Fyrsta og annars flokks borgarar.

Franska byltingin 1789 markaði tímamót.Þá varð til stjórnarskrá sem lögfesti jafnstöðu allra franskra borgara. Nú hefur franska þingið ákveðið að breyta því, að gera mun á þeim sem eru Kóvíd bólusettir og þeim, sem eru það ekki. 

Heilbrigðistarfsfólk er með lögunum skyldað til að láta bólusetja sig. Þá verða til heilsupassar. Án þeirra má fólk ekki ferðast með flugvélum, járnbrautalestum, borða á veitingastöðum eða koma á ýmis söfn eða aðra opinbera staði.

Angela Merkel Þýskalandskanslari boðar takmarkanir á frelsi þeirra sem eru ekki bólusettir. Í Bretlandi er talað um að setja reglur um skyldubólusetningu skólafólks.

Dómstólar eiga eftir að fjalla um það hvort að þessi mismunun borgaranna samræmist grundvallarlög samfélagsins. 

Ekkert Kóvíd bóluefni veitir örugga vörn gegn smiti. Ekkert veitir örugga vörn gegn því að bólusett fólk smiti ekki aðra. Bólusetningin tryggir ekki að bólusettir veikist ekki. 

Bóluefnin á markaðnum eru ekki merkilegri en það, að framleiðendurnir ábyrgjast hvorki að ekki fylgi alvarlegar aukaverkanir né að þau hafi einhverja virkni sem skiptir máli.  Við þessar aðstæður þegar fyrir liggur nú þegar að ýmsar alvarlegar aukaverkanir tengjast bóluefnunum, er það með miklum ólíkindum og sýnir hve heillum horfnir pólitískir forustumenn í Evrópu eru, að þeir skuli láta sér detta í hug að skipta borgurunum í tvo hópa bólusettum og óbólusettum og svipta óbólusetta frelsi sínu á ýmsum sviðum.

Kóvíd faraldurinn hefur sýnt fram á, hvílík áhrif ofurþungi samræmds stöðugs hræðsluáróðurs hefur á fólk. Nú á að nýta þá hræðslu til að knýja alla til að láta bólusetja sig að viðlagðri ábyrgð að lögum og skerðingu lýðréttinda. 

Frakkar sem ríða á vaðið með skerðingu borgaralegra réttinda þeirra sem ekki láta bólusetja sig gerir það undir sama vígorði og Frakkar beita í hernaði áður en hundruðum þúsunda ungs fólks er fórnað á vígvellinum. 

Nú er sú eina von eftir, að dómstólar Evrópu standi sig og dæmi alla þá löggjöf ólöglega sem tekur af borgaraleg réttindi þeirra sem ekki láta bólusetja sig. 

 

Athugasemdir

[Guðmundur Ásgeirsson, 26.7.2021 kl. 21:24]

Ef innleiða á aðskilnaðarstefnu á annað borð ættu slíkar takmarkanir fyrst og fremst að gilda um hin bólusettu því frá þeim stafar nú mesta hættan.

Ætli sé hægt að fá vottorð um að vera ekki bólusettur?

[Þorsteinn Siglaugsson, 26.7.2021 kl. 22:31]

Bóluefnin veita raunar enga vörn gegn smiti sýnist mér. Það sýna til dæmis tölurnar um smit á covid.is eftir að byrjað var að greina þær eftir því hvort smitaðir hafi eða hafi ekki verið bólusettir.

[Bjarni Jónsson, 27.7.2021 kl. 17:11]

Það er eitthvað bogið við það að vernda bólusetta gegn smiti frá óbólusettum.  Til hvers var þá bólusetningin ?  Hún virðist vera óttalegt húmbúkk.

[Guðmundur Ásgeirsson, 27.7.2021 kl. 19:41]

Ekki nóg með að sprauturnar virki ekki til að hindra smit heldur sýnir tölfræðin líka að þessi smitbylgja af völdum hinna bólusettu bitnar hlutfallslega mun meira á þeim sem hafa kosið að láta ekki sprauta glundrinu í sig og verja sig í staðinn með skynsamlegri hegðun á almannafæri.