Hvernig væri að treysta fólkinu í landinu?

Það er með eindæmum að horfa upp á það hvernig sóttvarnarlæknir hrekst úr einu víginu í annað til að reyna að réttlæta frelsisskerðingu borgaranna vegna ráðstafana sem hann mælir fyrir um, en heilbrigðisráðherra ber stjórnskipulega ábyrgð á. 

Þessar frelsisskerðingar kosta þjóðfélagið milljarða. Er ekki kominn tími til að taka mark á þeim læknum, sem sjá að Þórólfur er eins og keisarinn í nýju fötunum forðum.

Heilbrigðisráðherra er ekki kominn tími til að þú farir að stjórna þínum málalfokki?

 

Orð Ragnars koma á óvart

Nú er mál að linni

Fjármálaráðherra, fyrrum dómsmálaráðherra Sigríður Andersen og Diljá Mist Einarsdóttir þingmaður segja, sóttvarnarráðstafanir vegna Kóvíd ólögmætar. Þórólfur sóttvarnarlæknir er ósammála en tekur fram, að hann sé ólöglærður ólíkt hinum þremur.

Fyrrum yfirmaður Kóvíd göngudeildar Landspíalans Ragnar Freyr Ingvarsson læknir segir einkenni Ómíkron hafi jafnan verið væg þá  tvo mánuði sem tekist hafi verið á við það og spyr hvenær hættir sjúkdómur að vera hættulegur. Ekki furða að spurt sé þar sem Ómíkrónið virðist skárra en vond inflúensa. Séu það rétt sem læknirinn segir þá er ljóst, að forsendur frelsisskerðinga sóttvarnarlæknis og heilbrigðisráðherra standast ekki. Um er að ræða ólögmætar frelsisskerðingar. 

Heilbrigðisráðherra tekur ákvarðanir um sóttvarnir og ber stjórnskipulega ábyrgð á þeim. Sé um ólögmæta beitingu sóttvarnarlaga að ræða, þá er  um alvarlega valdníðslu ráðherrans að ræða, sem hann ber einn ábyrgð á en ekki Þórólfur Guðnason eða Katrín Jakobsdóttir. Vill heilbrigðisráðherra sitja uppi með þennan Svarta Pétur?

Ólögmætar frelsisskerðingar viljum við engar hafa Willum Þór.

 

Flottastir allra

Okkur hættir til að ofmetnast í sjálfumgleði og teljum okkur þá á stundum vera flottust allra. Forsetar lýðveldisins virðast haldnir þessari meinloku í ríkara mæli en flestir.  Fyrrverandi forseti fann upp útrásargenið og því værum við með bestu og flottasta banka- og kaupsýslufólkið. Svo kom Hrunið. 

Núverandi forseti telur okkur eiga flottasta sóttvarnarteymi í heimi og sæmdi það fálkaorðu í júní 2020, af því að þá hafði það að hans mati unnið fullnaðarsigur á Kóvíd. Rúmu einu og hálfu ári síðar fjölgar smitum sem aldrei fyrr, en ríkin í kringum okkur eru að aflétta öllum hömlum.

Heilbrigðisráðherra reynir að koma sér fyrir á bólakafi ofan í vasanum á sóttvarnarlækni jafnvel þó að eini alvöru lögfræðingurinn í ríkisstjórninni segi það lögleysu. 

En tillögur  sóttvarnarlæknis eru ekki að virka. Smit mældust fleiri í gær en nokkru sinni fyrr, en þetta reynist ekki verra en umgangspest. Er þá ekki rétt að láta heilbrigða skynsemi stjórna för og segja við sóttvarnarlækni - ekki meir - ekki meir. 

Nesjamennska og útnáraháttur

Ritstjóri Fréttablaðsins kemst að þeirri niðurstöðu í leiðara í dag, að nesjamennska og útnáraháttur Íslendinga valdi því, að við erum ekki í Evrópusambandinu (ES).

Svo virðist, sem ritstjórinn hafi staðnað í sögulegum viðhorfum til alþjóðamála á fyrri öldum Íslandssögunnar. Vart verður þjóð, með hlutfallslega ein mestu  alþjóðlegu viðskipti, með fjölþjóðlegt öflugt listalíf og þúsundir útlendinga vinnandi að arðsköpun í landinu sökuð um nesjamennsku og útnárahátt.

Raunar skiptir engu máli hvað íslenska þjóðin gerir af því að nauðhyggja ritstjórans og sálufélaga hans, leiðir alltaf til  þeirrar niðurstöðu, að einungis sé um tvo kosti að velja. Að vera frjáls og fullvalda þjóð eða fórna fullveldinu og vera áfram hjáleiga utan ES eins og hann orðar það. Ritstjórinn vill fórna fullveldinu. 

Því miður hafa menn eins og ritstjórinn og útgáfuaðilar Fréttablaðsins staðnað í tilverunni varðandi viðhorf til ES og neita að horfast í augu við þá óbærilegu yfirstjórn í Brussel sem hefur tekið sér síaukin völd og krefst þess nú, að lögin þeirra gildi umfram landslög í aðildarríkjunum. 

Hvernig stendur á því að þeir sem hafa gert Evrópuguðinn ES að leiðtoga lífs síns neita að horfast í augu við þann raunveruleika, að með því að ganga í ES mundum við fórna auðlindum þjóðarinnar eins og fossaflinu og jarðvarmanum sem og aðgang að fiskimiðunum.

Af hverju neita þeir að horfast í augu við að smáþjóðin Ísland verður þá fyrst hjáleiga með því að fórna fullveldi sínu og ganga í ES. Ritstjórinn hefði betur litið í orðabók áður en hann valdi orðið hjáleiga.

Hjáleiga verður Ísland nefnilega þá fyrst færi svo illa að hún gengi í ES og fórnaði fullveldinu. 

 

 

 

 

 

 

Leikhús fáránleikans

Landsliðsþjálfari Íslands í handbolta lýsti stöðunni vegna kóvíd sem leikhúsi fáránleikans. Fjölmargir leikmenn eru í sóttkví en engin veikur. Þjálfarinn sagði þetta eins og kvef. 

Einn af hverjum 14 hér á landi eru í sóttkví og/eða einangrun vegna kvefpestarinnar. Hamast er við að framlengja leikhús fáránleikans hér og á landamærunum. Fyrst ríkisstjórnin var enn einu sinni að krukka í reglurnar af hverju voru þær þá ekki afnumdar. Eigum við að hafa sérreglur um kvefpest, sem nefnist kóvíd afbrigði?

Enn er talað um bólusetningarpassa o.fl. rugl. Dálkahöfundurinn Michael Deacon, sér hið spaugilega og veltir fyrir sér rauðvínsprófi í stað bólusetningarvottorðs. Komið hafi í ljós, að þeir sem drekki 5 glös af rauðvíni á viku eða meira, sé síður hætt við Kóvíd og fái vægari einkenni. Við inngang að viðburðum verði þess þá gætt, að fólk sé nægjanlega drukkið til að það fái aðgang og boðið að bæta úr ef svo sé ekki. 

Hugsanlega yrði minni ágreiningur um þessa leið sem Deacon bendir á enda á hún vel við í leikhúsi fáránleikans. 

Innrás í Úkraínu

Er líklegt að Rússar ráðist inn í Úkraínu? Af hverju ættu þeir að gera það? Efnahagslegir hagsmunir eru ekki fyrir hendi. Úkraína hefur ekki getað brauðfætt sig um árabil nema með mikilli aðstoð frá ES og USA.

Vakir e.t.v. eitthvað annað fyrir Pútín og þá hvað? Aðild Úkraínu að NATO? Rússar segja að það sé andstætt öryggi sínu að Úkraína gangi í NATO. Af hverju að taka Úkraínu í NATO og halda Rússum fyrir utan? Af hverju að útiloka Rússa frá ES samstarfi eitt landa í þessum heimshluta. Stuðlar það að friði og framförum? 

Hvaða rugl er það að manga endalaust til við Tyrki, hafa þá í NATO og gæla við að þeir gangi í ES á sama tíma og Rússum er haldið utan við.

Svo er mál til komið að okkar ágæti utanríkisráðherra afnemi allar refsiaðgerðir gegn Rússum og sjái til þess að Ísland taki upp eðlileg og vinsamleg samskipti við þá.

Vestræna stjórnmálaelítan er því miður afar illa skipuð. Pútín getur því leikið á þá mun betur en Neró á hörpuna sína forðum og sýnt umheiminum úr hvaða efni þeir eru gerðir. 

Nokkrar staðreyndir um svonefnda fjölmenningu

Kristin ríki í Evrópu hafa verið opin fyrir nýjum hugmyndum og verklagi um aldir. Evrópa er og hefur verið álfa, þar sem þjóðleg menning ræður ríkjum og margt af því besta frá öðrum hefur verið tekið upp. 

Þegar "góða fólkið" fór að prédika fjölmenningu var það fyrst og fremst til að styðja við ólöglega flóttamannaiðnaðinn og breyta lögum í Evrópu til að auðvelda Íslömskum hlaupastrákum, að koma til Evrópu þó þeir hefðu ekkert hingað að gera og kæmu nánast allir  á fölskum forsendum. 

Afleiðingarnar hafa m.a. verið þessar einkum hvað varðar Íslamska minnihluta "fjölmenningaraðalsins".

Sérstök hverfi eru í mörgum stórborgum Evrópu, þar sem eingöngu búa múslimar og þeir hafa sínar eigin reglur og blandast ekki samfélaginu. Lögregla fer venjulega ekki inn í þessi hverfi nema þungvopnuð. Þetta eru aðskilin þjóðfélög, þar sem engin fjölmenning kemst að.

Fjöldi þessara innflytjenda vinna ekki neitt en lifa á bótum.

8.12.2021 á hátíðisdegi kaþólsku kirkjunnar í Frakklandi var ráðist á a.m.k. 30 trúaða kaþólika á götum úti og þeim hótað dauða. Þeir sem réðust á þá hrópuðu "kuffars" (villutrúarmenn) og "þið eigið ekki heima hérna". Dagblaðið Le Figaro segir að í Nanterre í Frakklandi hafi árásarmennirnir hótað presti að skera hann á háls. 

Í Brussel höfuðborg Evrópu svokallaðri eru mörg svæði þar sem er hættulegt fyrir konur og samkynhneigða að ganga.

Konur af erlendum uppruna aðallega múslimar eru aðeins 18% kvenna í Belgíu en þær eiga um helming allra barna sem fæðast í landinu.

Á Norðurlöndum eru núna hundruð liðsmanna Ísis, íslamska ríkisins. Fjöldi þeirra er kominn til baka eftir að hafa barist með hryðjuverkasamtökunum, sem hafa staðið fyrir morðárásum og fjölmörgum hryðjuverkum í Evrópu. Þessir ÍSIS liðar eru frjálsir ferða sinna á Evrópska efnahagssvæðinu.  

Íslömsku hlaupastrákarnir og þeir sem mynda bræðralagið sem dregur sig út úr og myndar sín eigin hverfi með eigin reglur og siði í borgum Evrópu vilja enga fjölmenningu. Þeir vilja hafa sína einmenningu og gera kröfur til að við tökum hana upp. 

Fjölmenningarsinnarnir átta sig ekki á að forsenda fjölmenningar er að vera laus við fornaldarhugmyndafræði Íslam úr Evrópu.

Með þeirri fjölmenningarbaráttu sem "góða fólkið" stundar er ekki verið að berjast fyrir fjölmenningu heldur einmenningu fornaldartrúarbragða Íslam. 

 

 

Ekki gekk að loka kóvídið úti.

Nýsjálendingar eru nú í mesta basli vegna Kóvíd. Lengi vel trúðu sóttvarnaryfirvöld og stjórnmálaelítan þar í landi eins og Inga Sæland hér á landi, að hægt væri að loka veiruna úti með því að beita ströngustu sóttvörnum og nánast loka landinu. 

Það gekk ekki þar frekar en nokkursstaðar annarsstaðar. 

Afleiðingin er sú, að vandamálunum var frestað og nú geisar kvóvídið af fullum þunga í Nýja Sjálandi og forsætisráðherrann verður að fresta eigin brúðkaupi. 

Kóvíd veiran eins og aðrar veirur virða ekki landamæri. 

Annað er uppi á teningnum í Bretlandi. Þegar sýnt er frá knattspyrnu í dag sjást fótboltavellir þar sem fullt er af áhorfendum og hvorki þeir né leikmenn eru með grímur eða hafa nein fjarlægðartakmörk. Lífið er eins og það var fyrir kóvíd. Af hverju getum við og Nýsjálendingar ekki gert þetta líka?

Herðir aðgerðir og aflýsir eigin brúðkaupi

Síberíuloftslag

Blaðamaðurinn Michael Deacon rifjaði það upp í gær, að enska blaðið the Observer hefði birt frétt í febrúar árið 2004 um innihald leyniskýrslu frá Pentagon í Bandaríkjunum, sem blaðið taldi meiriháttar afrek að hafa komist yfir. 

Skv. frétt blaðsins í febrúar 2004 þá mundu loftslagsbreytingar leiða til þess, að það mundi kólna í Evrópu og á Bretlandi mundi verða Síberíuloftslag árið 2020. Í gær var kalt í Bretlandi miðað við árstíma og lægsti hiti sjö stiga frost. En í Síberíu var frostið 52 gráður.

Þá sagði líka í frétt blaðsins, að það mundi kólna í Evrópu og leiða til skorts á vatni og orku. Þá yrðu meiriháttar þurkar, hungursneið og óeirðir í álfunni.  Skelfilegir ofsavindar mundu gera hluta Hollands óbyggilegt og borgin Haag yrði yfirgefin og tóm árið 2007. Árið 2020 var staðreyndin samt sú að íbúum í Hag hafði fjölgað um 100 þúsund manns. 

Spálíkanið sem Observer birti árið 2004 finnst okkur algjörlega galið í dag. Allar spár um loftslagsbreytingar og hlýnun jarðar hafa verið álíka galnar allt frá þeim tíma. Samt dansar pólitíska elítan og fréttaelíta heimsins í kringum þetta bull og hamast við að gera börn og unglinga dauðhrædd við ógn sem er ekki fyrir hendi. 

Draugasögur nútímans eru verri en drauga- Grýlu- og tröllasögurnar í gamla daga. Þá sussaði fólk á börnin og sagði þeim að þetta væri ekki rétt. Nú hamast æðstu menn þjóða eins og forsætisráðherra Íslands við að sannfæra fólk um að nútíma Grýlusögurnar séu heilagur sannleikur. 

Til vansa fyrir Bandaríkin

Joe Biden tók við völdum sem forseti Bandaríkjanna fyrir ári. Valdatími hans hefur verið svo skelfilegur, að hann hefur orðið sér til vansa bæði heima og erlendis. 

Heilsteypta stefnu í utanríkismálum skortir. Sneypuleg endalok  í Afganistan og vanhæfni forsetans þar hafa leitt til þess, að andstæðingar Bandaríkjanna telja sig geta farið sínu fram. Rússar hóta innrás í Úkraínu og Kínverjar að innlima Taiwan. Prelátarnir í Íran telja sig geta farið sínu fram.

Stefna Biden inn á við, hefur ekki síður verið slæm. Áhersla hefur verið lögð á gegndarlausa eyðslu hins opinbera, sem hefur leitt til mestu verðbólgu í 40 ár eða 7%. Stefna vitifirrta vinstrisins í Demókrataflokknum í Bandaríkjunum m.a. að draga úr framlögum til lögreglu og andstöðu við störf hennar,hefur leitt til glæpaöldu. Í San Francisco og Los Angeles sem Demókratar hafa stjórnað í langa hríð eru rán og gripdeildir orðin svo algeng, að þau þykja ekki lengur fréttnæm.

Stefna Demókrata undir forustu Biden hefur leitt til efnahagslegs óstöðugleika, hnignunar borga,glæpaöldu og vaxandi innanlandsátaka. Í einu orði sagt þá hefur stjórn Biden verið skelfileg.

Vinsældir forsetans hafa hrapað og innan við þriðjungur kjósenda telur hann hafa staðið sig sæmilega eða vel í embætti. Þrátt fyrir að óstjórnin og glundroðin sem afleiðing af stefnu og stefnuleysi Biden og stjórnar hans, þá þegja helstu fjölmiðlar eins og þeir geta um það. En vandamálin hverfa ekki með því og dæmi eru um, að fjölmiðlum sem hafa stutt Demókrataflokkin er nóg boðið. 

Spurning er hvort að ein vinstri sinnaðasta fréttastofa lýðræðisríkja, fréttastofa RÚV tekur við sér og áttar sig á hvílílka skelfingu vinstri stefna Biden og bullukollustefna borgarstjóra Demókrata í Bandaríkjunum eru að leiða yfir þjóðina.

Hvað sem því líður eða eins og Biden segir, þegar hann tapar þræðinum "Anyway", þá eru kosningar í Bandaríkjunum í nóvember. Með sama áframhaldi munu Demókratar tapa meirihluta sínum bæði í fulltrúadeildinni og öldungadeildinni. Spurningin er bara hvað mikið tjón Biden og fylgifiskar hans geta unnið á meðan og hve miklu áliti og afli Bandaríkin tapa þangað til. 

En kjósendur sitja alltaf uppi með vanhæfa stjórnendur, sem þeir kunna að hafa glæpst á að kjósa. Þessvegna skiptir máli að kjósa og kjósa rétt.