Hefur stjórn Orkuveitu Reykjavíkur engar starfsskyldur?

Eftir að hafa lesið viðtal við fráfarandi borgarstjóra þar sem fram kemur að hvorki hann né margir aðrir stjórnarmenn í Orkuveitu Reykjavíkur hafi kynnt sér grundvallargögn og samninga til langs tíma. Af því tilefni spyr ég hverjar eru starfsskyldur stjórnarmanna í Orkuveitu Reykjavíkur. Ber þeim ekki að kynna sér öll þau gögn sem skipta máli fyrir starfsemi fyrirtækisins. Skiptir samningur sem bindur fyrirtækið að verulegu leyti til 20 ára ekki máli?

Hvað með skyldur lykilstarfsmanna fyrirtækisins. Ber þeim ekki skylda til að upplýsa kjörna stjórnarmenn Orkuveitunnar um helstu atriði í starfsemi fyrirtækisins og framtíðaráformum.

Hvað fá stjórnaramenn í Orkuveitu Reykjavíkur greitt fyrir setu sína í stjórn fyrirtækisins?

Eftir því sem séð verður þá hafa allir stjórnarmenn fyrirtækisins brugðist hrapalega. Sé það sem fram kemur hjá fráfarandi borgarstjóra rétt varðandi 20 ára framsal mikilvægrar þjónustu Orkuveitunnar til REI þá hljóta spurningar að vakna um það hvort samningurinn sé ekki ógildur eða ógildanlegur. Það reynir á nýja meirihlutann að taka til hendinni hvað það varðar.

Athugasemdir

[Þórir Kjartansson, 14.10.2007 kl. 13:52]

Þetta er nú orðið það mikið sukk og svínarí að ég held að það ætti að reka alla toppana þarna. Þeir eru greinilega að ganga erinda stóru hákarlanna, sem eru nú á fullu að reyna að eignast orkulindirnar.  Set allt mitt traust á að Svandísi í þessu. Kratarnir virðast vera bæði hráir og soðnir í þessu eins og oft vill verða á þeim bæ.

[Guðrún Þóra Hjaltadóttir, 14.10.2007 kl. 14:07]

Já þetta er ferlegt sukk og svínarí, og auðvitað eiga þeir allir að víkja. Þetta er örugglega ekki einsdæmi í íslenskri pólitík. Það er skítur út um allt..

Svona vinnubrögð eiga ekki að viðgangast í opinberum fyrirtækjum og það verður að taka mun harðar á þessu en gert er. Það þyrftu að vera fleirri heiðarlegir menn en Þórólfur sem átti jafnvel minnstan þátt í olíumálunum.

[Guðrún Magnea Helgadóttir, 14.10.2007 kl. 14:58]

Stjórnmálamenn, Alþingismenn hverju sinni fjalla um þau mál sem þeir halda að þeir geta fengið athygli frá almenningi, þá æsa þeir sig upp í umræðunni sem verður á endanum eins og sápukúlu blástur.

Íslendingar, almenningur eru undirokaðir af stjórnvöldum... Þeir eru ofurhræddir við að láta skoðanir sínar í ljós.

[Guðrún Magnea Helgadóttir, 14.10.2007 kl. 15:24]

Kæri Jón. Þú hefur án alls efa lesið bréfið sem ég sendi til allra Alþingismanna og í pósti til þín, dagsett 4. nóvember 2003 varðandi órannsakaðan sannleikann í Geirfinnsmálinu og dauða fyrrverandi sambýliskonu Ásbjörns Ólafssonar en hann lést árið 1977 . Hver var dánaðarorsök Dagbjörtu Eyjólfsdóttur sambýliskonu Ásbjörns Ólafssonar eins ríkasta einstaklings sem við áttum þá en hún fannst látin 19. apríl 1979, þeirri spurningu hefur ekki verið svarað. Hver er ábyrgð lögreglu á að upplýsa sakamál sem þeir eiga aðild að. Hverjir rannsaka lögregluna nema þeir sjálfir. Sannleikann í Geirfinnsmálinu þar sem Hæstiréttur dæmdi sakborninga seka án allra sannana þann 22.02.1980 .Slóðin á bréfinu er. http://mal214.googlepages.com

Hvað ætlið þið frjálslyndir að gera varðandi sannleikann í málunum???

[Predikarinn - Cacoethes scribendi , 14.10.2007 kl. 19:03]

Sæll Jón. Ég er sammála þér í því að ég tel kjörna stjórnarmenn í OR hafi brugðist skyldum sínum Kannski eru stjórnarstólarnir of þægilegir og launaseðillinn of sver til að menn vilji fara að rugga bátnum.

Guðrún Magnea Helgadóttir  : Það kann vel að vera að menn hafiu verið dæmdir saklausir í Geirfinns- og Guðmundarmálum. Ég blaðaði í gegn um hinn mikla doðrant sem hefur að geyma dóm Hæstaréttar um þau mál.  Það má vel sjá að þó svo að sakborningar hafi verið dæmdir sekir í sakleysi sínu þá áttu flestir þeirra fangavistina skilda vegna ótal annarra brota sem þeir voru sannanlega sekir af.

[Baldvin Jónsson, 14.10.2007 kl. 21:31]

Innskot Predikarans hér að ofan er nú ekki svara vert varðandi dóma í Geirfinnsmálinu. Ef sekt er ekki sönnuð er á engan máta réttlætanlegt að dæma manneskju í fangelsi vegna þess að hún er örugglega búin að brjóta eitthvað "annað" af sér.  Það þarfnast að sjálfsögðu þá sönnunar líka.

En Jón, ég gæti ekki verið meira sammála þér með störf stjórnarmanna og borgarfulltrúa.  Þetta mál sannar svo um munar að þetta fólk hefur talið sig vera áskrifendur að stjórnarlaunum án þess að þeim störfum þyrfti að fylgja ábyrgð.  Vilhjálmur líklega sá eini sem er nógu heiðarlegur og kannski einfaldur að viðurkenna það bara opinskátt.

Hvernig er hægt að treysta kjörnum fulltrúum sem skrifa undir samninga, jafnvel milljarða samninga, án þess að svo mikið sem lesa þá??

Er þetta ekki alveg stórmerkilegt?

[Predikarinn - Cacoethes scribendi , 14.10.2007 kl. 21:56]

Baldvin Jónsson   lestu dóminn minn kæri.  Sönnunin á þá kemur í yfirheyrslum og játningum þeirra, sem og rannsóknarvinnu lögreglunnar. Þó þeir hafi ekki verið saksóttir fyrir þær sakir þá voru þeir sekir um það sem þeir játtu og uppvístu sjálfir.

[Jensen (IP-tala skráð) 14.10.2007 kl. 23:33]

Sæll Jón,hvert er þitt lögformlega mat á þessum samningi við þessar klíkur  GGE O R,semsagt á ´´ensku,,    er þettað löglegt.?????

[Guðrún María Óskarsdóttir., 15.10.2007 kl. 01:20]

Sæll Jón.

Ég held að stjórn fyrirtækisins hafi algjörlega brugðist skyldum sínum því miður og skortur á upplýsingum um framtíðaráform sem að virðist að hafi verið meiri en kjörnir fulltrúar almennings fengu nasasjón um nema með sögusögnum.

kv.gmaria.

[Jón Steinar Ragnarsson, 15.10.2007 kl. 03:50]

Hvernig er það nafni...er ekki grunur um djúprista spillingu tilefni til þess að skipa rannsókn í málinu?  Af hverju heldur hið háa Alþingi sig til hlés þarna eins og að málefni stæsta byggðarkjarna landsins komi þeim ekki við.

'Eg tel að langt sé frá að öll kurl séu komin til grafar og að taka megi um leið alla einkavæðinguna til endurskoðunnar hvað varðar hagsmunatengsl  og innherjatengsl og þá er ég líka að tala um ríkið. T.d. útrásarprójekt vegagerðarinnar og fleiri.  Aldrei var flett almennilega ofan af sukkinu við einkavæðingu ríkisbankanna og það bara sussað niður.  Nú eru sumir þeir sömu og vændir voru um spillingu þar að brillera í þessu máli eins og Finnur Ingólfsson, sem skýlir sér að baki nafni fjárfestingarfélags.  Aðkoma Alfreðs að klofningnum ætti að vera nægilegt tilefni til rannsóknar.

Þetta er kraumandi ormagryfja, sem verður að hreinsa til í, því mig grunar að framtíð þjóðarinnar byggi á því að stöðva þennan trend.

Svo þarf að gefa út bráðabirgðarlög til að heimila kosningar. Það mætti einfalda málið með að hafa forkosningar um hvort að sitjandi sveitastjórnir hafi traust áfram, já eða nei. Hinir sem falla á prófinu þurfa svo að sæta nýrri kosningu.  Alþingi hefur ekki klígjað við því að gefa út bráðabirgðarlög, þega taka á verkfallsrétt fólks að skipun atvinnurekenda og útgerðarmanna.  Nú ætti það að mæta kröfum fólksins. Til þess eru þeir kosnir.

[Júlíus Valsson, 15.10.2007 kl. 10:08]

Enskan er víst orðið tungumál bisnessmanna á Íslandi og líklega ekki af ástæðulausu. Hver nennir svo sem að lesa smáa letrið......     á ensku?

"Keep it simple"
BB King