Og lautinant Þorgerður vitnar

Í bókinni 1984 er greint frá því hvernig stjórnvöld reyndu að ná öllum tökum á hugsun tjáningu og hegðun fólks. Pólitískt nýmál var tekið upp til að auðvelda stjórnun á hugsun og tjáningu fólksins. Höfundur bókarinnar George Orwell hafði ekki hugmyndaflug til að setja inn í pólitíkst nýyrðasafn einræðisvaldsins, að tjáningarfrelsi væri hatursorðræða. Úr þessu hefur Katrín Jakobsdóttir bætt með þingsályktunartillögu um hatursorðræðu.

Tillagan gerir ráð fyrir viðamiklum ráðstöfunum til að koma í veg fyrir "hatursorðræðu" sem þó hefur ekki fengið viðhlítandi skilgreiningu. Menntun og fræðsla ríkisstarfsmanna og annara sem vilja ganga undir ok ritskoðunarinnar verður væntanlega á höndum lautinanta úr Vinstri grænum. Með því kemur vinnumáladeild VG sennilega þeim flokksmönnum, sem hafa ekki enn fengið vinnu hjá ríkinu í þægilega vellaunaða innivinnu við að fylgjast með hugsunum fólks með sama hætti og var í skáldverkinu 1984.

Í umræðum um málið á þingi nýverið lýstu þingkonur úr Pírötum og Samfylkingu fögnuði með þessa tilraun Katrínar til að vega að  tjáningarfrelsinu.

Þingkonan Þorgerður Katrín Gunnarsdóttir, sem undanfarið hefur samsamað sig með vinstrinu í íslenskri pólitík, Pírötum og Samfylkingunni skyldi lýsa yfir sérstökum fögnuði með þetta dáðríka framtak forsætisráðherra. 

Þorgerður ræddi um þá hættu sem fólki stafaði af hatursorðræðu hægri manna og lofaði framtak forsætisráðherra. Hún sagðist nálgast þetta mál frá "hægri". En þau orð í ræðu Þorgerðar sýna í raun ekkert annað en að flokksformaður Viðreisnar sér ekki handa sinna skil í pólitíska litrófinu.

Engin þingmaður tók til varna fyrir tjáningarfrelsið í umræðunni eða gerði athugasemdir.

Vonandi er til fólk á Alþingi, sem lætur ekki þessa "woke"(bull) hugmyndafræði forsætisráðherra ná fram að ganga. 

Athugasemdir

[Sigurður Kristján Hjaltested, 10.3.2023 kl. 12:53]

Svo rétt hjá þér Jón og alveg með ólíkindum

hvað þetta vinstra/samfó lið er tilbúið að

loka fyrir umræður og skoðanir fólks.

Allt uppá borðum og gegnsæi eru skrautorð

notuð fyrir kosningar sem hentar þeim alls

ekki eftirá. Þvílík hræsni. Hér er linkur sem

sýnir algjörlega hvernig þetta fólk hugsar, bæði

sem telja sig hægra meginn og vinstra meginn...

https://youtu.be/Uo8y8zSr090

[Tómas Ibsen Halldórsson, 10.3.2023 kl. 13:45]

Katrín er hér að hlíða kalli Klaus Schwab en hann sendi út kall sitt til þjóðríkja heims að koma lögum á "hatursorðræðu".  Katrín sem virðist innmúruð í Davos-klíkuna er bara að fara eftir fyrirmælum foringjans.

Viðbrögð annarra "stjórnmálamanna/kvenna" segir okkur hver afstaða þeirra er til áforma WEF um heimsyfirráð, en þau samtök fara ekki lengur leynt um áform sín.

[Guðjón E. Hreinberg, 11.3.2023 kl. 10:37]

Hatursorðræða (Hate Discourse) er þar að aukii léleg snörun á Hatursegð (Hate Speech). En það virðist enginn átta sig á, eða einhverjir sem þegja, að lög gegn hatursegð er brot á Stjórnarskrá Lýðveldisins. Þetta var sumsé skilgreint af landfeðrunum á tíma Íslenska Konungsríkisins 1920 - 1944.

Að setja í Almenn hegningarlög, ólög; er landráð, því brot á stjórnarskrá er landráð - og það er auðvelt hvaða lögspekingi sem er að sýna framá.

[Gunnar Heiðarsson, 12.3.2023 kl. 07:50]

Heill og sæll Jón

"Þorgerður ræddi um þá hættu sem fólki stafaði af hatursorðræðu hægri manna ..."

Um þetta snýst málið, pólitískan rétttrúnað. Þessi umræða snýst ekki um hvort fólk noti ljót ummæli falla, jafnvel niðrandi. Snýst ekki um meiðandi ummæli. Þessi tillaga Katrínar snýst um það eitt að geta stjórnað pólitískri umræðu og þannig haldið völdum. 

Ef við horfum til Alþingis og skoðum hver þar trónir hæst í hatursorðræðu til samþingsmanna sinna, hin síðari ár, kemur eitt nafn strax upp í hugann. Sá maður var ekki einungis orðljótur í ræðustól heldur var hans siður að berja í borðið. Svo langt gekk að eitt sinn gekk hann að þáverandi forsætisráðherra og lagði á hann hendur, í sal Alþingis og frammi fyrir alþjóð. Þessi maður varð síðar ráðherra, reyndar yfir svo mörgum ráðuneytum um tíma að erfitt var að ná tölu á þeim. Hann var lengst af formaður eins af núverandi stjórnmálaflokkum landsins. Ef eitthvað getur talist hatursorðræða var það framferði þessa manns í ræðustól Alþingis og má kannski segja að margur núverandi þingmaður hafi hann sem sína fyrirmynd.

Kveðja