Sigurgangan

Sjálfstæðisflokkurinn hefur haldið um ríkisfjármálin nánast óslitið frá 2013 og jafnan haft það á stefnuskránni að berjast gegn útþennslu ríkisbáknsins. Einu sinni settum við þá ungir Sjálfstæðismenn fram vígorðið "Báknið burt" En það gekk ekki eftir enda báknið orðið svo stórt að það sér um sig sjálft á kostnað skattgreiðenda. 

Nú hefur sá árangur náðst undir traustri efnahagsstjórn Sjálfstæðisflokksins undanfarin ár, að stöðugildum hjá ríkinu hefur aðeins fjölgað um 9.3% á síðustu 6 árum eða alls 2.101 starfsmann á tímabilinu.

Þessari hlutfallslegu aukningu í fjölgun ríkisstarfsfólks hefur engin af nágrannaþjóðum okkar náð þrátt fyrir að vondir sósíalistar hafi iðulega verið þar við völd.

Sjálfstæðisflokkurinn getur því horft stoltur til þess að hafa náð þeim árangri í baráttunni við báknið að það skuli hafa vaxið með mesta hraða í okkar heimshluta þann tíma sem Sjálfstæðisflokkurinn hefur stjórnað ríkisfjármálunum.

 

Athugasemdir

[Jónatan Karlsson, 26.9.2019 kl. 17:47]

Kaldhæðnin lengi lifi.

[Halldór Jónsson, 27.9.2019 kl. 13:12]

Long live our illustrious leaders and O3!

[Jón Steinar Ragnarsson, 27.9.2019 kl. 15:45]

Jóhanna bjó til ótal stöðugildi hjá ríkinu og sendi rest í háskóla til að fela og lækka atvinnuleysistölur á sínum tíma. Hvers vegna sjálfstæðisflokkurinn bætir um betur er erfitt að skilja nema að þeir hafi breyst í miðstjórnarvald sem vill hafa alla tauma í höndum sér eða er orðinn varnarlaust í höndum innræktaðs embættismannakerfis sem vex eins og púkinn á fjósbitanum og engin fær við ráðið.

Kannsski er þetta líka hluti af glóbalískri strategíu hins Orwellíska Björns Bjarnasonar, sem leggur allar línur fyrir stórn flokksleysunnar.