Ætlar Álfheiður Ingadóttir að axla ábyrgð?

Ætlar Álfheiður Ingadóttir heilbrigðisráðherra að axla ábyrgð og segja af sér fyrir að hafa sýnt fádæma valdníðslu og gerræði í störfum sínum sem ráðherra?

Athugasemdir

[Grefillinn Sjálfur - Koma svo! (IP-tala skráð) 8.4.2010 kl. 10:20]

Af hverju eru allir svona vondir við Álfheiði? Er hún ekki búin að útskýra að þetta er allt saman tómur misskilningur?

Hún var ekkert að meina að undirmenn hennar mættu ekki tala við aðra, hún vill bara að þeir tali við sig fyrst. Svo mega þeir tala við aðra. Ekki fyrr.

Er ekki bara fullkomlega eðlilegt að hún fái líka að vita um hvað þeir ætla að tala við aðra áður en þeir tala við þá með því að tala við hana á undan?

Ég meina ... hún ER nú einu sinni ráðherra ... er það ekki?

Jú, og þar með líka aðalgellan í gelluhópnum ... er það ekki?

Jú, auðvitað!

Ég veit það alla vega að ef mínir undirmenn ætluðu að fara að tala við aðra áður en þeir töluðu við mig fyrst um hvað þeir ætluðu að tala um við aðra þá myndi ég vilja að þeir töluðu um það við mig fyrst áður.

Er það til of mikils mælst? Skil ekki þennan æsing.

[Höfundur ókunnur, 8.4.2010 kl. 16:13]

Nei, hún er ein allsherja frekjudolla. Líkurnar að hún geri þetta eru jafn miklar og það springi á öllum dekkjum á bílnum á einum degi á leið úr vinnu (<10 km malbik). Ekki útilokað en viðbjóðslega ólíklegt.

[Gunnlaugur I., 8.4.2010 kl. 16:22]

Sæll Jón.

Mér finnst þessi aðför að Álfheiði, hreint klámhögg.

Þessi embættismaður sem er ekki fulltrúi almennings reynir að fara á bak viða almannavaldið sem er auðvitað Alþingi og ráðuneytiið.

Sumir ráðherrar hér áður fyrr hikuðu ekki við að leggja svona stofnanir niður í heilu lagi án þess að spyrja kóng eða prest ef þeim svo mikið sem mislíkaði niðurstöðurnar. Og því var ekki hreyft, það bara stóð sem kóngurinn í Valhöll sagði !

Þú ættir nú að líta til þessa sem m.a. fældi þig úr Sjálfstæðisflokknum hér áður fyrr, áður en þú fellir svona sleggjudóma yfir því að ráðherrann vill hafa valdið sem hún á að hafa en ekki fúnir og flokksskipaðir embættismenn.

[Hamarinn, 8.4.2010 kl. 20:17]

Nei. Til hvers, hefur einhver gert það áður?

[Elle_, 8.4.2010 kl. 21:20]

Nei, ekki getum við búist við að hrokinn sljákki í henni, Jón.  Heldur gætum við búist við að valdníðslan versni.  Sniðug færslan að ofan (10:20). 

[Guðmundur Brynjólfsson (IP-tala skráð) 8.4.2010 kl. 21:48]

Nei hún ætlar ekki að axla ábyrgð af því að hún kann ekki að skammast sín. Þrátt fyrir ábendingar um að það sé siðaðra manna/kvenna háttur.

Lesi svo hver fyrir sig út úr því hvað það þýðir að hún ætlar SAMT ekki að axla neina ábyrgð.

[Þorsteinn Valur Baldvinsson, 9.4.2010 kl. 11:21]

Embættiskerfi réði ekki við hrunið og stóð nánast aðgerðalaust hjá, vegna þess að óhæfir skammtíma ráðherra í vinsældaöflun eru endalaust að ráðast á kerfið til að koma sínu fólki að en flæma aðra frá, og sérstaklega þá sem þora að efast um og óska eftir rökstuðning fyrir ákvörðunum.

þetta hefur skilað okkur ákvarðanfælnu embættismannakerfi sem er auðsveipt vilja flokkanna og hrynur í næstu golu.

Það er embættismannakerfið sem annast daglegan rekstur samfélagsins og ólíðandi að vanhæfir ráðherrar séu endalaust að brjóta það niður með einelti og subbuskap fúskarans.

[Sigurður Þórðarson, 9.4.2010 kl. 17:35]

Sæll Jón, ég er hjartanlega sammála þér í því að Álfheiður hafi spilað af sér og ekki í fyrsta sinn. Hún segist ætla að áminna starfsmann. Þetta er álíka fráleitt og ef dómari segðist ætla að dæma með tilteknum hætti áður en málið er flutt. En Álheiður á tvær færar leiðir í stöðunni.

Hún getur sagt sig frá málinu eða séð að sér og sleppt því að áminna Steingrím Ara, sem kemur mér fyrir sjónir sem grandvar maður. Álfheiður er aftur á móti ekki þannig týpa að ég vilji giska hvað hún gerir.