landinu. Okur sem stafar að hluta til vegna þess, að stjórnvöld hér hafa aldrei talið sig eiga skyldum að gegna við neytendur þessa lands. Þess vegna komast seljendur upp með hluti sem þeir gera ekki í nágrannalöndum okkar. 

Öllum sem hafa fylgst með hefur verið ljóst að okrið í  ferðaþjónustunni hefur verið gegndarlaust. "Ódýr" bændagisting kostar iðulega meira en 5 stjörnu hótel í erlendum stórborgum. Matur á veitingahúsum er svo dýr, að ferðamenn flykkjast í lágvöruverslanir til að kaupa sér vistir. Bílaleigubílar og hvað sem er kostar margfalt meira en í okkar heimshluta. Þetta veldur íslenskum stjórnmálamönnum ekki andvökum. Þeirra helsta áhyggjuefni hefur fram að þessu verið með hvaða hætti hægt er að skattleggja ferðamenn enn meir en þegar er gert.

Ferðaþjónustan er gríðarlega mikilvægur atvinnuvegur. Við vorum í fyrra mesta ferðamannaland í Evrópu hlutfallslega miðað við fólksfjölda. Viðfangsefni þeirra sem stýra málum innan ferðaþjónustunna sem og stjórnvalda ætti að felast í, að stuðla að því að þjónusta hér verði seld ferðamönnum sem og íslenskum borgurum á samkeppnishæfu verði. 

Það mun valda þjóðhagslegri kreppu ef ferðamönnum fækkar verulega. Stundum betra að græða minna í einu en meira til lengri tíma litið og okra ekki á fólki eins og engin sé morgundagurinn. 

Afbókanir erlendra ferðamanna er okri seljenda að kenna ekki krónunni eða svartri atvinnustarfsemi. 

Vinur minn sem fer víða sagði mér um daginn, þá nýkominn frá Bandaríkjunum, að öðruvísi en áður var, þá vissu allir eitthvað um Ísland og það væri áhugavert land, en það væri hins vegar hræðilega dýrt. Af hveru vita Bandaríkjamenn það. Vegna þess að landar þeirra sem hafa sótt Ísland heim hafa þá sögu að segja. Líka frá þeim tímum þegar krónan var mun veikari.

Hvað var þá að? 


« Síðasta færsla | Næsta færsla »

Athugasemdir

1 Smámynd: Þorsteinn Siglaugsson

Það er alveg rétt að svört atvinnustarfsemi dregur ekki úr komum ferðamanna. En sterk króna gerir það vitanlega, hvað þá þegar við bætast gríðarlegar launahækkanir undanfarin misseri, því launakostnaður er nú einu sinni einn meginkostnaðarliður ferðaþjónustunnar. En jafnvel þótt þessu væri ekki til að dreifa er auðvitað ekki hægt að gera ráð fyrir að ferðamönnum fjölgi endalaust með sama hraða og síðustu ár.

Þorsteinn Siglaugsson, 28.4.2018 kl. 23:11

2 Smámynd: Tryggvi Helgason

Ég er þér alveg sammála. "Sterk" króna er ekki vandamálið. Margir aðrir gjaldmiðlar eru sterkir, dollarinn er sterkur og breytist lítið í verðgildi. En það er hin gengdarlausa gróðafíkn sem er vandamálið, allir vilja græða meira og er ríkið engin undantekning, það er sífellt verið að hækka skatta og álögur. Verð á íbúðum og einbýlishúsum er sagt, að hafi hækkað um 20% á rúmu ári, þótt innflutningsverð á byggingavörum hafi ekkert hækkað og vinnulaun lítið breytst. Hvernig getur svona lagað endað ? Það er sem menn, - þingmenn, ráðherrar sem aðrir, - sjái ekki hættumerkin.

Ef verð á vörum og þjónustu við ferðamenn heldur áfram að hækka, þá blasir það við, að það verði hrun í ferðamennskunni, - og hvað gerist þá ?

Tryggvi Helgason, 28.4.2018 kl. 23:39

3 Smámynd: Halldór Jónsson

Skiljanlega leitar ferðamaður að leiðum til að spara. Étur frekar samlokur heldur en plokkfisk ´40 dollara.. Maður fær hakkbollur frá ORA með kartöflumús og grænmeti tilbúið í upphitun á 10 dollara og skammturinn er nægur fyrir 2. Af hverju að fara á veitinghús og borga 50 dollara fyrir 2 fyrir mat sem er ekkert betri en bakkinn frá ORA?

Tryggvi, af hverju kaupi ég einbýlishús í Florida með tveggjabíla bílskúr á 250.000 dollara meðan það kostar  pí sinnum meira hér á Íslandi eða bara líklega frekar tvöpí sinnum meira hér en þar. Hundraðþúsundkall fermetrinn á móti 4-800.000 kall hérna.

Af hverju kostar bensínlítrinn meira hér en gallónið á FLorída?

Er þetta allt túristavænt? 

Halldór Jónsson, 30.4.2018 kl. 05:56

4 identicon

Laukrétt Jón 

Sverrir Arngrimsson (IP-tala skráð) 30.4.2018 kl. 08:36

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 212
  • Sl. sólarhring: 292
  • Sl. viku: 4802
  • Frá upphafi: 2267946

Annað

  • Innlit í dag: 197
  • Innlit sl. viku: 4436
  • Gestir í dag: 197
  • IP-tölur í dag: 190

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband